စက်ဘီးကလေးနဲ့ အဘိုးအို

May 29, 2015

ပြည်သူချစ်သော လူထုဒေါ်အမာ နှစ် (၁၀၀)

သူဟာ ပြည်သူတွေကို ချစ်တဲ့သူ။ သူဟာ ပြည်သူတွေဘက်က အမြဲရပ်တည်သူ။ သူဟာ စကားပြောသာယာ ငြိမ့်ညောင်းတဲ့သူ။ သူဟာ မျက်နှာပေါ်မှာ အပြုံးပန်းအမြဲဆင်ထားတဲ့သူ။ သူဟာ မန္တလေး ဗြဟ္မစိုရ်လူမှုကူညီရေးအသင်းကြီးကို စတင်တည်ထောင်ခဲ့သူတွေထဲက တဦး။ ထိုသူကတော့ လာမယ့် နိုဝင်ဘာ ၂၉ မှာ အသက် ၁၀၀ ပြည့်တော့မယ့် ပြည်သူတွေက ချစ်ကြတဲ့ သတင်းစာဆရာမကြီး၊ စာရေးဆရာမကြီး လူထုဒေါ်အမာ။ ဧပြီနွေနေပူပူရဲ့ နေ့လည်ခင်းမှာ အသက် ၅၀ နဲ့ ၆၀ ကြားဝန်းကျင်ရှိတဲ့ လူတစု အစည်းအဝေးတခု လုပ်နေကြတယ်။ ပြည်သူတွေချစ်ကြတဲ့ မန္တလေးမြို့သူတယောက်ရဲ့ အသက် ၁၀၀ ပြည့်မယ့် မွေးနေ့အထိမ်းအမှတ်ပွဲလေးကို ဘယ်လိုကျင်းပကြမလဲဆိုတာကို သူတို့တတွေ ရင်းရင်းနှီးနှီး တိုင်ပင်ဆွေးနွေးနေကြတာပါ။ သူတို့ ပြောနေကြတဲ့ အကြောင်းအရာ တွေထဲမှာ အမေ၊ ဒေါ်ဒေါ်ဆိုတဲ့ စကားလုံးတွေက အကြိမ်အများဆုံး ပါဝင်လို့နေပါတယ်။သူတို့ အထိမ်းအမှတ်ပွဲ ကျင်းပပေးမယ့် ပုဂ္ဂိုလ်ကတော့ လူထုသတင်းစာတိုက်က ပြည်သူတွေ ချစ်တဲ့ သတင်းစာဆရာမကြီး၊ စာရေးဆရာမကြီး လူထုဒေါ်အမာပဲ ဖြစ်ပါတယ်။ လူထုဒေါ်အမာဟာ ယခုနှစ် နိုဝင်ဘာလ ၂၉ ရက်နေ့မှာ အသက် ၁၀၀ ပြည့်ပြီ ဖြစ်ပါတယ်။ ကိုယ့်ရဲ့မိခင်အရင်းတယောက်လို့ ချစ်ကြလို့ အများစုက အမေမာ လို့ချစ်စနိုးနဲ့ခေါ်ကြတဲ့ လူထုဒေါ်အမာကို ဖခင် ဦးထင်နဲ့ မိခင်ဒေါ်စုတို့က ၁၉၁၅ ခုနှစ် နိုဝင်ဘာလ ၂၉ ရက်နေ့ မန္တလေးမြို့ ဂုန္တန်ရပ်မှာ မွေးဖွားခဲ့တယ်။ မွေးချင်း ၁၂ ယောက်ရှိတဲ့အထဲမှာ စတုတ္ထမြောက်သမီး ဖြစ်တယ်။ အမည်ရင်းက လူပုံစံနဲ့ ပြောင်းပြန်။ လူက အသားဖြူဖြူနွဲ့နွဲပေမယ့် သူမရဲ့အမည်က အမာ။ တနင်္လာသမီး။ အမေမာရဲ့ ထူးခြားချက်က အပြုံး ။ မျက်နှာမှာ အမြဲတမ်း အပြုံး ဆင်ထားတတ်တယ်လို့ သူနဲ့ ရင်းရင်းနှီးနှီးဆက်ဆံခဲ့ဖူးတဲ့ ကြီးကြီးငယ်ငယ် အရွယ်စုံအားလုံးက တထပ်တည်း မှတ်ချက်ပြုကြတယ်။ “သူက အမြဲတမ်း ပြုံးပြုံးရွှင်ရွှင် နေတတ်တယ်။ လူချင်းစတွေ့တဲ့ အချိန်မှာပဲ သူက ပြုံးပြီး နှုတ်ဆက်တတ်တဲ့အတွက်ကြောင့် သူနဲ့ ဆက်ဆံရတဲ့အခါ ကိုယ့်အနေနဲ့ ကြောက်သွားတာမျိုး မရှိဘဲ တခါတွေ့တာနဲ့ ခင်မင်သွားတယ်။ သူစကားပြောတာ လေယူလေသိမ်းက အေးချမ်းတယ်။ လူတိုင်းကို လိုလိုလားလား နှစ်လိုဖွယ်ဆက်ဆံတတ်တဲ့အတွက်ကြောင့် လူတိုင်းက ချစ်တယ်” လို့ အမေမာနဲ့ အနီးကပ် နေထိုင်ခဲ့ပြီး အမေမာရဲ့တပည့်အဖြစ် အလုပ်အတူတူလုပ်ကိုင်ခဲ့ဖူးသူ စာရေးဆရာ ဆရာကျော်ရင်မြင့်က လူထုဒေါ်အမာရဲ့ ထူးခြားချက်ကိုပြောပြတယ်။ လူထုသတင်းစာတိုက်က သတင်းစာဆရာကြီး လူထုမောင်သစ်လွင်ကလည်း လူထု သတင်းစာတိုက်မှာ အလုပ်လာလျှောက်ရင်း လူထုဒေါ်အမာနဲ့ တွေ့ဆုံခဲ့ရသူတဦး ဖြစ်ပါတယ်။သူက လူထုဒေါ်အမာနဲ့စတင်တွေ့ခဲ့ရပုံကို ပြန်ပြောပြပါတယ်။ “ပထမဆုံး စတွေ့ဖူးတာက ၁၉၅၇ ခုနှစ် ဇန်န၀ါရီလထဲမှာ။ ဒေါ်အမာက ကုတ်အင်္ကျီ အရှည်ကြီးနဲ့ ခြေသလုံးထိအောင် ရောက်တဲ့ဟာ နောက်ပြီး သူ့ ခြေထောက်ကို ကြည့်လိုက်တဲ့ အခါကျတော့ ကင်းပတ်ဖိနပ်စီးတော့ ကုတ်အင်္ကျီနဲ့ ကင်းပတ်ဖိနပ်နဲ့ ဆိုတော့ တို့က တောကနေ လာတဲ့သူတွေဆိုတော့ အင်္ဂလိပ်မကြီးနဲ့ တူလိုက်တာပေါ့။ ရောက်ရောက်ခြင်း သူနဲ့ တွေ့ရတာ သိပ်ဖော်ရွေတယ်။ စကားပြောတာ သိပ်နူးညံ့ သိမ်မွေ့တယ်။ မန္တလေးသူပီပီပါပဲ။ အဲဒီတုန်းက မန္တလေးသူ မန္တလေးသားတွေဟာ စကားပြောသိပ်နူးညံ့သိမ်မွေ့ပြီးတော့ ဖော်ဖော်ရွေရွေ ရှိတယ်” လို့ အသက် ၈၁  ရှိပြီဖြစ်တဲ့ လူထုမောင်သစ်လွင်က ပြောတယ်။ လူထုဒေါ်အမာဟာ ၁၉၂၀ ကနေ ၁၉၂၃ ခုနှစ်ထိ ဟုမ္မရှုးကျောင်းလို့ခေါ်တဲ့ တရုတ်တန်း အမျိုးသမီးနေရှင်နယ်ကျောင်းမှာ ဒုတိယတန်းအထိ ပညာသင်ခဲ့ပြီး တတိယတန်းနဲ့ န၀မတန်းကို အေဘီအမ်ကျောင်းမှာ ဆက်ပြီးပညာသင်ခဲ့တယ်။ မန္တလေး ဗဟိုအမျိုးသားကျောင်းက ၁၀ တန်းအောင်တယ်။ မန္တလေးဥပစာကောလိပ်မှာ ဓာတု၊ ရူပ၊သင်္ချာဘာသာတွဲယူပြီး ၁၉၃၆ ခုနှစ်မှာ ရန်ကုန်တက္ကသိုလ်ဘီအေ တက်နေချိန်တွင် ဒုတိယကျောင်းသားသပိတ်မှာ ပါဝင်ခဲ့ပြီး အိုးဝေမဂ္ဂဇင်း၊ ကြီးပွားရေးမဂ္ဂဇင်း၊ ဘာမားဂျာနယ်တို့မှာ ၀တ္တုဆောင်းပါးတွေ ရေးသားခဲ့တယ်။ ကြီးပွားရေးမဂ္ဂဇင်းမှာ ခင်လ၀င်း ၊မြမဉ္ဇူ ဆိုတဲ့ ကလောင်အမည်တွေနဲ့ ရေးသားခဲ့ပြီး ဘာသာပြန်တွေ စတင်ရေးသားခဲ့ပါတယ်။ ၁၉၃၉ ခုနှစ် နိုဝင်ဘာမှာ ကြီးပွားရေးမဂ္ဂဇင်းတိုက်မှ ဦးလှ(လူထုဦးလှ)နဲ့ အိမ်ထောင်ပြုခဲ့ပြီး သားသမီး ၅ ယောက် မွေးဖွားခဲ့တယ်။ လူထုဂျာနယ်ကို ၁၉၄၅ ခုနှစ် ဇူလိုင်လမှာ စတင်ထုတ်ဝေခဲ့တယ်။ လူထုသတင်းစာကို ၁၉၄၆ ဧပြီလမှာ စတင်ထုတ်ဝေခဲ့တယ်။ လူထုဂျာနယ်နဲ့ လူထုသတင်းစာမှာ အယ်ဒီတာအဖြစ် တာဝန်ယူခဲ့ပြီး ကမ္ဘာ့သတင်း၊ နိုင်ငံရေး ဆောင်းပါးစတာ တွေကို ရေးသားခဲ့ပါတယ်။ ၁၉၉၀ခုနှစ်ကနေ ယနေ့အချိန်ထိ လူထုဒေါ်အမာ ရေးသားထုတ်ဝေခဲ့တဲ့ စာအုပ်ပေါင်းက ၅၀ နီးပါး ရှိတယ်လို့ လူထုစာကြည့်တိုက်မှတ်တမ်းများအရ သိရတယ်။အဲဒီစာအုပ်တွေထဲမှာ စာအုပ်အများစုဟာ ယခုချိန်ထိ အကြိမ်ကြိမ် ပုံနှိပ်ဖော်ပြရတာမျိုးတွေလည်း ရှိတယ်။ လူထုဒေါ်အမာ ရေးသားခဲ့တဲ့ ဘာသာပြန် ၊၀တ္တုတို၊ ရသစာပေ စတဲ့ စာအုပ်ပေါင်းများစွာရှိထဲမှ “ ပြည်သူချစ်သော အနုပညာသည်များ”စာအုပ်က လူထုဒေါ်အမာအတွက် မှတ်တိုင်တခု စိုက်ထူနိုင်ခဲ့တယ်။ “ပြည်သူချစ်သော အနုပညာသည်များ စာအုပ်ထုတ်တဲ့ အချိန်မှာ တိုက်တိုက်ဆိုင်ဆိုင် ဗိုလ်ချုပ်နေ၀င်းအစိုးရက ၅၀ တန်တို့၊ ၁၀၀ တန် ငွေစက္ကူတွေကို တရားမ၀င် ကြေညာ လိုက်တဲ့အချိန် ဆိုလိုတာက လူတွေအားလုံး စီးပွားရေးမှာ လုံးလုံးကို ချွတ်ခြုံကြပြီး ဒုက္ခ ရောက်သွားကြတာ။ လူတွေရဲ့ လက်ထဲမှာ ရှိနေတဲ့ ပိုက်ဆံကို အစိုးရက ဓားပြတိုက်လိုက်သလို ယူလိုက်တဲ့အချိန်မှာ တိုက်တိုက်ဆိုင်ဆိုင် စာအုပ်က ထွက်လာတယ်။ ထွက်လာလာချင်းပဲ စာအုပ်က ကုန်သွားတယ်။ ကုန်သွားပြီးတော့ ချက်ချင်းပြန်ရိုက်ရတယ်။ သူရေးတဲ့ အနုပညာသည်တွေကို ပြည်သူတွေ ဘယ်လောက်ချစ်တယ်ဆိုတာ တွေ့ရတော့ အမေမာ ကိုယ်တိုင်လည်း တော်တော် ၀မ်းသာအားရ ဖြစ်ခဲ့တယ်။ သူရေးခဲ့တဲ့ စာအုပ်တွေက အများကြီးပဲ ။ သူရေးခဲ့တဲ့ စာအုပ်တွေ အားလုံးကလည်းကောင်းတယ်။ ပွဲဦးထွက်စပြီးတော့ ပြည်သူချစ်သော အနုပညာရှင်များက အမေမာအတွက်မှတ်တိုင်တတိုင်စိုက်ခဲ့တယ်။ ပရိသတ်အားပေးမှုကို ခံရတယ်။ အမေမာရဲ့ ချစ်စရာကောင်းတာက အဲဒီလို စာအုပ်တွေ ကုန်သွားတာကို လက်မ မထောင်ဘူး။ သူက ဘယ်လိုပြောလဲဆိုတော့ သူရေးတဲ့ အနုပညာသည်တွေကို ပြည်သူတွေက သိပ်ချစ်တာပဲ။ ဒါကြောင့် အားပေးကြတာလို့ပဲ ပြောတာ” လို့ ဆရာကျော်ရင်မြင့် ကပြောတယ်။ လူထုဒေါ်အမာဟာ ခေတ်အဆက်ဆက် အစိုးရဘယ်လိုပဲ ပြောင်းပြောင်း ပြည်သူဘက်မှာပဲ ရပ်တည်ခဲ့တဲ့အတွက် ပြည်သူအများရဲ့ ချစ်ခြင်းကိုရရှိပြီး လူချစ်လူခင်ပေါများတယ်။ “အမေမာနဲ့ နီးနီးကပ်ကပ်နေတဲ့ အချိန်မှာ ဓနမဂ္ဂဇင်းမှာ မျက်နှာဖုံးဆောင်းပါးတွေ ရေးနေချိန်မှာ မျက်နှာဖုန်းဆောင်းပါးတွေ ရေးဖို့အတွက် မြန်မာနိုင်ငံအနှံအပြားကို လျှောက်သွားရတယ်။ လျှောက်သွားတဲ့အခါ ကိုယ်က သူများတွေကို သိပ်သိတာ မဟုတ်ဘူး။ အမေမာက သူသိတဲ့မြို့က လူတွေဆီကို စာလေးတွေ ရေးပေးလိုက်တယ်။ သူကို လိုအပ်တာတွေ ကူညီလိုက်ပါ။ ဥပမာ မုံရွာသွားတော့ မုံရွာမှာ ဆရာအံ့ကို စာရေးပေးလိုက်တယ်။ ဆရာအံ့မောင်က ဘာပြောလည်းဆိုတော့ ခင်ဗျားကို ကျနော် မသိဘူး။ ဒါပေမယ့် လူထုဒေါ်အမာရဲ့ လတ်မှတ်နဲ့ လူထုဒေါ်အမာရဲ့စာနဲ့ ပါးခြင်းအားဖြင့် ရွှေတိုက်တံခါးကို ဖွင့်ဖို့ သော့ရသလိုပဲ။ ခင်ဗျားကို ကူညီမယ်တဲ့” လို့ စာရေးဆရာ ဆရာကျော်ရင်မြင့်က ပြန်ပြောပြတယ်။ လူထုဒေါ်အမာဟာ သတင်းစာဆရာပီပီ စာရေးဆရာပီပီ ပြည်သူတွေဘက်က အမြဲ ရပ်တည်နေသူတဦး ဖြစ်တယ်။ “နိုင်ငံရေးရပ်တည်မှုမှာ အမေက ဆရာကြီးသခင်ကိုယ်တော်မှိုင်း(သူ့ဆရာ)ကို အင်မတန် လေးစားတယ်။ ဘယ်ချိန်ဘယ်နေရာပြောင်းပြောင်း ရပ်တည်မှု ဘယ်တော့မှမပြောင်းဘူး။ ပြည်သူဘက်မှာ ရပ်တဲ့ဟာမှာ။ ဒါကြောင့်မို့ ဆရာကြီး သခင်ကိုယ်တော်မှိုင်း ခေတ်တွေ ဘယ်လောက်ပြောင်းပြောင်း သူရပ်နေတာအမှန်ပဲ ပြောခဲ့ဖူးတယ်။ အဲဒီအတိုင်း အမေမာကလည်း ဦးနေ၀င်းရဲ့ မဆလလက်ထက် တလျှောက်လုံး၊ န၀တအစိုးရ တလျှောက်လုံး နောက်ဆုံးအထိ ရပ်တည်ခဲ့တာ ပြည်သူဘက်မှာပဲ ရပ်တည်ခဲ့တာ၊ နိုင်ငံရေးအရ ဝေဖန်သုံးသပ်တာရယ်၊ ရပ်တည်တာရယ် ဘယ်တော့မှ မပြောင်းဘူး ပြည်သူဘက်မှာပဲ ရပ်တည်ခဲ့မယ်ဆိုရင် မမှားဘူး။ မှန်ကန်တဲ့လမ်းကြောင်းမှာ ရပ်တည်ဖို အကောင်းဆုံး လမ်းပြပေးခဲ့တယ်။ နိုင်ငံရေးရေချိန် ဘယ်လောက်ပြောင်းပြောင်း မှားတဲ့ဘက်မှာ ရပ်မသွားဖို့ အမေမာဆီက အဲဒီတခုကို ယူနိုင်ခဲ့တယ်” လို့ လူထုဒေါ်အမာရဲ့ သားအရင်းတယောက်ကဲ့သို့ ရင်းနှီးခဲ့တဲ့ အမျိုးသားဒီမိုကရေစီအဖွဲ့ချုပ်ပါတီက ပြည်သူ့လွှတ်တော်ကိုယ်စားလှယ် ဦးကျော်သီဟက ပြောတယ်။ စာမူတွေရေးသားရာမှာလည်း စာမူကို တကြိမ်တည်းရေးတာမျိုး မဟုတ်ဘဲ စိတ်တိုင်းကျ လောက်သည့်အထိ အထပ်ထပ်အခါခါပြင်ပြီးမှ ရေးသားတာမျိုးဖြစ်တဲ့အတွက် သူ့ရေးသားတဲ့ စာတိုင်းဟာ အမြဲတမ်းကောင်းနေတယ်လို့ ဆိုကြတယ်။ “သူက ဆောင်းပါးတပုဒ်ကို လူထုဒေါ်အမာလို့ ရေးလိုက်ရင် အချိန်မရွေး ဘယ်သူကမဆို အလွယ်တကူထည့်မှာ မှန်ပေမယ့် အလွယ်တကူဘယ်တော့မှ မရေးဘူး။ တခါတလေ စာမူတပုဒ်ကို ၂ ခါ ၃ ခါ ပြန်ရေးတာ တွေ့ရတယ်။ ရေးတယ်။ သူ စိတ်တိုင်းမကျဘူး၊ ပြန်ချောတယ်။ ပြန်ချောလို့ စိတ်တိုင်းမကျရင် ပြန်ရေးတာ ရှိတယ်။ သူရေးတာ မကောင်းတာ မဟုတ်ဘူး။ သူရေးတာ ကောင်းသထက်ကောင်းပြီးတော့ အမှားအယွင်းနည်း အောင် အဲ့လောက် ကြိုးစားပမ်းစား ရေးတာကို တွေ့ရတယ်။ အဲဒါကြောင့် သူစာတွေ ဒီလောက်ကောင်းပြီး ကျန်နေခဲ့တာပေါ့”လို့ ဆရာကျော်ရင်မြင့်က အမေမာရှိစဉ် အလုပ်တူတူ တွဲလုပ်ခဲ့စဉ်က မြင်တွေ့ခဲ့ရတာကို ပြောပြတယ်။ လူထုဒေါ်အမာဟာ လူခန္ဓာကိုယ်က ပိန်ပိန်ပါးပါးပေမယ့် သူရဲ့ စိတ်ဓာတ်ကတော့ ခန္ဓာကိုယ်နဲ့ မလိုက်ဘဲ စိတ်ဓာတ်မာကြောတယ်ဆိုတာကို ဖြစ်ရပ်တခုက သက်သေပြခဲ့တယ်။ လူထုဒေါ်အမာရဲ့ သားသမီးထဲက အငယ်ဆုံးသားဖြစ်တဲ့ မောင်ငြိမ်းချမ်း(ခ) ဘိုညို ထောင်ကျစဉ် ထောင်မှ လွတ်အောင် လုပ်ဖို့ အခွင့်အရေးရခဲ့ပေမယ့် သူ့သားရဲ့သမိုင်းကြောင်းမှာ အဝေဖန် အပြောဆိုခံရမှာစိုးတဲ့အတွက် အခွင့်အရေးကို စိတ်ဓာတ်ပြတ်သားစွာနဲ့ လက်လွှတ်ခဲ့တယ်။ “၁၉၉၀ ၀န်းကျင်က အမေမာ မိတ်ဆွေ ဦးသုခက ဗိုလ်ချုပ်ခင်ညွှန်နဲ့ သူနဲ့ တွေ့ပြီးပြီ။ ကိုညီပုလေး(ဘိုညို)ကို ထောင်ကနေ လွှတ်ပေးဖို့အတွက် လူထုဒ်ါအမာက ဗိုလ်ချုပ်ခင်ညွှန်ကို လှမ်းပြောလိုက်ပါ။ ဒီကလေးနဲ့ ပတ်သက်ပြီး ကျမ တာဝန်ယူပါတယ်လို့။ အဲဒါလောက်လောက်လေးပဲ ပြောလိုက်ပါ။ ဦးသုခက ဗိုလ်ချုပ်ခင်ညွှန့်ကို သူပြောပြီးပြီတဲ့။ အဲလိုပြောရင် (ဘိုညိုကို) လွှတ်မှာပါတဲ့။ ဦသုခက ဒို့ကို အမှာလွှတ်လိုက်တယ်။ ပြန်ရောက်တဲ့အခါကြတော့ အမေမာကို ပြောတယ်။ ဘဘဦးသုခက အဲ့လို မှာလိုက်တယ်ဆိုတော့ အမေက ဘာပြောလဲဆိုတော့ သားသမီးတွေရဲ့ အနာဂတ်ကို သူကြောင့်မို့လို့ မညစ်နွမ်းစေချင်ပါဘူး။ သူမပြောဘူးတဲ့။ အဲဒါလေး တခု ကြုံဖူးတယ်။ ဘယ်အမေ မဆို ကိုယ်သားသမီး တွေ့ချင်တာပဲလေ။ ဒါပေမယ့်ကိုယ့်သားရဲ့ သမိုင်းကို ထိခိုက်မှာဆိုးလို့ မပြောဘူးဆိုတာလေး။ သူ့စိတ်ဓာတ်က မာကျောတယ်ပဲ ပြောရမလား။ ဘယ်သူမဆို မိဘနဲ့ သား မပြောနဲ့။ မောင်နှမချင်းဖြစ်ဖြစ် နောက်ဆုံး သူငယ်ချင်းပဲဖြစ်ဖြစ် တဦးနဲ့ တဦးထားတဲ့ သံယောဇဉ်တွေက ရှိကြတယ်။ ထောင်ဆိုတာ ကောင်းတာမှ မဟုတ်ပဲနဲ့။ ကိုယ်ပြောလိုက်တဲ့ စကားတခွန်းနဲ့ လွတ်နိုင်တယ်ဆိုရင် ပြောလိုက်ချင်မှာပဲ။ ဒါပေမယ့် အဲလို ပြောလိုက်တဲ့ အတွက်ကြောင့် နောင်တချိန်မှာ ကိုညီပုလေးရဲ့ သမိုင်းကြောင်းမှာ သူတို့က သူတို့အမေနဲ့ ပြောပြီး လွတ်လာတာပါဆိုတာမျိုး အမေမာက လုံးဝအဖြစ်မခံနိုင်ဘူးဆိုတဲ့ စိတ်ဓာတ်ကိုလည်း တွေ့ရတယ်” လို့ စာရေးဆရာ ဆရာကျော်ရင်မြင့်ကပြောတယ်။ လူထုဒေါ်အမာရဲ့ သားအငယ်ဆုံး မောင်ငြိမ်းချမ်း(ခ) ဘိုညို (ခ) ဆရာညီပုလေးက သူ့ရဲ့အမေ လူထုဒေါ်အမာနဲ့ ပတ်သက်ပြီး အခုချိန်ထိ မှတ်မှတ်ရရ ဖြစ်နေတဲ့ ဖြစ်ရပ်လေးတခုကို အခုလို ပြောပြတယ်။ “အမေက သရက်ထောင်ကိုလာပြီး ထောင်ဝင်စာ လာတွေ့လေ့ ရှိတယ်။ တွေ့တာ လူထုဒေါ်အမာဆိုတာ ထောင်ပိုင်ကလည်း သိပါတယ်။ တခါကြတော့ ထောင်ဝင်စာ လာတွေ့တဲ့အချိန်မှာ မှတ်ပုံတင် မပါလို့ ပေးမတွေ့ဘူး။ ဒီအဖြစ်အပျက်ကဥပဒေကြောင်းအရ သူတို့ဘက်က ထောင့်စေ့ပေမယ့် လူသားချင်းစာနာတဲ့စိတ်နဲ့ဆို မလုပ်ကောင်းဘူး။ ဘာကြောင့်လဲဆိုတော့ ပထမဆုံးတွေ့တာလည်း မဟုတ်ဘူး။ အရင်ကတွေ့တာ ထောင်ဝင်စာ ခန်းထဲလည်း တွေ့ဖူးတယ်။ ထောင်ပိုင်ရှေ့မှာလည်း တွေ့ဖူးတယ်။ ဒါ သက်သက်မဲ့ အကျည်းသားကို ဒုက္ခပေးတာ၊ ကာယကံရှင်ကိုလည်း ဒုက္ခဖြစ်စေဆိုတဲ့ ရည်ရွယ်ချက်နဲ့ လုပ်တာ၊ အမေတယောက်အနေနဲ့ ဘယ်လိုခံစားရမလဲ။ နှလုံးသားရှိတဲ့သူတိုင်း ခံစားနိုင်ပါတယ်။ ဒီအဖြစ်အပျက်လေးက စွဲစွဲလန်းလန်းဖြစ်တဲ့ဟာပေါ့။ မိုင်ပေါင်းများစွာက လာရတဲ့ အောင်လံဘက်ကနေမြစ်ကို ဖြတ်ပြီး ကူးတယ်။ သောင်ပြင်ကြီး ဖြတ်ရတာ။ အသက် ၈၀ ကျော် အဖွားကြီးတယောက်အနေနဲ့ ပင်ပန်းမှာပဲ။ ဒါပေမယ့် အုပ်စိုးသူကတော့ အုပ်စိုးသူစရိုက် အကျင့်ပဲ။ ဒါမျိုးကြုံဖူးတယ်။ အမေနဲ့ ဦးညိုဆက်ဆံရေးအများကြီးရှိတဲ့ထဲက ပြောစတမ်းဆို ဒါလေးက မှတ်မှတ်ရရပဲ” လို့ အဝေးကိုငေးရင်းပြောတယ်။ လက်ရှိ ကလောင်ကိုင်ပြီး စာရေးနေကြတဲ့သူတွေကို လူထုဒေါ်အမာ မှာကြားခဲ့တဲ့ စကားတွေကလည်း မှတ်သားစရာကောင်းတယ်။ “ကလောင်သိက္ခာ ကလောင်နဲ့ ပတ်သက်တဲ့ ရပ်တည်ချက်မှာ ကလောင်သိက္ခာကို ထိန်းတယ်။ သိက္ခာဆိုတာ ကိုယ့်စာရွက်စာမျက်နှာပေါ်မှာ သူများကိုဆဲတာ၊ အတင်းပြောတာ၊ သူများကို ပုတ်ခတ်မယ့် ဟာတွေကို ထိန်းတာ၊ ဒေါ်ဒေါ် (လူထုဒေါ်အမာ)က ဥပမာ ပေးတယ်။ မင်း နတ်သုဒ္ဓါ ဖြစ်မယ်၊ ဒါပေမယ့် မစင်တစ်စက်ကျသွားမယ်ဆိုရင် မင်းဟာ ပစ်လိုက်ရလိမ့်မယ်တဲ့။ မင်းတို့ စာရေးမယ်ကြံတိုင်း တကယ်ကို အကျိုးရှိတဲ့စာတွေရေးကြ သူများကို ပုတ်ခတ်တာ၊ တိုင်းပြည်နဲ့လူမျိုး ဒုက္ခရောက်မယ့်စာမရေးကြနဲ့လို့ ပြောတယ်” လို့ စာရေးဆရာ ဆရာဆူးငှက်က အမေမာမှာခဲ့တာကို ပြန်ပြောပြတယ်။ ဆရာကျော်ရင်မြင့်က “အမေပြောတဲ့ စကားလေးတခွန်းရှိတယ်။ စာရေးတဲ့သူတွေက ကိုယ်မှာ ကလောင်တချောင်းပိုင်တယ်ဆိုပြီးတော့ တခြားလူတွေကို ဟိုကော်ဒီထိုး မရေးပါနဲ့။ အဲဒီလိုလုပ်တယ်ဆိုရင် စာဆိုတာက အဖြူပေါ် အမည်းတင်တာ။ ကိုယ်သေသွားရင်တောင်မှ ကိုယ်ရေးခဲ့တဲ့ စာတွေနဲ့ ကိုယ့်အကြောင်းတွေက ကျန်ရစ်ခဲ့မှာ။ ဒါကြောင့်မို့ သူများကို နစ်နစ်နာနာ ဖြစ်ပါစေတော့စေတနာမျိုးနဲ့ ဟိုကော်ဒီထိုးမလုပ်မိပါစေနဲ့တဲ့” လို့ အမေမာမှာခဲ့တာကို တဆင့်ပြန်ပြောတယ်။ ပြည်သူချစ်သော သတင်းစာဆရာမကြီးနဲ့ စာရေးဆရာမကြီး လူထုဒေါ်အမာဟာ ၂၀၀၈ ခုနှစ် ဧပြီလ ၇ ရက်နေ့ အသက် ၉၃ နှစ်အရွယ်မှာ နှလုံးရောဂါနဲ့ ကွယ်လွန်ခဲ့တယ်။ အမေမာရဲ့ နာရေးဟာ မန္တလေးတမြို့လုံးမှာ အစည်ကားဆုံး နာရေးတခု ဖြစ်ခဲ့တယ်။ လက်ရှိအချိန်မှာ အမေမာသာ ရှိနေခဲ့ရင် လက်ရှိသတင်းစာလောကအပေါ်မှာ လူငယ်တွေ အားကြိုးမာန်တက် လုပ်ကိုင်နေကြတာကို မြင်ရင် ဒီခေတ်လူငယ်တွေ သိပ်တော်တာပဲလို့ ချီးကျူးလိမ့်မယ်၊ အကူအညီတွေလည်း ပေးလိမ့်မယ်လို့ ယုံကြည်တယ်လို့ ဆရာကျော်ရင်မြင့် ဆိုတယ်။ နိုင်ငံရေးရပ်တည်ချက် ခိုင်မာတဲ့ အမေမာဟာ လက်ရှိခေတ်ရဲ့ နိုင်ငံရေး အခြေအနေပေါ်မှာတော့ ကျေနပ်အားရမှုရှိနိုင်မှာ မဟုတ်ဘူးလို့ သူနဲ့ အနီးကပ်ေ နေထိုင်ခဲ့တဲ့သူ တပည့်သားတွေက ဆိုတယ်။ ဆရာကျော်ရင်မြင့်က “လက်ရှိခေတ်စနစ် အခြေအနေကို သူအားရလိမ့်မယ် မဟုတ်ဘူး။ ကျေနပ်လိမ့်မယ်လည်း မဟုတ်ဘူး။ ဘာကြောင့်လဲဆိုတော့ အမေမာနဲ့ တခါတုန်းက စကားစမြည်တွေ ပြောဖြစ်တာပေါ့။ တောင်ကိုရီယားနိုင်ငံမှာ နိုဒေ၀ူး ဆိုတဲ့ စစ်ဗိုလ်ချုပ်ကြီးတယောက်က ဒီမိုကရေစီလုပ်မယ်ဆိုပြီး ဘာညာလျှောက်ပြောတော့ တို့က တအား သဘောကျပြီး အမေမာကို ပြောတာ။ အမေရယ်၊ သူတိုဆီကဗိုလ်ချုပ်ကြီးတွေက ဒီမိုကရေစီလုပ်တော့မှာတဲ့ ဗမာပြည်ကဗိုလ်ချုပ်ကြီးတွေ ဒီမိုကရေစီကိုစိတ်ဝင်စားပြီးလုပ်လာရင် သိပ်ကောင်းမှာပဲလို့ ပြောမိတယ်။ ပြောမိတော့ အမေ ပြန်ပြောတဲ့ စကားလေး အခုထိ မှတ်မိတယ်။ ဘယ်တော့မှ မယုံပါနဲ့တဲ့။ စစ်အာဏာရှင်တွေက မသေမချင်း သူတို့လက်ထဲမှာ ကိုင်ထားတဲ့အာဏာကို လက်ဆုပ်ဖြေလေ့ မရှိပါဘူး။ ဒီနေ့ စစ်ဗိုလ်ချုပ်ကြီးတွေက ဒီမိုကရေစီ စကားပြောနေတာကို အမေမာ တွေ့ရလိုရှိရင်လည်း အမေမာကတော့ သိပ်ယုံကြည်စိတ်ချရမှု ရှိနိုင်မယ် မထင်ဘူး” လို့ ပြောတယ်။ လူထုဒေါ်အမာ ကွယ်လွန်သွားတာ ၇ နှစ် ရှိပြီဖြစ်ပေမယ့် သူ့အပြုံး၊ သူ့စကား၊ သူ့ပုံရိပ်တွေက သူကို ချစ်ခင်ကြတဲ့ သူတွေရဲ့ နှလုံးသားထဲမှာ ယခုတိုင် စွဲထင်နေကြတုန်းပါပဲ။ သူရဲ့ နှစ် ၁၀၀ ပြည့်မွေးနေ့ရောက်ဖို့ကလည်း ရက်ပေါင်း ၂၀၀ ၀န်းကျင် သာ လိုပါတော့တယ်။ နှစ် ၁၀၀ ပြည့်မွေးနေ့မှာ စာပေဟောပြောပွဲတွေ၊ လူထုဒေါ်အမာ အကြောင်း အထိမ်းအမှတ်စာအုပ်ထုတ်ဝေတာတွေ၊ လူထုဒေါ်အမာရဲ့ပုံရိပ် ဓာတ်ပုံပြပွဲတွေ အလှူအတန်း ပွဲတွေနဲ့ သူ့ကို ချစ်တဲ့သူတွေက နှစ် ၁၀၀ ပြည့်အထိမ်းအမှတ်ပွဲ ကျင်းပဖို့ မန္တလေးမြို့ကြီးမှာ ပြင်ဆင်နေကြပါပြီ။ နှစ် ၁၀၀ ပြည့်အထိမ်းအမှတ်အဖြစ် လူထုဒေါ်အမာ ရုပ်တု ထုလုပ်ပြီး ရုပ်တုကို ဂုန္တန်ရပ်၊ ဂုန္တန်ဝန်းမှာရှိတဲ့ လူထုစာကြည့်တိုက်မှာ အမှတ်တရ ထားဖို့လည်း စီစဉ်နေကြပါပြီ။ သင်လည်း လူထုဒေါ်အမာ နှစ် ၁၀၀ ပြည့်မွေးနေ့မှာ ပါဝင်ဖို့ အဆင်သင့်ရှိနေမယ် ထင်ပါတယ်။ ဘာကြောင့်လဲဆိုတော့ သင်ဟာ လူထုဒေါ်အမာကို ချစ်သောသူ လူထုဒေါ်အမာ ကလည်း သင့်ကို ချစ်တဲ့သူ ဖြစ်နေလို့ပါပဲ။ သက်စုအောင် (မျတ်ချက် - မေလ ၁၈ ရက် ၂၀၁၅ ခုနှစ်ထုတ် မက်ဆင်ဂျာဂျာနယ်တွင် ဖော်ပြခဲ့သော ဆောင်းပါးကို စာရေးသူခွင့်ပြုချက်ဖြင့် ဖော်ပြသည်)
6 years Ago

May 16, 2015

စက်ဘီးကလေးနဲ့ အဘိုးအို

ဖီးဆင့်စက်ဘီးနွမ်းလေးနဲ့ အဘိုးအိုတစ်ဦးရဲ့ အိမ်ပြန်ချိန်က မှောင်ရီသမ်းနေပါပြီ။ အဘိုးဦးဘိုရဲ့ အသက်ဟာ ၇၇ နှစ်ရှိပြီဖြစ်ပါတယ်။ အဘိုးရဲ့ စက်ဘီးခုံနောက်မှာ ကြိုးနဲ့တုပ်နှောင်ထားတဲ့ ဂျာနယ်ထုပ်တစ်ထုပ်က အမြဲပါတတ်သလို စက်ဘီးလက်ကိုင်မှာလည်း အစွန်းအထင်းတွေနဲ့ ညစ်နွမ်းနွမ်းအိတ်တစ်လုံး ကိုလည်းအမြဲ ချိတ်ဆွဲထားတယ်။ အိတ်ထဲမှာက ကြွတ်ကြွတ်အိတ်၊ ရေသန့်ဘူး၊ ဆေးလိပ်ဘူးခွံ့တစ်ခုနဲ့ တိုလီမုတ်စအစုံ။ စက်ဘီးရှေ့ခြင်းတောင်းထဲမှာတော့ မပို့ဖြစ်လို့ ကျန်နေသေးတဲ့ ဂျာနယ်သုံးလေးစောင်ကို တွေ့ရတယ်။ အဘိုးရဲ့ခေါင်းမှာ ၀ါးခမောက်လေး ဆောင်းထားပြီး အရောင်လွင့်နေတဲ့ ခပ်နွမ်းနွမ်းစတစ်အင်္ကျီအဖြူရောင် လက်ရှည်နဲ့ ခရမ်းရောင်ဖျော့ဖျော့ အကွက်စိပ်စိပ် ပုဆိုးနွမ်းကို တွဲဝတ်ဆင်ထားပါတယ်။ “ကြာပြီ အဘိုး ဒီအလုပ်လုပ်တာ ဆယ်နှစ်လောက်ရှိပြီ။ ဘာသာရေးဂျာနယ်ကိုင်တယ်။ သတင်းစာတွေမကိုင်ဘူး” လို့ အဘိုး က ပြောတယ်။ အဘိုးဦးဘိုလို အသက် ၇၇ နှစ် အရွယ်ဟာ အိမ်မှာ မိသားစုနဲ့ အေးအေးဆေးဆေးအနားယူနေရမယ့် အသက်အရွယ် ဖြစ်ပေမယ့် လမ်းမထက်မှာ စက်ဘီးတစ်စီးနဲ့ တစ်အိမ်တက်စင်း ဂျာနယ်ပို့တဲ့အလုပ်ကို မက်မက်မောမော လုပ်ကိုင်နေတဲ့သူဖြစ်တယ်။ သူ့ပို့ရတဲ့ ဂျာနယ်အမျိုးအစားအများစုက ဘာသာရေး ဂျာနယ်တွေဖြစ်ပြီး ဂျာနယ်ပို့ရတဲ့ အိမ်အရေအတွက်ကိုလည်း အဘိုးက အခုလိုဆိုတယ်။ “နေလ တို့ ဘုန်းရောင် တို့ ဓနသိဒ္ဓိ၊ ဇဗ္မူဒိပ်တို့ အဲ့လိုဟာတွေကိုင်တာ ရိုးရိုးဘောလုံးဂျာနယ်တို့မကိုင်ဘူး။ အဘိုးမိတ်ဆွေတွေကလည်း အဲ့လိုဟာတွေမဖတ်ဘူး။ ဘာသာရေးနဲ့ ပတ်သတ်တာပဲဖတ်ကြတာ။ အနောက်မြို့သစ် ၆၄ လမ်းနဲ့ ၆၅ ကြား အဲဒီက အားကြီးယူတယ်။ ပို့ရတဲ့အိမ်တွေကများတယ်။ အိမ် ၁၀၀ လောက်ရှိတယ်။ ဈေးချိုဆို စနေနေ့သွားတယ်။ ကြာသပတေး၊ သောကြာဆို အနောက်မြို့သစ်ပေါ့။ တစ်ပတ်တစ်ခါပို့ပေးရတယ်။ နေ့စဉ်သွားနေရတာပဲ ဂျာနယ်လုပ်ငန်းဆိုတော့။ တနင်္လာကြ နည်းနည်းပါးသွားပြီ။” လို့ အဘိုးဦးဘိုက သူ့ နေ့စဉ်သူ့ဂျာနယ်ပို့ရတဲ့ အရေအတွက်ကို သူ့လက်ချောင်းလေးတွေထောင်ပြီး အားပါးတရပြောပြတယ်။ အဘိုးဦးဘိုမှာ သားတစ်ယောက်၊ သမီးသုံးယောက်နဲ့ သားသမီးနှစ်ယောက်က မွေးထားတဲ့ မြေးခြောက်ယောက်ရှိတယ်။ သမီးတစ်ယောက်က နေပြည်တော်က အစိုးရရုံးတစ်ရုံး မှာ အစိုးရ၀န်ထမ်း တာဝန်ထမ်းဆောင်နေပြီး လစဉ်ငွေထောက်ပံ့ပေးတာမျိုးရှိတယ်။ သားသမီးတွေက အဘိုးကို အသက်ကြီးပြီမို့ ဂျာနယ်ပို့တဲ့အလုပ်မလုပ်ဖို့ တားပေမယ့် အဘိုးကတော့ ကျန်းမာရေးကောင်းတဲ့အချိန်မှာ ဒီအလုပ်လုပ်နေရတာကို ကျေနပ်နေပုံရတယ်။ အဘိုးက တစ်အိမ်တက်ဆင်း ဘာသာရေးဂျာနယ်တွေ ပို့ရတဲ့အပေါ်မှာလည်း ကုသိုလ်ရတဲ့ အလုပ်လို့ ခံယူထားပုံရတဲ့အတွက် သားသမီးတွေတားမြစ်တဲ့စကားကို လက်မခံခဲ့ပါဘူး။ “အဘိုး ဒီအလုပ်မလုပ်လည်း မိသားစုစားဝတ်နေရေးက ရပါတယ်။ အဘိုးကိုယ်တိုင်က ငါကျန်းမာရေးကောင်းနေတာ လုပ်မယ်ဆိုပြီးလုပ်နေတာ။ သားသမီးတွေက ပြောတယ်။ သူတို့က မသွားနဲ့ အိမ်လာစားပါ။ အိမ်လက်နိုက်ဆေးစား အဲ့လိုပြောတယ်။ အဲ့ဒါကို အဘိုးက ကိုယ်လှုပ်ရှားနိုင်တုန်း လှုပ်ရှားမယ်ဆိုပြီး နေလိုက်တာပေါ့။ ၀ါသနာလည်းပါတယ်။ ကုသိုလ်ရေးလည်း ရတယ်လေ။ ဘာသာရေးနဲ့ပတ်သတ်တာ ပို့ရတာ။” လို့ အဘိုးဦးဘိုက ပြောတယ်။ အဘိုးရဲ့ ဂျာနယ်ပို့လို့ ရတဲ့ တစ်နေ့ဝင်ငွေက အနည်းဆုံး (ကျပ်) နှစ်ထောင်နဲ့ နှစ်ထောင်ငါးရာကြားမှာရှိတယ်။ တစ်နေ့တာရှာလို့ရတဲ့ ပိုက်ဆံကို အိမ်မှာရှိတဲ့ အဘိုးထက် အသက် ၅ နှစ်ငယ်တဲ့ အဘိုးရဲ့ ဇနီး သုံးဖို့လိုအပ်တဲ့ မီးဖိုချောင်စရိတ်ပေးပြီး ဒီလိုပေးနိုင်တဲ့အပေါ်မှာလည်း အဘိုးက၀မ်းသာ ဂုဏ်ယူနေပုံရတယ်။ “တစ်ရက်ကို ၂၀၀၀ လောက်၊ တစ်ခါတလေ ၂၅၀၀ လောက်ကျန်တယ်။ ရတဲ့ ပိုက်ဆံကို အဖွားကြီးက တော်ကြာ ဆီလိုချင်တယ်ဆိုရင် ဆီ ၁၂၀၀ ဖိုးဝယ်လိုက်ပြန်၊ တော်ကြာ ကြက်ဥ တစ်ထောင်ဖိုးဝယ်လိုက် အဲလိုဝယ်ပေးလိုက်တာ” လို့ အဘိုးက ရယ်မောပြီး ပြောတယ်။ အချိန်ပြည့် ဆိုင်ကယ်တွေ ကားတွေ ရှုပ်နေတဲ့ မန္တလေးမြို့က လမ်းမကြီးတွေပေါ်မှာ အဘိုးဦးဘိုတစ်ယောက် ဂျာနယ်ပို့သွားရင်း မတော်တဆ ကားနဲ့ ပွတ်တိုက်မိတာ၊ ဆိုင်ကယ်နဲ့ ပွတ်တိုက်မိတာတွေလည်း တခါတရံ ကြုံရတာမျိုးရှိတယ်။ ဒီလို အဖြစ်အပျက်တွေထဲကမှ အဘိုးဦးဘိုကို ကားတစ်စီးက ပွတ်တိုက်သွားလို့ ကောင်မလေးတစ်ယောက်က ကူညီတဲ့ဓာတ်ပုံ အင်တာနက်ပေါ်မှာ ပြန့်သွားခဲ့တဲ့ ဖြစ်ရပ်လည်းရှိခဲ့ပြီး ဒီဖြစ်ရပ်ကို အဘိုးက အခုအချိန်ထိ အမှတ်တရ ရှိနေတယ်။ “တခါတုန်းက ၃၅ လမ်းပေါ် ရှမ်းယဉ်ကျေးမှုအသင်းဆိုတာ ရှိတယ်လေ။ အဲဒီရှေ့မှာ အဘိုးက ဗွက်ရှောင်တာပေါ့။ အဲမှာ ပါဂျဲရိုးကားက နောက်ပွတ်သွားတာ စက်ဘီးလဲသွားတယ်။ လဲသွားတော့ ငွေလေး နှစ်ထောင်ပဲပေးသွားတယ်။ ပါဂျဲရိုးကလည်းစီးတော့ အဆင့်မြင့်ကားပေါ့လေ။ ငွေနှစ်ထောင်လည်းသူ မပါလို့နေမှာပါဆိုပြီး စိတ်ထဲဘယ်လိုမှ မအောင့်မေ့ပါဘူး။ အဲ့မှာ ကလေးမလေးတစ်ယောက်က ရောက်လာပြီးတော့ သူ့ပစ္စည်းပါတာအပြင် ငွေငါးထောင်ပေးကမ်းသွားတယ်။ အံ့အားသင့်တယ်ပေါ့လေ။ ကလေးမလေးက အခုလမ်းတွေ့ရင် ဆိုင်ကယ်ရပ်တော့တာ။ သိတဲ့သူတွေက ပြောတယ်။ အဘိုးအင်တာနက်ပေါ်မှာ ပါတယ်တဲ့။ အဘိုးလည်းအားနာတယ်။ သူတို့ စေတနာရှိရင်ပေးပေါ့လေ။ မတောင်းချင်ဘူး။” လို့ အဘိုးကကြုံရတဲ့ အဖြစ်အပျက်ကို အဝေးကိုငေးရင်းပြန်ပြောပြတယ်။ အဲဒီနောက်ပိုင်း အဘိုးဦးဘို တစ်ယောက် ဆိုင်ကယ်၊ ကားတွေ အန္တရာယ်ကြောက်လို့ လမ်းဘေးမှာပဲ စက်ဘီးကို