စစ်ကိုင်းတိုင်းအစိုးရအဖွဲ့ ထောက်ပံ့ငွေပေးအပ်

June 11, 2017

သဘာဝပတ်ဝန်းကျင်စိမ်းလန်းစိုပြည်ရေး စစ်ကိုင်းတိုင်းအစိုးရအဖွဲ့ အပင် ၁၀၀၀ ကျော်စိုက်ပျိုး

  စစ်ကိုင်းတိုင်းဒေသကြီး ဝန်ကြီးချုပ် အပါအဝင် တိုင်းအစိုးရအဖွဲ့မှ ဦးစီးပြီး မုံရွာမြို့နယ်အတွင်းရှိ ဗောဓိတစ်ထောင်ဘုရားအနီး ရွှေမြင်တင်တောင်ခြေကတုံးမှာ အပင် ၁၀၀၀ ကျော် စိုက်ပျိုးမှုကို ဇွန်လ ၁၁ ရက်နေ့ မနက်ပိုင်းက ပြုလုပ်ခဲ့ပါတယ်။ အခုလို အပင်ရေ ၁၀၀၀ ကျော်ထိ စိုက်ပျိုးရတာဟာ သဘာဝပတ်ဝန်းကျင် စိမ်းလန်းစိုပြည်ရေးအတွက် ရည်ရွယ်တယ်လို့ သိရပါတယ်။ စိုက်ပျိုးတဲ့အပင်တွေကတော့ ပျဉ်းကတိုး၊ ခရေ၊ သပြေ စတဲ့ အပင်အမျိုးစားတွေ ပါဝင်တယ်လို့ သိရပါတယ်။ ဒါ့ပြင် ဗောဓိတစ်ထောင်ဝန်းကျင်မှာ စွန့်ပစ်ထားတဲ့ အမှိုက်များကို စုပေါင်းကောက်ခဲ့ကြပါတယ်။ အဆိုပါ အပင် ၁၀၀၀ ကျော်စိုက်ပျိုးရာမှာ စစ်ကိုင်းတိုင်းအစိုးရအဖွဲ့မှ ဝန်ကြီးချုပ် ဒေါက်တာမြင့်နိုင်၊ တိုင်းအစိုးရဝန်ကြီးများ၊ ဌာနဆိုင်ရာများနဲ့ အရပ်ဘက်အဖွဲ့စည်းများ စုစုပေါင်း အင်အား ၃၀၀ နီးပါး ပါဝင်တယ်လို့ သိရပါတယ်။ သတင်း - ရန်နိုင်စိုး  
4 years Ago

June 6, 2017

မြစ်ရေတိုက်စားမှုကြောင့် ပြောင်းရွှေ့ခဲ့ရသည့်နေအိမ်များကို စစ်ကိုင်းတိုင်းအစိုးရအဖွဲ့ ထောက်ပံ့ငွေပေးအပ်

စစ်ကိုင်းတိုင်းဒေသကြီး၊ ကသာမြို့နယ်၊ မိုးတားလေးကျေးရွာအတွင်း ဧရာဝတီမြစ်ရေ တိုက်စားမှုကြောင့် ကြိုတင်ဖျက်သိမ်းခဲ့ရတဲ့ လူနေအိမ် ၉ လုံးအတွက် တအိမ်ကို ၁ သိန်းကျပ်နှုန်းနဲ့ တိုင်းဒေသကြီးလွှတ်တော်ဥက္ကဋ္ဌ ဦးသန်း၊ ကသာမြို့နယ် တိုင်းဒေသကြီး လွှတ်တော်ကိုယ်စားလှယ် ဦးညီညီထွန်းနဲ့ ဌာနဆိုင်ရာ တာဝန်ရှိသူတွေ ဇွန်လ ၆ ရက်နေ့က သွားရောက်အားပေးကာ ထောက်ပံ့ငွေများ ပေးအပ်ခဲ့ပါတယ်။ ဧရာဝတီမြစ်ရေက လွန်ခဲ့တဲ့ ၃ ရက်လောက်ကတည်းက သိသိသာသာ စတင်မြင့်တက်လာခဲ့တာဖြစ်ပြီး မြစ်ရေတိုက်စားလို့ မြစ်ကမ်းပါးပြိုကျမှုတွေ ဖြစ်ပေါ်ကာ လူနေအိမ်တွေ ဖြိုဖျက်ပြီး ဘေးလွတ်ရာကို ပြောင်းရွှေ့နေကြရတာ ဖြစ်ပါတယ်။ ကသာမြို့နယ်မှာ မိုးတားလေးကျေးရွာ အပါအဝင် ပုလွေရွှေကျေးရွာမှာလည်း လေပြင်း ကျရောက်မှုကြောင့် လူနေအိမ် ၂ လုံး ပြိုလဲခဲ့ပါသေးတယ်။ တိုင်းဒေသကြီးလွှတ်တော်ကိုယ်စားလှယ် ဦးညီညီထွန်းက “မိုးကတော့ ပြတ်သွားပြီ။ ဒါပေမယ့် ရေကတော့ ခုထိ တိုးနေတုန်းပဲ။ ကမ်းပါးပြိုလို့ နေအိမ် ပြောင်းရွှေ့ရတာက ကသာမြို့နယ်ထဲမှာတော့ မိုးတားလေးရွာတရွာပဲ ရှိတယ်။ ဒါကြောင့် ဒီနေ့ ကျနော်တို့ လွှတ်တော်ဥက္ကဋ္ဌကြီးနဲ့ သက်ဆိုင်ရာတာဝန်ရှိသူတွေ လာပြီး တိုင်းဒေသကြီးအစိုးရ သဘာဝဘေးဒဏ်ရန်ပုံငွေထဲကနေ တအိမ်ကို ၁ သိန်းစီ၊ အားလုံး ၉ သိန်း လာထောက်ပံ့တာပါ”လို့  ဒီဗွီဘီကို ပြောပါတယ်။ မြစ်ရေကလည်း ဆက်တိုးနေဆဲဖြစ်ပြီး မြစ်ကမ်းဘေးနားမှာရှိတဲ့ နောက်ထပ် ရွှေ့ပြောင်းရနိုင်တဲ့ အိမ် ၆ အိမ်လောက်လည်း ရှိနေတယ်လို့ ဆိုပါတယ်။ မြစ်ရေတိုက်စားတဲ့ဒဏ်ကို မိုးတားလေးကျေးရွာအပြင် မြစ်ကမ်းဘေးမှာရှိတဲ့ ဝက်တူး၊ ကျွဲခြံ၊ ပုလွေရွှေ၊ ထောင့်ကြီး၊ သံပရာကုန်း၊ ဒုံးအော၊ လိပ်ထုံး၊ ထုံးရဲ စတဲ့ကျေးရွာတွေကလည်း ခံစားရနိုင်တာကြောင့် သက်ဆိုင်ရာအဖွဲ့အစည်းတွေက သတိနဲ့နေကြဖို့၊ ဖြစ်လာရင် သက်ဆိုင်ရာကို အကြောင်းကြားကြဖို့တွေကို လိုက်လံဆော်သြတာတွေ ပြုလုပ်နေတယ်လို့ သိရပါတယ်။
4 years Ago
Up