ဒါ့အပြင် YBS 70 ယာဉ်လိုင်းကို ပန်းဆိုးတန်းကနေ သန်လျင် နည်းပညာတက္ကသိုလ်အနီးမှာရှိတဲ့ တန်ဖိုးနည်းအိမ်ရာအထိ တိုးချဲ့ ပြေးဆွဲသွားမယ်လို့ (YRTA) တွဲဖက်အတွင်းရေးမှူး ဦးလှအောင်က ပြောပါတယ်။
လက်ရှိမှာ YBS 70 က သန်လျင်နည်းပညာကတက္ကသိုလ်ကနေ လမ်း ၅၀ အထိ ပြေးဆွဲနေတာ ဖြစ်ပြီး ကျောင်းသားတွေရဲ့ တောင်းဆိုမှုကြောင့် နည်းပညာတက္ကသိုလ်အနီးမှာရှိတဲ့ တန်ဖိုးနည်းအိမ်ရာကနေ ပန်းဆိုးတန်းအထိ ပြေးဆွဲသွားမယ်လို့ ဆိုပါတယ်။
ရန်ကုန်မှာ လက်ရှိပြေးဆွဲနေတဲ့ YBS ယာဉ်လိုင်းပေါင်း ၁၀၀ ကျော်ရှိပြီး တရက်ကို ယာဉ်အစီးရေ ၄၀၀၀ နီးပါး ပြေးဆွဲနေတယ်လို့ ကုန်းလမ်းသယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့က သိရပါတယ်။ 
