စင်ကာပူနိုင်ငံ

A d v e r t i s e m e n t With Us

August 17, 2020

စင်ကာပူပြန် ကိုဗစ်-၁၉  လူနာသစ် ၁ ဦးထပ်မံတွေ့ရှိ 

စင်ကာပူနိုင်ငံကပြန်လာသူ ၁ ဦးမှာ ကိုဗစ်-၁၉ ရောဂါ စစ်ဆေးတွေ့ရှိရပြီး မြန်မာနိုင်ငံမှာ အတည်ပြုလူနာ စုစုပေါင်း ၃၇၆ ဦးရှိသွားပြီဖြစ်တယ်လို့ ကျန်းမာရေးနဲ့ အားကစားဝန်ကြီးဌာနရဲ့ ဒီကနေ့ည ၈ နာရီ ထုတ်ပြန်ချက်အရသိရပါတယ်။ အဆိုပါလူနာသစ်ဟာ  မကွေးတိုင်းဒေသကြီး၊  ရေစကြိုမြို့နယ်နေ အသက် ၃၇ နှစ်အရွယ် စင်ကာပူပြန် အမျိုးသားတစ်ဦးဖြစ်ပြီး မင်္ဂလာဒုံမြို့နယ်မှာ အသွားအလာကန့်သတ် စောင့်ကြပ်ခံထားရသူဖြစ်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) မှ (ပထမအသုတ်) ဓာတ်ခွဲ နမူနာ ၃၇၆ ခု၊ ဆေးသုတေသနဦးစီးဌာန (DMR)မှ ဓာတ်ခွဲနမူနာ ၂၀၂ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) (PHL, Mandalay) မှ ဓာတ်ခွဲနမူနာ ၇၈ ခု စုစုပေါင်း ၆၅၆ ခုကို ဒီကနေ့ညနေ  စစ်ဆေးပြီးစီးခဲ့ရာ  ဓာတ်ခွဲအတည်ပြုလူနာသစ် တစ်ဦး တွေ့ရှိခဲ့တာ ဖြစ်ပါတယ်။ ဩဂုတ် ၁၇ ရက် ည ၈ နာရီအထိ မြန်မာနိုင်ငံမှာ ကိုဗစ်-၁၉ ရောဂါဓာတ်ခွဲ အတည်ပြုလူနာ ၃၇၆ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ စုစုပေါင်း ၃၃၁ ဦးနဲ့ ဆေးရုံက ဆေးခွင့်ပြုခဲ့သူ ၃၂၁ ဦးရှိပါတယ်။ စောင့်ကြည့်လူနာအသစ် ၁၆ ဦးရှိပြီး မနေ့က တွေ့ရှိခဲ့တဲ့ ကိုဗစ်-၁၉ လူနာ အမှတ် ၃၇၅ နဲ့  ထိတွေ့မှုရှိခဲ့သူ စစ်တွေမြို့မှ ၅၁ ဦးနဲ့  ကျောက်ဖြူမြို့မှ ၃၃ ဦး၊ စုစုပေါင်း ၈၄ ဦးထံမှ ဓာတ်ခွဲနမူနာတွေ ရယူဆောင်ရွက်ထားတယ်လို့ သိရပါတယ်။
6 months Ago

June 1, 2020

စင်ကာပူနိုင်ငံမှ ဆဋ္ဌမအသုတ်အဖြစ် မြန်မာနိုင်ငံသား ၁၅၀ ကျော် ရန်ကုန်ပြန်ရောက် 

စင်ကာပူနိုင်ငံမှာ ကိုဗစ်-၁၉ ကပ်ဘေးကာလ အခက်အခဲကြုံတွေ့နေရတဲ့ မြန်မာနိုင်ငံသား ၁၅၀ ကျော်ကို မေလ ၃၁ ရက်မှာ ဆဋ္ဌမအသုတ်အဖြစ် အစိုးရက ကယ်ဆယ်ရေးလေယာဉ်နဲ့  မြန်မာနိုင်ငံသို့ ပြန်လည်ခေါ်ဆောင်ခဲ့ပါတယ်။ နိုင်ငံတကာခရီးသည်တင် လေယာဉ်များ ပျံသန်းမှုယာယီ ရပ်ဆိုင်းထားတာကြောင့် စင်ကာပူ နိုင်ငံမှာ အခက်အခဲကြုံတွေ့ နေရတဲ့ မြန်မာနိုင်ငံသား ၁၅၁ ဦးကို မြန်မာအမျိုးသား လေကြောင်းလိုင်း (Myanmar National Airlines-MNA)ကယ်ဆယ်ရေးလေယာဉ်နဲ့ ဆဋ္ဌမ အသုတ်အဖြစ် ပြန်လည်ခေါ်ဆောင်ခဲ့ရာ မနေ့ညနေက  ရန်ကုန်လေဆိပ်သို့ ပြန်ရောက်လာတယ်လို့ နိုင်ငံခြားရေးဌာနက ထုတ်ပြန်ပါတယ်။ ပြန်ရောက်လာသူတွေကို ကျန်းမာရေးစိစစ်ပြီး  (၂၁) ရက်တာ အသွားအလာ ကန့်သတ် စောင့်ကြပ် quarantine ထားရှိ ဆောင်ရွက်သွားမယ်လို့သိရပါတယ်။ နိုင်ငံခြားရေးဝန်ကြီးဌာနအနေနဲ့ စင်ကာပူနိုင်ငံမှာ ပိတ်မိနေတဲ့ မြန်မာနိုင်ငံသားတွေကို ကယ်ဆယ်ရေးလေယာဉ်တွေနဲ့  ပြန်လည်ခေါ်ဆောင်နေရာမှာ  ပထမအသုတ်အဖြစ် ၁၄၄ ဦးအား မေ ၇ ရက်နေ့တွင် လည်းကောင်း၊ ဒုတိယအသုတ်အဖြစ် ၁၄၄ ဦးအား မေ ၉ ရက်နေ့တွင် လည်းကောင်း၊ တတိယအသုတ်အဖြစ် ၁၄၅ ဦးအား မေ ၁၃ ရက်တွင် လည်းကောင်း၊ စတုတ္ထအသုတ်အဖြစ် ၁၄၄ ဦးအား လည်းကောင်း၊ ပဉ္စမအသုတ်အဖြစ် ၁၄၅ ဦးအား လည်းကောင်း ပြန်လည်ခေါ်ဆောင်ခဲ့ပြီးဖြစ်သည့်အတွက် ယနေ့ ဆဋ္ဌမအသုတ် အပါအဝင် စုစုပေါင်း ၈၃၇ ဦးအား ပြန်လည်ခေါ်ဆောင်ပေးနိုင်ခဲ့ပြီးဖြစ်တယ်လို့ သိရပါတယ်။ ဓာတ်ပုံ- MOFA
9 months Ago
Up