စက်ဘီးလေးတစ်စီးနှင့် သူတို့ နှစ်ယောက်

June 21, 2015

ရှေးရိုးစွဲသမားတွေကြားက ဂရပ်ဖတီသမား

ကုန်းဘောင်ခေတ်က လူသိအလွန်များတဲ့ ကနောင်မင်းသားကြီး ရဲ့ အနွယ်တော်တယောက်က ခေတ်ပေါ် ဂရပ်ဖတီ ပန်းချီဆရာ ဖြစ်နေတာ တွေ့ရရင် ရှေးရိုးစွဲသမားတွေ ဘယ်လိုများ ခံစားမိကြမှာပါလဲ။ စိတ်ဝင်စားစရာ ကောင်းပါတယ်။ ဘာကြောင့်လဲဆိုတော့ မစ္စတာ အိုဘားမား ရန်ကုန်ကို လာတုန်းက သူ့ပုံကို လူငယ်တယောက်က အဆင့်ရှိရှိ ဂရပ်ဖတီနဲ့ ရေးဆွဲကြိုဆိုထားတာကို အတွေးအမြင်ဟောင်းသူတွေက ဖုံးဟယ်ဖယ်ဟယ် လုပ်ဖူးတယ်။ အသက် ၁၉ နှစ်အရွယ်သာ ရှိသေးတဲ့ မန္တလေးမြို့က မောင်လင်းပင်ဇော်က ကနောင်မင်းသားကြီးလို့ခေါ်တဲ့ လင်းပင်မင်းသားကြီးရဲ့ ဆွေမျိုးအနွယ်တော်တွေထဲက ဆင်းသက်လာပေမယ့် ထီးဆန်ဆန် နန်းဆန်ဆန် နေရတာထက် ခေတ်ပေါ်ဂရပ်ဖတီပန်းချီတွေ ရေးဆွဲဖို့ကိုသာ ပိုပြီးစိတ်ပါဝင်စားတဲ့ ခေတ်မီမီ မင်းမျိုးမင်းနွယ် အမျိုးသားလူငယ်တယောက် ဖြစ်တယ်။ စာဖတ်သူတွေက မင်းမျိုးမင်းနွယ်ထဲက ဆင်းသက်လာသူတယောက်မို့ ထီးဟန်နန်းဟန်အပြည့်နဲ့ ရိုးရိုးအေးအေးကြီးသာ နေထိုင်ပြီး အပြောအဆိုကအစ နန်းဆန်မယ်လို့ ထင်ကြမှာဖြစ်ပေမယ့် တကယ့်တန်းလက်တွေ့မှာတော့ အပုံကြီးကွာခြားနေပါတယ်။ ကနောင်မင်းသားကြီး (လင်းပင်မင်းသားကြီး) နဲ့ မျိုးရိုးတော်ဆက်သူတဦးဖြစ်လို့ လင်းပင်အမည်ကို နာမည်အရှေ့မှာထည့်ထားတာဖြစ်တယ်လို့ သူ့ဆွေတော်မျိုးတော်တွေအကြောင်းကို မောင်လင်းပင်ဇော်က ဂုဏ်ယူစွာပြောတတ်တယ်။ တကယ်တော့ သူနာမည်အရင်းက တင်ဗိုလ်ဗိုလ်ဇော်။ ဒါပေမယ့် သူရဲ့ ဂရပ်ဖီရေးဆွဲခြင်းအတွက် အသုံးပြုတဲ့ အနုပညာအမည်ကို လင်းပင်ဇော်အနေနဲ့သာ အသုံးပြုပါတယ်။ မောင်လင်းပင်ဇော်ဟာ ဂရပ်ဖတီဆွဲခြင်းအနုပညာကို သူဆယ်တန်းအောင်ကာစ၊ အသက် ၁၆ နှစ်မပြည့်ခင် အချိန်လေးကတည်းက စတင်ခဲ့တာဖြစ်ပါတယ်။ ငယ်ငယ်ကတည်းက ပန်းချီရေးဆွဲခြင်းမှာ ပါရမီပါလာတယ်လို့လည်း ပြောရင်ရနိုင်ပါတယ်။ အခြေခံပညာကျောင်းမှာ တက်နေစဉ် အချိန်တွေကတည်းက ပန်းချီနဲ့ပတ်သက်ပြီး ဆုတွေခဏခဏ ရဖူးတယ်။ မြို့နယ်အဆင့် တိုင်းအဆင့်တွေအထိလည်း ၀င်ရောက်ယှဉ်ပြိုင်ဖူးတယ်။ အဲ့ဒီလိုပန်းချီ ၀ါသနာပါရာကနေ ဆယ်တန်းပြီးစအချိန်တွေမှာ ဂရပ်ဖတီရေးဆွဲခြင်းဘက်ကို ခြေစုံပစ်ဝင်ခဲ့တာပဲဖြစ်ပါတယ်။ စတင်ရေးဆွဲတဲ့အချိန် ၂၀၁၂ ခုနှစ်လောက်ကနေ တောက်လျှောက် လုပ်လာလိုက်တာ အခုချိန်မှာဆိုရင် ဒီဂရပ်ဖတီရေးဆွဲခြင်းလုပ်ငန်းနဲ့ ကိုယ်ပိုင်ဝင်ငွေရှာနိုင်နေတဲ့ အဆင့်ကို ရောက်ရှိနေပါပြီ။ မောင်လင်းပင်ဇော်အနေနဲ့ တခါဂရပ်ဖတီရေးပေးရင် ငွေကျပ် ၁ သိန်းကနေ ၅ သိန်းလောက်အထိ ရတတ်တဲ့အတွက် တခါဆွဲပြီးရင် သူ့အတွက် မုန့်ဖိုးတော်တော်ခိုင်သွားတတ်တယ်။ တကယ်တော့ ဒီလို ငွေကြေးပမာဏဟာ မြန်မာနိုင်ငံအတွင်းက နာမည်ကြီး ဂရပ်ဖတီသီးသန့်ဆွဲတဲ့ ပညာရှင်တွေနဲ့ နှိုင်းယှဉ်ရင်တော့ အလွန်အင်မတန် နည်းနေပါသေးတယ်။ မြန်မာနိုင်ငံမှာ နာမည်ကျော်ဂရပ်ဖတီဆွဲသူ တဦးဟာ တခါဆွဲရင် ငွေကျပ် သိန်း ၅၀၊ ၆၀ အထိကိုရတဲ့ အောင်မြင်တဲ့ ဂရပ်ဖတီသမားတွေ ရှိနေပါတယ်။ ဒါပေမယ့် မောင်လင်းပင်ဇော်ကတော့ ငွေကြေးထက် ဂရပ်ဖတီတွေအများကြီးဆွဲနေရဖို့သာ ပိုမိုစိတ်အားထက်သန်တာကြောင့် သူ့ဆီအလုပ်လာအပ်လို့ ဈေးဆစ်ရင်လည်း အလွယ်တကူ လက်ခံပစ်တတ်တယ်။ ယခုအခါ ခေတ်လူငယ်တွေထိုင်လေ့ရှိတဲ့ ကဖေးဆိုင်တွေ စားသောက်ဆိုင်တွေက ခေတ်ပန်းချီ ဂရပ်ဖတီကို တန်ဖိုးထားပြီး အနုပညာကြေးအမြောက်အမြားပေးကာ သူတို့ ဆိုင်တွေကို တန်းဆာဆင်လာကြတယ်။ ဘာပဲပြောပြော သူ့အသက် ၂၀ မပြည့်သေးခင် ငယ်ငယ်ရွယ်ရွယ်အချိန်တွင်းမှာကို အခုလို ငွေရှာရပ်တည်နိုင်ဖို့ အမှန်တကယ် မလွယ်ကူလှပါဘူး။ သူဝါသနာပါတဲ့ ဂရပ်ဖတီရေးဆွဲခြင်း အလုပ်တွေကို အေးအေးဆေးဆေး သက်သောင့်သက်သာလေးလုပ်နိုင်ဖို့ အိမ်ကမိသားစုရဲ့ နွေးနွေးထွေးထွေး ထောက်ခံအားပေးမှုကိုလည်း ရရှိခဲ့တာကတော့ သူ့ရဲ့ကံကောင်းမှုလို့ ဆိုရမှာဖြစ်တယ်။ သူ့အဖိုးနဲ့ အမေဟာ ပန်းချီပညာရပ်ဘက်မှာ အလွန်အင်မတန် စိတ်ပါဝင်စားသူတွေဖြစ်တဲ့အတွက် မောင်လင်းပင်ဇော်ဂရပ်ဖတီဆွဲတာတွေကို အပြစ်မပြောတဲ့အပြင် ဂုဏ်တောင်ယူနေကြပါသေးတယ်။ မောင်လင်းပင်ဇော် ဂရပ်ဖတီဆွဲတာကို ထိုင်ကြည့်ရတာဟာလည်း အရမ်းကြည့်ကောင်းလွန်းလှတယ်။ တီရှပ်အဖြုဆွတ်ဆွတ်ကို ဂျင်းဘောင်းဘီအရှည်နဲ့ တွဲဖက်ဝတ်ဆင်ထားတယ်။ ဘယ်ဘက်လက်က စာရွက်အကြမ်းတခုကိုကိုင်ထားပြီး တဖက်ကတော့ မှုတ်ဆေးဘူးတဘူးကိုကိုင်ထားတယ်။ ဘယ်ဘက်လက်ကစာရွက်ထဲကို ကြည့်လိုက် နံရံကြီးတခုပေါ်မှာ ဆေးတွေ ဟိုတစဒီတစ မှုတ်လိုက်လုပ်နေတယ်။ ပါးစပ်နဲ့ နှာခေါင်းထဲကို ဆေးအမှုန်တွေမ၀င်အောင်လို့လည်း နှာခေါင်းစည်းကို ၀တ်ဆင်ထားတယ်။ နံရံကြီးထဲကိုပဲ အာရုံအပြည့်စိုက်ပြီး လုပ်နေလိုက်တာ သူတယောက်တည်း ရှိနေသလိုပါပဲ။ စတင်ရေးဆွဲခဲ့တဲ့အချိန်ကနေ ဒီနေ့အချိန်ထိ ဂရပ်ဖတီပန်းချီစုစုပေါင်း ၅၀ နီးပါးကို ရေးဆွဲထားပြီးဖြစ်ပါတယ်။ သူရေးဆွဲတဲ့ထဲမှာ ထင်ရှားကျော်ကြားတဲ့ လူတွေရဲ့ပုံတူတွေ၊ သရီးဒီရုပ်လုံးကြွ ပုံစံတွေပါဝင်ပါတယ်။ လူပုံတူတွေထဲမှာ ဗိုလ်ချုပ်အောင်ဆန်း၊ ဆရာဟံသာဝတီ ဦးဝင်းတင်၊ အိုင်းစတိုင်း တို့လို့ ထင်ရှားကျော်ကြားသူတွေ ပါသလို သူငယ်ငယ်က လေးစားအားကျခဲ့ရတဲ့ ကာတွန်းသရုပ်ဆောင် လိပ်နင်ဂျာတို့၊ အာနိုးတို့ရဲ့ ပုံတွေလည်း ပါဝင်တာတွေ့ရပါတယ်။ ဒါ့အပြင် အလုပ်အပ်တဲ့သူတွေရဲ့ စိတ်တိုင်းကျ ဂရပ်ဖတီတွေကို ဖန်တီးပေးရသလို တခါတရံမှာတော့ လူမှုပတ်ဝန်းကျင်နဲ့ နီးကပ်စပ်ဆက်လွန်းတဲ့ အဖြစ်အပျက်တွေကိုလည်း ခံစားချက်နဲ့ ရေးဆွဲတတ်တယ်။ ၂၀၁၄ ခုနှစ်အတွင်းက မန္တလေးမြို့တွင်းမှာ ဖြစ်ခဲ့တဲ့ ဘာသာရေးအဓိကရုဏ်းအတွင်းမှာလည်း ဘာသာနှစ်ခုအချင်းချင်း မေတ္တာထားနိုင်ဖို့၊ ငြိမ်းငြိမ်းချမ်းချမ်းရှိစေဖို့တို့အတွက် ရည်ရွယ်ပြီး ‘stop riots အဓိကရုဏ်းရပ်’  ဆိုတဲ့ခေါင်းစဉ်နဲ့ ဂရပ်ဖတီတခုကို မန္တလေးမြို့လယ် လူစည်ကားရာ ဘူတာကြီးတ၀ိုက်မှာ မြို့တွင်းရုန်းရင်းဆန်ခတ်ဖြစ်နေချိန်မှာပဲ မကြောက်မရွံ့ရေးဆွဲခဲ့သူဖြစ်ပါတယ်။ လက်ရှိအချိန်မှာတော့ မောင်လင်းပင်ဇော်စိတ်ထဲ လုပ်ချင်နေတဲ့ အိပ်မက်တခုရှိနေပါတယ်။ သူ့အသက် ၂၀ မပြည့်ခင်အချိန်မှာ သူကိုယ်တိုင်ရေးထားတဲ့ ပုံတွေနဲ့ ပြပွဲတခုလုပ်ချင်တာပဲ ဖြစ်ပါတယ်။ ပြပွဲမှာ သူရေးခဲ့တဲ့ ဂရပ်ဖတီပုံတွေကို ဓာတ်ပုံတွေရိုက်ပြီး ပြသွားမယ်။ တပုံကို ပရိသတ်ရှေ့မှာ live (တိုက်ရိုက်) ဆွဲပြမယ်။ ဂရပ်ဖတီမဟုတ်ဘဲ သူရေးထားတဲ့ ပန်းချီကားတွေကလည်း အများကြီးရှိသေးတယ်။ အဲ့ဒီပန်းချှီတွေကိုလည်း ပြပွဲမှာ တခါတည်း ထည့်သွင်းပြသွားဖို့ အိပ်မက်မက်နေပါတယ်။ ဂရပ်ဖတီသမားတယောက်အနေနဲ့ သူ့ဘ၀မှာအလုပ်ချင်ဆုံးကတော့ သူနဲ့အတူနေတဲ့ သူ့ရဲ့အဖိုးနဲ့အဖွား၊ သူ့အဖေနဲ့အမေနဲ့ ပုံတွေပါတဲ့ ပုံတူဂရပ်ဖတီတခုကို သူ့အိမ်မှာ ရေးဆွဲနိုင်ဖို့ပဲဖြစ်ပါတယ်။ သူ့ဘ၀အတွက်အရေးပါတဲ့၊ သူ့ကိုအစစအရာရာ ပံ့ပိုးမှုတွေပေးခဲ့သူတွေကို သူက ပုံတူပြန်ဆွဲပေးချင်တာပါပဲ။ အသက်အရွယ်ကြီးတဲ့အချိန်အထိတော့ ဂရပ်ဖတီဆွဲတဲ့ အလုပ်တခုတည်းနဲ့ ရပ်တည်ဖို့ မဖြစ်နိုင်ဘူးလို့ မောင်လင်းပင်ဇော်က ထင်ပါတယ်။ အထူးသဖြင့် မန္တလေးမြို့လို ယဉ်ကျေးမှုမြို့တော်မှာ ရှေးရိုးစွဲ ၀ါဒီတွေ အားကောင်းနေသေးတော့ ပိုဆိုးပါတယ်။ ဂရပ်ဖတီဆွဲတဲ့သူတွေကို အထင်သေးတယ်။ ပတ်ဝန်းကျင်ကို လိုက်ဖျက်ဆီးနေတဲ့ သူတွေလို မြင်ကြတယ်။ ဒါကြောင့် မန္တလေးမြို့မှာ ဆက်နေမယ်ဆိုရင်တော့ ဂရပ်ဖတီလည်းရေး၊ အပြင်အလုပ်တခုကိုလည်း လုပ်နိုင်မှတော်ကာကျမယ်လို့ မောင်လင်းပင်ဇော်က သူ့ရဲ့ဘော်ဒါ အရင်းကြီးတွေဖြစ်တဲ့ ဂရပ်ဖတီရေးရာမှာ အဓိကအသုံးပြုတဲ့ မှုတ်ဆေးဘူးတွေကို စိုက်ကြည့်ရင်း လေးလေးပင်ပင်နဲ့ သက်ပြင်းချရင်း ဆိုပါတယ်။ အေးမွန်ရာပြည့်  
6 years Ago

May 29, 2015

ပြည်သူချစ်သော လူထုဒေါ်အမာ နှစ် (၁၀၀)

သူဟာ ပြည်သူတွေကို ချစ်တဲ့သူ။ သူဟာ ပြည်သူတွေဘက်က အမြဲရပ်တည်သူ။ သူဟာ စကားပြောသာယာ ငြိမ့်ညောင်းတဲ့သူ။ သူဟာ မျက်နှာပေါ်မှာ အပြုံးပန်းအမြဲဆင်ထားတဲ့သူ။ သူဟာ မန္တလေး ဗြဟ္မစိုရ်လူမှုကူညီရေးအသင်းကြီးကို စတင်တည်ထောင်ခဲ့သူတွေထဲက တဦး။ ထိုသူကတော့ လာမယ့် နိုဝင်ဘာ ၂၉ မှာ အသက် ၁၀၀ ပြည့်တော့မယ့် ပြည်သူတွေက ချစ်ကြတဲ့ သတင်းစာဆရာမကြီး၊ စာရေးဆရာမကြီး လူထုဒေါ်အမာ။ ဧပြီနွေနေပူပူရဲ့ နေ့လည်ခင်းမှာ အသက် ၅၀ နဲ့ ၆၀ ကြားဝန်းကျင်ရှိတဲ့ လူတစု အစည်းအဝေးတခု လုပ်နေကြတယ်။ ပြည်သူတွေချစ်ကြတဲ့ မန္တလေးမြို့သူတယောက်ရဲ့ အသက် ၁၀၀ ပြည့်မယ့် မွေးနေ့အထိမ်းအမှတ်ပွဲလေးကို ဘယ်လိုကျင်းပကြမလဲဆိုတာကို သူတို့တတွေ ရင်းရင်းနှီးနှီး တိုင်ပင်ဆွေးနွေးနေကြတာပါ။ သူတို့ ပြောနေကြတဲ့ အကြောင်းအရာ တွေထဲမှာ အမေ၊ ဒေါ်ဒေါ်ဆိုတဲ့ စကားလုံးတွေက အကြိမ်အများဆုံး ပါဝင်လို့နေပါတယ်။သူတို့ အထိမ်းအမှတ်ပွဲ ကျင်းပပေးမယ့် ပုဂ္ဂိုလ်ကတော့ လူထုသတင်းစာတိုက်က ပြည်သူတွေ ချစ်တဲ့ သတင်းစာဆရာမကြီး၊ စာရေးဆရာမကြီး လူထုဒေါ်အမာပဲ ဖြစ်ပါတယ်။ လူထုဒေါ်အမာဟာ ယခုနှစ် နိုဝင်ဘာလ ၂၉ ရက်နေ့မှာ အသက် ၁၀၀ ပြည့်ပြီ ဖြစ်ပါတယ်။ ကိုယ့်ရဲ့မိခင်အရင်းတယောက်လို့ ချစ်ကြလို့ အများစုက အမေမာ လို့ချစ်စနိုးနဲ့ခေါ်ကြတဲ့ လူထုဒေါ်အမာကို ဖခင် ဦးထင်နဲ့ မိခင်ဒေါ်စုတို့က ၁၉၁၅ ခုနှစ် နိုဝင်ဘာလ ၂၉ ရက်နေ့ မန္တလေးမြို့ ဂုန္တန်ရပ်မှာ မွေးဖွားခဲ့တယ်။ မွေးချင်း ၁၂ ယောက်ရှိတဲ့အထဲမှာ စတုတ္ထမြောက်သမီး ဖြစ်တယ်။ အမည်ရင်းက လူပုံစံနဲ့ ပြောင်းပြန်။ လူက အသားဖြူဖြူနွဲ့နွဲပေမယ့် သူမရဲ့အမည်က အမာ။ တနင်္လာသမီး။ အမေမာရဲ့ ထူးခြားချက်က အပြုံး ။ မျက်နှာမှာ အမြဲတမ်း အပြုံး ဆင်ထားတတ်တယ်လို့ သူနဲ့ ရင်းရင်းနှီးနှီးဆက်ဆံခဲ့ဖူးတဲ့ ကြီးကြီးငယ်ငယ် အရွယ်စုံအားလုံးက တထပ်တည်း မှတ်ချက်ပြုကြတယ်။ “သူက အမြဲတမ်း ပြုံးပြုံးရွှင်ရွှင် နေတတ်တယ်။ လူချင်းစတွေ့တဲ့ အချိန်မှာပဲ သူက ပြုံးပြီး နှုတ်ဆက်တတ်တဲ့အတွက်ကြောင့် သူနဲ့ ဆက်ဆံရတဲ့အခါ ကိုယ့်အနေနဲ့ ကြောက်သွားတာမျိုး မရှိဘဲ တခါတွေ့တာနဲ့ ခင်မင်သွားတယ်။ သူစကားပြောတာ လေယူလေသိမ်းက အေးချမ်းတယ်။ လူတိုင်းကို လိုလိုလားလား နှစ်လိုဖွယ်ဆက်ဆံတတ်တဲ့အတွက်ကြောင့် လူတိုင်းက ချစ်တယ်” လို့ အမေမာနဲ့ အနီးကပ် နေထိုင်ခဲ့ပြီး အမေမာရဲ့တပည့်အဖြစ် အလုပ်အတူတူလုပ်ကိုင်ခဲ့ဖူးသူ စာရေးဆရာ ဆရာကျော်ရင်မြင့်က လူထုဒေါ်အမာရဲ့ ထူးခြားချက်ကိုပြောပြတယ်။ လူထုသတင်းစာတိုက်က သတင်းစာဆရာကြီး လူထုမောင်သစ်လွင်ကလည်း လူထု သတင်းစာတိုက်မှာ အလုပ်လာလျှောက်ရင်း လူထုဒေါ်အမာနဲ့ တွေ့ဆုံခဲ့ရသူတဦး ဖြစ်ပါတယ်။သူက လူထုဒေါ်အမာနဲ့စတင်တွေ့ခဲ့ရပုံကို ပြန်ပြောပြပါတယ်။ “ပထမဆုံး စတွေ့ဖူးတာက ၁၉၅၇ ခုနှစ် ဇန်န၀ါရီလထဲမှာ။ ဒေါ်အမာက ကုတ်အင်္ကျီ အရှည်ကြီးနဲ့ ခြေသလုံးထိအောင် ရောက်တဲ့ဟာ နောက်ပြီး သူ့ ခြေထောက်ကို ကြည့်လိုက်တဲ့ အခါကျတော့ ကင်းပတ်ဖိနပ်စီးတော့ ကုတ်အင်္ကျီနဲ့ ကင်းပတ်ဖိနပ်နဲ့ ဆိုတော့ တို့က တောကနေ လာတဲ့သူတွေဆိုတော့ အင်္ဂလိပ်မကြီးနဲ့ တူလိုက်တာပေါ့။ ရောက်ရောက်ခြင်း သူနဲ့ တွေ့ရတာ သိပ်ဖော်ရွေတယ်။ စကားပြောတာ သိပ်နူးညံ့ သိမ်မွေ့တယ်။ မန္တလေးသူပီပီပါပဲ။ အဲဒီတုန်းက မန္တလေးသူ မန္တလေးသားတွေဟာ စကားပြောသိပ်နူးညံ့သိမ်မွေ့ပြီးတော့ ဖော်ဖော်ရွေရွေ ရှိတယ်” လို့ အသက် ၈၁  ရှိပြီဖြစ်တဲ့ လူထုမောင်သစ်လွင်က ပြောတယ်။ လူထုဒေါ်အမာဟာ ၁၉၂၀ ကနေ ၁၉၂၃ ခုနှစ်ထိ ဟုမ္မရှုးကျောင်းလို့ခေါ်တဲ့ တရုတ်တန်း အမျိုးသမီးနေရှင်နယ်ကျောင်းမှာ ဒုတိယတန်းအထိ ပညာသင်ခဲ့ပြီး တတိယတန်းနဲ့ န၀မတန်းကို အေဘီအမ်ကျောင်းမှာ ဆက်ပြီးပညာသင်ခဲ့တယ်။ မန္တလေး ဗဟိုအမျိုးသားကျောင်းက ၁၀ တန်းအောင်တယ်။ မန္တလေးဥပစာကောလိပ်မှာ ဓာတု၊ ရူပ၊သင်္ချာဘာသာတွဲယူပြီး ၁၉၃၆ ခုနှစ်မှာ ရန်ကုန်တက္ကသိုလ်ဘီအေ တက်နေချိန်တွင် ဒုတိယကျောင်းသားသပိတ်မှာ ပါဝင်ခဲ့ပြီး အိုးဝေမဂ္ဂဇင်း၊ ကြီးပွားရေးမဂ္ဂဇင်း၊ ဘာမားဂျာနယ်တို့မှာ ၀တ္တုဆောင်းပါးတွေ ရေးသားခဲ့တယ်။ ကြီးပွားရေးမဂ္ဂဇင်းမှာ ခင်လ၀င်း ၊မြမဉ္ဇူ ဆိုတဲ့ ကလောင်အမည်တွေနဲ့ ရေးသားခဲ့ပြီး ဘာသာပြန်တွေ စတင်ရေးသားခဲ့ပါတယ်။ ၁၉၃၉ ခုနှစ် နိုဝင်ဘာမှာ ကြီးပွားရေးမဂ္ဂဇင်းတိုက်မှ ဦးလှ(လူထုဦးလှ)နဲ့ အိမ်ထောင်ပြုခဲ့ပြီး သားသမီး ၅ ယောက် မွေးဖွားခဲ့တယ်။ လူထုဂျာနယ်ကို ၁၉၄၅ ခုနှစ် ဇူလိုင်လမှာ စတင်ထုတ်ဝေခဲ့တယ်။ လူထုသတင်းစာကို ၁၉၄၆ ဧပြီလမှာ စတင်ထုတ်ဝေခဲ့တယ်။ လူထုဂျာနယ်နဲ့ လူထုသတင်းစာမှာ အယ်ဒီတာအဖြစ် တာဝန်ယူခဲ့ပြီး ကမ္ဘာ့သတင်း၊ နိုင်ငံရေး ဆောင်းပါးစတာ တွေကို ရေးသားခဲ့ပါတယ်။ ၁၉၉၀ခုနှစ်ကနေ ယနေ့အချိန်ထိ လူထုဒေါ်အမာ ရေးသားထုတ်ဝေခဲ့တဲ့ စာအုပ်ပေါင်းက ၅၀ နီးပါး ရှိတယ်လို့ လူထုစာကြည့်တိုက်မှတ်တမ်းများအရ သိရတယ်။အဲဒီစာအုပ်တွေထဲမှာ စာအုပ်အများစုဟာ ယခုချိန်ထိ အကြိမ်ကြိမ် ပုံနှိပ်ဖော်ပြရတာမျိုးတွေလည်း ရှိတယ်။ လူထုဒေါ်အမာ ရေးသားခဲ့တဲ့ ဘာသာပြန် ၊၀တ္တုတို၊ ရသစာပေ စတဲ့ စာအုပ်ပေါင်းများစွာရှိထဲမှ “ ပြည်သူချစ်သော အနုပညာသည်များ”စာအုပ်က လူထုဒေါ်အမာအတွက် မှတ်တိုင်တခု စိုက်ထူနိုင်ခဲ့တယ်။ “ပြည်သူချစ်သော အနုပညာသည်များ စာအုပ်ထုတ်တဲ့ အချိန်မှာ တိုက်တိုက်ဆိုင်ဆိုင် ဗိုလ်ချုပ်နေ၀င်းအစိုးရက ၅၀ တန်တို့၊ ၁၀၀ တန် ငွေစက္ကူတွေကို တရားမ၀င် ကြေညာ လိုက်တဲ့အချိန် ဆိုလိုတာက လူတွေအားလုံး စီးပွားရေးမှာ လုံးလုံးကို ချွတ်ခြုံကြပြီး ဒုက္ခ ရောက်သွားကြတာ။ လူတွေရဲ့ လက်ထဲမှာ ရှိနေတဲ့ ပိုက်ဆံကို အစိုးရက ဓားပြတိုက်လိုက်သလို ယူလိုက်တဲ့အချိန်မှာ တိုက်တိုက်ဆိုင်ဆိုင် စာအုပ်က ထွက်လာတယ်။ ထွက်လာလာချင်းပဲ စာအုပ်က ကုန်သွားတယ်။ ကုန်သွားပြီးတော့ ချက်ချင်းပြန်ရိုက်ရတယ်။ သူရေးတဲ့ အနုပညာသည်တွေကို ပြည်သူတွေ ဘယ်လောက်ချစ်တယ်ဆိုတာ တွေ့ရတော့ အမေမာ ကိုယ်တိုင်လည်း တော်တော် ၀မ်းသာအားရ ဖြစ်ခဲ့တယ်။ သူရေးခဲ့တဲ့ စာအုပ်တွေက အများကြီးပဲ ။ သူရေးခဲ့တဲ့ စာအုပ်တွေ အားလုံးကလည်းကောင်းတယ်။ ပွဲဦးထွက်စပြီးတော့ ပြည်သူချစ်သော အနုပညာရှင်များက အမေမာအတွက်မှတ်တိုင်တတိုင်စိုက်ခဲ့တယ်။ ပရိသတ်အားပေးမှုကို ခံရတယ်။ အမေမာရဲ့ ချစ်စရာကောင်းတာက အဲဒီလို စာအုပ်တွေ ကုန်သွားတာကို လက်မ မထောင်ဘူး။ သူက ဘယ်လိုပြောလဲဆိုတော့ သူရေးတဲ့ အနုပညာသည်တွေကို ပြည်သူတွေက သိပ်ချစ်တာပဲ။ ဒါကြောင့် အားပေးကြတာလို့ပဲ ပြောတာ” လို့ ဆရာကျော်ရင်မြင့် ကပြောတယ်။ လူထုဒေါ်အမာဟာ ခေတ်အဆက်ဆက် အစိုးရဘယ်လိုပဲ ပြောင်းပြောင်း ပြည်သူဘက်မှာပဲ ရပ်တည်ခဲ့တဲ့အတွက် ပြည်သူအများရဲ့ ချစ်ခြင်းကိုရရှိပြီး လူချစ်လူခင်ပေါများတယ်။ “အမေမာနဲ့ နီးနီးကပ်ကပ်နေတဲ့ အချိန်မှာ ဓနမဂ္ဂဇင်းမှာ မျက်နှာဖုံးဆောင်းပါးတွေ ရေးနေချိန်မှာ မျက်နှာဖုန်းဆောင်းပါးတွေ ရေးဖို့အတွက် မြန်မာနိုင်ငံအနှံအပြားကို လျှောက်သွားရတယ်။ လျှောက်သွားတဲ့အခါ ကိုယ်က သူများတွေကို သိပ်သိတာ မဟုတ်ဘူး။ အမေမာက သူသိတဲ့မြို့က လူတွေဆီကို စာလေးတွေ ရေးပေးလိုက်တယ်။ သူကို လိုအပ်တာတွေ ကူညီလိုက်ပါ။ ဥပမာ မုံရွာသွားတော့ မုံရွာမှာ ဆရာအံ့ကို စာရေးပေးလိုက်တယ်။ ဆရာအံ့မောင်က ဘာပြောလည်းဆိုတော့ ခင်ဗျားကို ကျနော် မသိဘူး။ ဒါပေမယ့် လူထုဒေါ်အမာရဲ့ လတ်မှတ်နဲ့ လူထုဒေါ်အမာရဲ့စာနဲ့ ပါးခြင်းအားဖြင့် ရွှေတိုက်တံခါးကို ဖွင့်ဖို့ သော့ရသလိုပဲ။ ခင်ဗျားကို ကူညီမယ်တဲ့” လို့ စာရေးဆရာ ဆရာကျော်ရင်မြင့်က ပြန်ပြောပြတယ်။ လူထုဒေါ်အမာဟာ သတင်းစာဆရာပီပီ စာရေးဆရာပီပီ ပြည်သူတွေဘက်က အမြဲ ရပ်တည်နေသူတဦး ဖြစ်တယ်။ “နိုင်ငံရေးရပ်တည်မှုမှာ အမေက ဆရာကြီးသခင်ကိုယ်တော်မှိုင်း(သူ့ဆရာ)ကို အင်မတန် လေးစားတယ်။ ဘယ်ချိန်ဘယ်နေရာပြောင်းပြောင်း ရပ်တည်မှု ဘယ်တော့မှမပြောင်းဘူး။ ပြည်သူဘက်မှာ ရပ်တဲ့ဟာမှာ။ ဒါကြောင့်မို့ ဆရာကြီး သခင်ကိုယ်တော်မှိုင်း ခေတ်တွေ ဘယ်လောက်ပြောင်းပြောင်း သူရပ်နေတာအမှန်ပဲ ပြောခဲ့ဖူးတယ်။ အဲဒီအတိုင်း အမေမာကလည်း ဦးနေ၀င်းရဲ့ မဆလလက်ထက် တလျှောက်လုံး၊ န၀တအစိုးရ တလျှောက်လုံး နောက်ဆုံးအထိ ရပ်တည်ခဲ့တာ ပြည်သူဘက်မှာပဲ ရပ်တည်ခဲ့တာ၊ နိုင်ငံရေးအရ ဝေဖန်သုံးသပ်တာရယ်၊ ရပ်တည်တာရယ် ဘယ်တော့မှ မပြောင်းဘူး ပြည်သူဘက်မှာပဲ ရပ်တည်ခဲ့မယ်ဆိုရင် မမှားဘူး။ မှန်ကန်တဲ့လမ်းကြောင်းမှာ ရပ်တည်ဖို အကောင်းဆုံး လမ်းပြပေးခဲ့တယ်။ နိုင်ငံရေးရေချိန် ဘယ်လောက်ပြောင်းပြောင်း မှားတဲ့ဘက်မှာ ရပ်မသွားဖို့ အမေမာဆီက အဲဒီတခုကို ယူနိုင်ခဲ့တယ်” လို့ လူထုဒေါ်အမာရဲ့ သားအရင်းတယောက်ကဲ့သို့ ရင်းနှီးခဲ့တဲ့ အမျိုးသားဒီမိုကရေစီအဖွဲ့ချုပ်ပါတီက ပြည်သူ့လွှတ်တော်ကိုယ်စားလှယ် ဦးကျော်သီဟက ပြောတယ်။ စာမူတွေရေးသားရာမှာလည်း စာမူကို တကြိမ်တည်းရေးတာမျိုး မဟုတ်ဘဲ စိတ်တိုင်းကျ လောက်သည့်အထိ အထပ်ထပ်အခါခါပြင်ပြီးမှ ရေးသားတာမျိုးဖြစ်တဲ့အတွက် သူ့ရေးသားတဲ့ စာတိုင်းဟာ အမြဲတမ်းကောင်းနေတယ်လို့ ဆိုကြတယ်။ “သူက ဆောင်းပါးတပုဒ်ကို လူထုဒေါ်အမာလို့ ရေးလိုက်ရင် အချိန်မရွေး ဘယ်သူကမဆို အလွယ်တကူထည့်မှာ မှန်ပေမယ့် အလွယ်တကူဘယ်တော့မှ မရေးဘူး။ တခါတလေ စာမူတပုဒ်ကို ၂ ခါ ၃ ခါ ပြန်ရေးတာ တွေ့ရတယ်။ ရေးတယ်။ သူ စိတ်တိုင်းမကျဘူး၊ ပြန်ချောတယ်။ ပြန်ချောလို့ စိတ်တိုင်းမကျရင် ပြန်ရေးတာ ရှိတယ်။ သူရေးတာ မကောင်းတာ မဟုတ်ဘူး။ သူရေးတာ ကောင်းသထက်ကောင်းပြီးတော့ အမှားအယွင်းနည်း အောင် အဲ့လောက် ကြိုးစားပမ်းစား ရေးတာကို တွေ့ရတယ်။ အဲဒါကြောင့် သူစာတွေ ဒီလောက်ကောင်းပြီး ကျန်နေခဲ့တာပေါ့”လို့ ဆရာကျော်ရင်မြင့်က အမေမာရှိစဉ် အလုပ်တူတူ တွဲလုပ်ခဲ့စဉ်က မြင်တွေ့ခဲ့ရတာကို ပြောပြတယ်။ လူထုဒေါ်အမာဟာ လူခန္ဓာကိုယ်က ပိန်ပိန်ပါးပါးပေမယ့် သူရဲ့ စိတ်ဓာတ်ကတော့ ခန္ဓာကိုယ်နဲ့ မလိုက်ဘဲ စိတ်ဓာတ်မာကြောတယ်ဆိုတာကို ဖြစ်ရပ်တခုက သက်သေပြခဲ့တယ်။ လူထုဒေါ်အမာရဲ့ သားသမီးထဲက အငယ်ဆုံးသားဖြစ်တဲ့ မောင်ငြိမ်းချမ်း(ခ) ဘိုညို ထောင်ကျစဉ် ထောင်မှ လွတ်အောင် လုပ်ဖို့ အခွင့်အရေးရခဲ့ပေမယ့် သူ့သားရဲ့သမိုင်းကြောင်းမှာ အဝေဖန် အပြောဆိုခံရမှာစိုးတဲ့အတွက် အခွင့်အရေးကို စိတ်ဓာတ်ပြတ်သားစွာနဲ့ လက်လွှတ်ခဲ့တယ်။ “၁၉၉၀ ၀န်းကျင်က အမေမာ မိတ်ဆွေ ဦးသုခက ဗိုလ်ချုပ်ခင်ညွှန်နဲ့ သူနဲ့ တွေ့ပြီးပြီ။ ကိုညီပုလေး(ဘိုညို)ကို ထောင်ကနေ လွှတ်ပေးဖို့အတွက် လူထုဒ်ါအမာက ဗိုလ်ချုပ်ခင်ညွှန်ကို လှမ်းပြောလိုက်ပါ။ ဒီကလေးနဲ့ ပတ်သက်ပြီး ကျမ တာဝန်ယူပါတယ်လို့။ အဲဒါလောက်လောက်လေးပဲ ပြောလိုက်ပါ။ ဦးသုခက ဗိုလ်ချုပ်ခင်ညွှန့်ကို သူပြောပြီးပြီတဲ့။ အဲလိုပြောရင် (ဘိုညိုကို) လွှတ်မှာပါတဲ့။ ဦသုခက ဒို့ကို အမှာလွှတ်လိုက်တယ်။ ပြန်ရောက်တဲ့အခါကြတော့ အမေမာကို ပြောတယ်။ ဘဘဦးသုခက အဲ့လို မှာလိုက်တယ်ဆိုတော့ အမေက ဘာပြောလဲဆိုတော့ သားသမီးတွေရဲ့ အနာဂတ်ကို သူကြောင့်မို့လို့ မညစ်နွမ်းစေချင်ပါဘူး။ သူမပြောဘူးတဲ့။ အဲဒါလေး တခု ကြုံဖူးတယ်။ ဘယ်အမေ မဆို ကိုယ်သားသမီး တွေ့ချင်တာပဲလေ။ ဒါပေမယ့်ကိုယ့်သားရဲ့ သမိုင်းကို ထိခိုက်မှာဆိုးလို့ မပြောဘူးဆိုတာလေး။ သူ့စိတ်ဓာတ်က မာကျောတယ်ပဲ ပြောရမလား။ ဘယ်သူမဆို မိဘနဲ့ သား မပြောနဲ့။ မောင်နှမချင်းဖြစ်ဖြစ် နောက်ဆုံး သူငယ်ချင်းပဲဖြစ်ဖြစ် တဦးနဲ့ တဦးထားတဲ့ သံယောဇဉ်တွေက ရှိကြတယ်။ ထောင်ဆိုတာ ကောင်းတာမှ မဟုတ်ပဲနဲ့။ ကိုယ်ပြောလိုက်တဲ့ စကားတခွန်းနဲ့ လွတ်နိုင်တယ်ဆိုရင် ပြောလိုက်ချင်မှာပဲ။ ဒါပေမယ့် အဲလို ပြောလိုက်တဲ့ အတွက်ကြောင့် နောင်တချိန်မှာ ကိုညီပုလေးရဲ့ သမိုင်းကြောင်းမှာ သူတို့က သူတို့အမေနဲ့ ပြောပြီး လွတ်လာတာပါဆိုတာမျိုး အမေမာက လုံးဝအဖြစ်မခံနိုင်ဘူးဆိုတဲ့ စိတ်ဓာတ်ကိုလည်း တွေ့ရတယ်” လို့ စာရေးဆရာ ဆရာကျော်ရင်မြင့်ကပြောတယ်။ လူထုဒေါ်အမာရဲ့ သားအငယ်ဆုံး မောင်ငြိမ်းချမ်း(ခ) ဘိုညို (ခ) ဆရာညီပုလေးက သူ့ရဲ့အမေ လူထုဒေါ်အမာနဲ့ ပတ်သက်ပြီး အခုချိန်ထိ မှတ်မှတ်ရရ ဖြစ်နေတဲ့ ဖြစ်ရပ်လေးတခုကို အခုလို ပြောပြတယ်။ “အမေက သရက်ထောင်ကိုလာပြီး ထောင်ဝင်စာ လာတွေ့လေ့ ရှိတယ်။ တွေ့တာ လူထုဒေါ်အမာဆိုတာ ထောင်ပိုင်ကလည်း သိပါတယ်။ တခါကြတော့ ထောင်ဝင်စာ လာတွေ့တဲ့အချိန်မှာ မှတ်ပုံတင် မပါလို့ ပေးမတွေ့ဘူး။ ဒီအဖြစ်အပျက်ကဥပဒေကြောင်းအရ သူတို့ဘက်က ထောင့်စေ့ပေမယ့် လူသားချင်းစာနာတဲ့စိတ်နဲ့ဆို မလုပ်ကောင်းဘူး။ ဘာကြောင့်လဲဆိုတော့ ပထမဆုံးတွေ့တာလည်း မဟုတ်ဘူး။ အရင်ကတွေ့တာ ထောင်ဝင်စာ ခန်းထဲလည်း တွေ့ဖူးတယ်။ ထောင်ပိုင်ရှေ့မှာလည်း တွေ့ဖူးတယ်။ ဒါ သက်သက်မဲ့ အကျည်းသားကို ဒုက္ခပေးတာ၊ ကာယကံရှင်ကိုလည်း ဒုက္ခဖြစ်စေဆိုတဲ့ ရည်ရွယ်ချက်နဲ့ လုပ်တာ၊ အမေတယောက်အနေနဲ့ ဘယ်လိုခံစားရမလဲ။ နှလုံးသားရှိတဲ့သူတိုင်း ခံစားနိုင်ပါတယ်။ ဒီအဖြစ်အပျက်လေးက စွဲစွဲလန်းလန်းဖြစ်တဲ့ဟာပေါ့။ မိုင်ပေါင်းများစွာက လာရတဲ့ အောင်လံဘက်ကနေမြစ်ကို ဖြတ်ပြီး ကူးတယ်။ သောင်ပြင်ကြီး ဖြတ်ရတာ။ အသက် ၈၀ ကျော် အဖွားကြီးတယောက်အနေနဲ့ ပင်ပန်းမှာပဲ။ ဒါပေမယ့် အုပ်စိုးသူကတော့ အုပ်စိုးသူစရိုက် အကျင့်ပဲ။ ဒါမျိုးကြုံဖူးတယ်။ အမေနဲ့ ဦးညိုဆက်ဆံရေးအများကြီးရှိတဲ့ထဲက ပြောစတမ်းဆို ဒါလေးက မှတ်မှတ်ရရပဲ” လို့ အဝေးကိုငေးရင်းပြောတယ်။ လက်ရှိ ကလောင်ကိုင်ပြီး စာရေးနေကြတဲ့သူတွေကို လူထုဒေါ်အမာ မှာကြားခဲ့တဲ့ စကားတွေကလည်း မှတ်သားစရာကောင်းတယ်။ “ကလောင်သိက္ခာ ကလောင်နဲ့ ပတ်သက်တဲ့ ရပ်တည်ချက်မှာ ကလောင်သိက္ခာကို ထိန်းတယ်။ သိက္ခာဆိုတာ ကိုယ့်စာရွက်စာမျက်နှာပေါ်မှာ သူများကိုဆဲတာ၊ အတင်းပြောတာ၊ သူများကို ပုတ်ခတ်မယ့် ဟာတွေကို ထိန်းတာ၊ ဒေါ်ဒေါ် (လူထုဒေါ်အမာ)က ဥပမာ ပေးတယ်။ မင်း နတ်သုဒ္ဓါ ဖြစ်မယ်၊ ဒါပေမယ့် မစင်တစ်စက်ကျသွားမယ်ဆိုရင် မင်းဟာ ပစ်လိုက်ရလိမ့်မယ်တဲ့။ မင်းတို့ စာရေးမယ်ကြံတိုင်း တကယ်ကို အကျိုးရှိတဲ့စာတွေရေးကြ သူများကို ပုတ်ခတ်တာ၊ တိုင်းပြည်နဲ့လူမျိုး ဒုက္ခရောက်မယ့်စာမရေးကြနဲ့လို့ ပြောတယ်” လို့ စာရေးဆရာ ဆရာဆူးငှက်က အမေမာမှာခဲ့တာကို ပြန်ပြောပြတယ်။ ဆရာကျော်ရင်မြင့်က “အမေပြောတဲ့ စကားလေးတခွန်းရှိတယ်။ စာရေးတဲ့သူတွေက ကိုယ်မှာ ကလောင်တချောင်းပိုင်တယ်ဆိုပြီးတော့ တခြားလူတွေကို ဟိုကော်ဒီထိုး မရေးပါနဲ့။ အဲဒီလိုလုပ်တယ်ဆိုရင် စာဆိုတာက အဖြူပေါ် အမည်းတင်တာ။ ကိုယ်သေသွားရင်တောင်မှ ကိုယ်ရေးခဲ့တဲ့ စာတွေနဲ့ ကိုယ့်အကြောင်းတွေက ကျန်ရစ်ခဲ့မှာ။ ဒါကြောင့်မို့ သူများကို နစ်နစ်နာနာ ဖြစ်ပါစေတော့စေတနာမျိုးနဲ့ ဟိုကော်ဒီထိုးမလုပ်မိပါစေနဲ့တဲ့” လို့ အမေမာမှာခဲ့တာကို တဆင့်ပြန်ပြောတယ်။ ပြည်သူချစ်သော သတင်းစာဆရာမကြီးနဲ့ စာရေးဆရာမကြီး လူထုဒေါ်အမာဟာ ၂၀၀၈ ခုနှစ် ဧပြီလ ၇ ရက်နေ့ အသက် ၉၃ နှစ်အရွယ်မှာ နှလုံးရောဂါနဲ့ ကွယ်လွန်ခဲ့တယ်။ အမေမာရဲ့ နာရေးဟာ မန္တလေးတမြို့လုံးမှာ အစည်ကားဆုံး နာရေးတခု ဖြစ်ခဲ့တယ်။ လက်ရှိအချိန်မှာ အမေမာသာ ရှိနေခဲ့ရင် လက်ရှိသတင်းစာလောကအပေါ်မှာ လူငယ်တွေ အားကြိုးမာန်တက် လုပ်ကိုင်နေကြတာကို မြင်ရင် ဒီခေတ်လူငယ်တွေ သိပ်တော်တာပဲလို့ ချီးကျူးလိမ့်မယ်၊ အကူအညီတွေလည်း ပေးလိမ့်မယ်လို့ ယုံကြည်တယ်လို့ ဆရာကျော်ရင်မြင့် ဆိုတယ်။ နိုင်ငံရေးရပ်တည်ချက် ခိုင်မာတဲ့ အမေမာဟာ လက်ရှိခေတ်ရဲ့ နိုင်ငံရေး အခြေအနေပေါ်မှာတော့ ကျေနပ်အားရမှုရှိနိုင်မှာ မဟုတ်ဘူးလို့ သူနဲ့ အနီးကပ်ေ နေထိုင်ခဲ့တဲ့သူ တပည့်သားတွေက ဆိုတယ်။ ဆရာကျော်ရင်မြင့်က “လက်ရှိခေတ်စနစ် အခြေအနေကို သူအားရလိမ့်မယ် မဟုတ်ဘူး။ ကျေနပ်လိမ့်မယ်လည်း မဟုတ်ဘူး။ ဘာကြောင့်လဲဆိုတော့ အမေမာနဲ့ တခါတုန်းက စကားစမြည်တွေ ပြောဖြစ်တာပေါ့။ တောင်ကိုရီယားနိုင်ငံမှာ နိုဒေ၀ူး ဆိုတဲ့ စစ်ဗိုလ်ချုပ်ကြီးတယောက်က ဒီမိုကရေစီလုပ်မယ်ဆိုပြီး ဘာညာလျှောက်ပြောတော့ တို့က တအား သဘောကျပြီး အမေမာကို ပြောတာ။ အမေရယ်၊ သူတိုဆီကဗိုလ်ချုပ်ကြီးတွေက ဒီမိုကရေစီလုပ်တော့မှာတဲ့ ဗမာပြည်ကဗိုလ်ချုပ်ကြီးတွေ ဒီမိုကရေစီကိုစိတ်ဝင်စားပြီးလုပ်လာရင် သိပ်ကောင်းမှာပဲလို့ ပြောမိတယ်။ ပြောမိတော့ အမေ ပြန်ပြောတဲ့ စကားလေး အခုထိ မှတ်မိတယ်။ ဘယ်တော့မှ မယုံပါနဲ့တဲ့။ စစ်အာဏာရှင်တွေက မသေမချင်း သူတို့လက်ထဲမှာ ကိုင်ထားတဲ့အာဏာကို လက်ဆုပ်ဖြေလေ့ မရှိပါဘူး။ ဒီနေ့ စစ်ဗိုလ်ချုပ်ကြီးတွေက ဒီမိုကရေစီ စကားပြောနေတာကို အမေမာ တွေ့ရလိုရှိရင်လည်း အမေမာကတော့ သိပ်ယုံကြည်စိတ်ချရမှု ရှိနိုင်မယ် မထင်ဘူး” လို့ ပြောတယ်။ လူထုဒေါ်အမာ ကွယ်လွန်သွားတာ ၇ နှစ် ရှိပြီဖြစ်ပေမယ့် သူ့အပြုံး၊ သူ့စကား၊ သူ့ပုံရိပ်တွေက သူကို ချစ်ခင်ကြတဲ့ သူတွေရဲ့ နှလုံးသားထဲမှာ ယခုတိုင် စွဲထင်နေကြတုန်းပါပဲ။ သူရဲ့ နှစ် ၁၀၀ ပြည့်မွေးနေ့ရောက်ဖို့ကလည်း ရက်ပေါင်း ၂၀၀ ၀န်းကျင် သာ လိုပါတော့တယ်။ နှစ် ၁၀၀ ပြည့်မွေးနေ့မှာ စာပေဟောပြောပွဲတွေ၊ လူထုဒေါ်အမာ အကြောင်း အထိမ်းအမှတ်စာအုပ်ထုတ်ဝေတာတွေ၊ လူထုဒေါ်အမာရဲ့ပုံရိပ် ဓာတ်ပုံပြပွဲတွေ အလှူအတန်း ပွဲတွေနဲ့ သူ့ကို ချစ်တဲ့သူတွေက နှစ် ၁၀၀ ပြည့်အထိမ်းအမှတ်ပွဲ ကျင်းပဖို့ မန္တလေးမြို့ကြီးမှာ ပြင်ဆင်နေကြပါပြီ။ နှစ် ၁၀၀ ပြည့်အထိမ်းအမှတ်အဖြစ် လူထုဒေါ်အမာ ရုပ်တု ထုလုပ်ပြီး ရုပ်တုကို ဂုန္တန်ရပ်၊ ဂုန္တန်ဝန်းမှာရှိတဲ့ လူထုစာကြည့်တိုက်မှာ အမှတ်တရ ထားဖို့လည်း စီစဉ်နေကြပါပြီ။ သင်လည်း လူထုဒေါ်အမာ နှစ် ၁၀၀ ပြည့်မွေးနေ့မှာ ပါဝင်ဖို့ အဆင်သင့်ရှိနေမယ် ထင်ပါတယ်။ ဘာကြောင့်လဲဆိုတော့ သင်ဟာ လူထုဒေါ်အမာကို ချစ်သောသူ လူထုဒေါ်အမာ ကလည်း သင့်ကို ချစ်တဲ့သူ ဖြစ်နေလို့ပါပဲ။ သက်စုအောင် (မျတ်ချက် - မေလ ၁၈ ရက် ၂၀၁၅ ခုနှစ်ထုတ် မက်ဆင်ဂျာဂျာနယ်တွင် ဖော်ပြခဲ့သော ဆောင်းပါးကို စာရေးသူခွင့်ပြုချက်ဖြင့် ဖော်ပြသည်)
6 years Ago
More News
Up