စင်ကာပူနိုင်ငံသား

August 30, 2021

စင်ကာပူနိုင်ငံသား ၈၀ ရာခိုင်နှုန်း ကိုဗစ်ကာကွယ်ဆေး အပြည့်အဝ ထိုးနှံပြီးဖြစ်

စင်ကာပူနိုင်ငံ လူဦးရေရဲ့ ၈၀ ရာခိုင်နှုန်းဟာ ကိုဗစ်-၁၉ ကာကွယ်ဆေး အပြည့်အဝ ထိုးနှံပြီးဖြစ်တယ်လို့ နိုင်ငံကျန်းမာရေးဝန်ကြီးက ဩဂုတ် ၂၉ ရက်က ပြောလိုက်ပါတယ်။

ဒါဟာ ကမ္ဘာ့နိုင်ငံတွေထဲ ကာကွယ်ဆေးထိုးနှံပြီးစီးမှု အများဆုံးဖြစ်လာခဲ့ပြီး စင်ကာပူနိုင်ငံမှာတော့ လူဦးရေစုစုပေါင်း ၅ ဒသမ ၇ သန်း ရှိနေတာ ဖြစ်ပါတယ်။

“ကျနော်တို့ နိုင်ငံလူဦးရေရဲ့ ၈၀ ရာခိုင်နှုန်းဟာ ကိုဗစ်-၁၉ ကာကွယ်ဆေး ၂ ကြိမ် အပြည့်အဝ ထိုးနှံခဲ့ကြပြီး နောက်ထပ်မိုင်တိုင်တခုကို ဖြတ်ကျော်နိုင်ခဲ့ပါပြီ။”

လတ်တလောမှာတော့ စင်ကာပူအာဏာပိုင်တွေအနေနဲ့ ကိုဗစ်-၁၉ ရောဂါဆိုင်ရာ ကန့်သတ်ချက်တွေကို မကြာခင်မှာပဲ ဖြေလျှော့သွားဖို့ ရှိနေတယ်လို့ ဆိုပါတယ်။

စင်ကာပူနိုင်ငံတဝန်းမှာတော့ လက်ရှိအချိန်ထိ ရောဂါကူးစက်ခံခဲ့ရသူ စုစုပေါင်း ၆၇,၃၀၄ ယောက်နဲ့ သေဆုံးသူ ၅၅ ယောက်နဲ့ ကမ္ဘာ့နိုင်ငံတွေထဲ ကူးစက်မှုအမြင့်ဆုံးအဆင့် ၁၁၅ နေရာမှာ ရှိနေတာပါ။

တကမ္ဘာလုံးအတိုင်းအတာနဲ့ ကိုဗစ်-၁၉ ရောဂါကူးစက်ခံရသူ စုစုပေါင်းကတော့ ၂၁၆ ဒသမ ၉၉ သန်းကျော်၊ သေဆုံးသူ ၄ သန်းခွဲကျော်နဲ့ ရောဂါပြန်လည်ပျောက်ကင်း သက်သာလာသူပေါင်း ၁၉၃ ဒသမ ၉ သန်းကျော် ရှိနေတာ ဖြစ်ပါတယ်။      

ကမ္ဘာ့ကူးစက်မှု အမြင့်ဆုံးနိုင်ငံတွေအဖြစ် အမေရိကန်နိုင်ငံက ရောဂါကူးစက်ခံရ သူပေါင်း ၃၉ ဒသမ ၆ သန်းကျော်၊ သေဆုံးသူ ၆ သိန်းခွဲကျေိာ်၊ အိန္ဒိယနိုင်ငံက ရောဂါကူး စက်ခံရသူပေါင်း ၃၂ ဒသမ ၇ သန်းကျော်၊ သေဆုံးသူ ၄ သိန်း ၃ သောင်းကျေိာ်၊ ဘရာဇီးနိုင်ငံက ရောဂါကူးစက်ခံရသူပေါင်း ၂၀ ဒသမ ၇ သန်းကျော်၊ သေဆုံးသူ ၅ သိန်း ၇ သောင်းကျေိာ်စီ အသီးသီးနဲ့ ရပ်တည်နေပါတယ်။

1 year Ago

October 11, 2020

သူလျှိုမှုဖြင့် စင်ကာပူနိုင်ငံသား ၁ ဦးကို အမေရိကန်တရားရုံးက ထောင်ဒဏ် ၁၄ လ ချမှတ်

ဒစ်က်ဆင်ယောင်ဆိုတဲ့ နာမည်နဲ့ လူသိကြတဲ့ အသက် ၃၉ နှစ်အရွယ် ပညာရှင်စင်ကာပူ နိုင်ငံသား ကျန်းဝေယောင်ကို အမေရိကန်တရားရုံးက အောက်တိုဘာ ၉ ရက်မှာ ထောင်ဒဏ် ၁၄ လ ပြစ်ဒဏ်စီရင်လိုက်ပါတယ်။  တရုတ်ထောက်လှမ်းရေးရဲ့ တရားမဝင် သူလျှိုအဖြစ် ဆောင်ရွက်မှုကြောင့် ခုလိုစီရင်တာ လို့ တရားရေးဌာနက ပြောပါတယ်။  အရှေ့တောင်အာရှ နိုင်ငံရေးအကြောင်း စာတမ်းတင်သွင်းဖို့ ပေကျင်းက ဖိုရမ်တခုကို ရောက်ချိန်မှာ ယောင်ဟာ တရုတ်သတင်းပေးအဖြစ် သိမ်းသွင်းခံရတယ်လို့ တရားရုံး စာရွက် စာတမ်းတွေက ပြထားပါတယ်။  အဲဒီနောက် သူဟာ ၂၀၁၉ ဇန်နဝါရီလမှာ အမေရိကန်ကို ရွှေ့ပြောင်းလာခဲ့ပြီး နိုဝင်ဘာမှာတော့ အမေရိကန်အာဏာပိုင်တွေက ဖမ်းဆီးတာကို ခံခဲ့ရပါတယ်။  ဒီအမှုကြောင့် တရုတ်အစိုးရဟာ အနောက်နိုင်ငံတွေက အစိုးရတွေရဲ့ ယုံကြည်မှုကို ရထားပြီး တရုတ်ပြည်မကြီးအစိုးရနဲ့ ကောင်းမွန်တဲ့ ဆက်ဆံရေးရှိတဲ့ စင်ကာပူနိုင်ငံက နိုင်ငံသား တွေကို ထောက်လှမ်းရေးရင်းမြစ်အဖြစ် သိမ်းသွင်းနေတဲ့အပေါ် စိုးရိမ်မှုတွေ ပြန်လည်ပေါ်ပေါက် ခဲ့ပါတယ်။
2 years Ago
Up