ဂရုတစိုက်စီးဖြစ်ပြီး အိမ်ကို မိုးမချုပ်ခင် အရောက်ပြန်တော့တယ်။ “ဆယ်နာရီ ဆယ့်တစ်နာရီဆို အိမ်ကထွက်တယ်။ ညနေ ၅ နာရီ ၆ နာရီဆိုအိမ်ရောက်ပြီ။ သိပ်မိုးချုပ်အောင်မနေရဲဘူး။ ဆိုင်ကယ်တွေကြောက်လို့။ အဘိုးက စောင့်မောင်းတယ် အရေးမကြီးဘူး ဘေးကပ်နိုင်သလောက် ကပ်ပေးလိုက်တယ်။ အိမ်က အဖွားကြီးကလည်း စိုးရိမ်တယ်။ မိုးချုပ်အောင်မနေနဲ့ လို့မှာတယ်” လို့ အဘိုး ဦးဘိုက ပြောတယ်။ အဘိုးဦးဘို ဂျာနယ်ပို့တဲ့ အလုပ်မလုပ်ခင်က မန္တလေး ပြည်သူ့ဆေးရုံကြီးမှာ ရေစက်မောင်းတဲ့ ၀န်ထမ်း အလုပ်ကိုလုပ်ခဲ့ပြီး ၀န်ထမ်းလစာနဲ့စားဝတ်နေရေး မလုံလောက်လို့ ဂျူတီနားချိန်မှာ အချိန်ပိုင်း ဆိုက်ကားနင်းတဲ့ အလုပ်ကိုလည်း လုပ်ခဲ့တယ်။ အသက် ၆၀ ပြည့်လို့ ၀န်ထမ်း အလုပ်က အနားယူတဲ့အချိန် ဆိုက်ကားနင်းတဲ့အလုပ်ကို သားသမီးတွေက ခွင့်မပြုလို့ နားခဲ့ရတယ်။ ဒါပေမယ့် အလုပ်မလုပ်ဘဲ မနေတတ်တဲ့ အဘိုးက မိတ်ဆွေတစ်ယောက် အကြံပေးချက်အရ ဂျာနယ်ပို့တဲ့အလုပ်ကို အခုအသက် အရွယ်ထိ ဆက်လုပ်ခဲ့တာလို့ ဆိုတယ်။ အသက်အရွယ်ကြီးလို့ ခါးကုန်းတာ ကလွဲရင် မျက်စိ အမြင်၊ နားအကြား၊ ကျန်းမာရေး ကောင်းမွန်မှုရှိတာ အဘိုးဦးဘိုရဲ့ ပြောဆို လှုပ်ရှားမှုတွေက သက်သေပြနေတယ်။ အခုလိုအလုပ်လုပ်ပြီး လှုပ်ရှားနေတာကြောင့် အဘိုးကျန်းမာရေးကောင်းမွန်နေတာလားလို့ မေးတဲ့အခါ သွားနှစ်ချောင်းစ သုံးချောင်းစ သာရှိတော့လို့ အတွင်းမှာ ချိုင့်ဝင်နေတဲ့ အပေါ်အောက် နုတ်ခမ်းနှစ်ခုကို မထိတထိနဲ့ရယ်ပြီး အဖိုးက ခေါင်းငြိမ့်ပြတယ်။ အဘိုး ဦးဘိုဂျာနယ်ပို့နေကြ အိမ်တွေကလည်း အဘိုးကို ချစ်ခင်ကြပုံရတယ်။ ရံဖန်ရံခါ ဟင်းချက်စရာ ပေးတာ၊ စားစရာမုန့်တွေပေးတာ၊ အဘိုးဂျာနယ်ပို့ရင်း မောတဲ့အခါ သောက်ရအောင် ရေသန့်ဘူးပေးတာတွေ ရှိတယ်လို့ပြောပြနေတဲ့ အဘိုးမျက်နှာက ဂရုစိုက်ခံရမှုအပေါ် ၀မ်းသာကျေနပ်နေတဲ့ ပုံပေါ်နေတယ်။ “၆၄ လမ်းပေါ်က စတိုးဆိုင် ကဂျာနယ်တစ်စောင်ဘယ်လာက်လည်း သုံးရာဆိုလို့ ဂျာနယ် တစ်စောင်လည်းယူတယ်။ ရေသန့်ဘူးလည်း ပေးသေးတယ်။ ကိတ်မုန့်စားဖို့ တစ်ရာတန်လေးတွေ နှစ်ထုပ်အဲလိုလေးတွေပေးတယ်။ ရေသန့်ကို ပိုက်ဆံမယူဘူး ဂျာနယ်မထွက်တဲ့ရက်လည်း ၀င်လို့ပြောတယ်။ စေတနာအကျိုးကတော့ ပေးပါတယ်။ ၅၈ လမ်းပေါ်က တိုက်ကလည်း သူကလည်း ဂျာနယ်အမြဲ ယူတယ်။ တခါတလေ မုန့်တို့ ကုလားပဲဆံတို့ ငါးခြောက်တို့ အိမ်ချက်စရာလေးတွေပေးတယ်။” လို့ အဘိုးဦးဘိုကပြောတယ်။ အဘိုးဂျာနယ်ပို့ပြီး အိမ်အပြန်ဆိုရင် စက်ဘီးရဲ့ ထိပ်မှာအမြဲတမ်းလိုလို ထမင်းဟင်းထုပ်တွေကို ချိတ်ဆွဲထားတာကိုလည်း တွေ့ရတတ်တယ်။ ဒီထမင်းဟင်းထုပ်လေးတွေက မသိတဲ့သူဆို အိမ်ကမိသားစုအတွက်လို့ ထင်ကောင်းထင်နိုင်တယ်။ ဒါပေမယ့် ဒီထမင်းဟင်းထုပ်လေးတွေက ထင်သလို အဖိုးအိမ်အတွက်တော့ မဟုတ်ခဲ့ပါဘူး။ “ဂျာနယ်ဝင်ပို့ရင်း အိမ်တွေဆီက ထမင်းကျန်ဟင်းကျန်တွေ တောင်းပြီး ၅၉ လမ်းမှာ ခွေးတွေကို အိမ်အပြန်အမြဲအစာကျွေးဖြစ်တယ်။ ကုသိုလ်လုပ်တာပေါ့” လို့ အဘိုးက သူ့အမြဲလုပ်နေကြ အလေ့အထလေးတစ်ခုကိုပြောပြတယ်။ အဲဒီဝန်းကျင်က ခွေးလေးတွေကလည်း အဖိုးလာနေကြအချိန်ဆိုအမြဲမျှော်နေကြတယ်လို့ အဖိုးဦးဘိုက ပြောပြတယ်။ အဘိုးဦးဘိုက ကံသာယာမြို့သစ် ၅၇ လမ်းက သူ့ ကိုယ်ပိုင်အိမ်လေးမှာသူ့အမျိုးသမီး၊နဲ့ သမီးတစ်ဦးတို့နဲ့ လက်ရှိအတူနေထိုင်ပြီး ဒီအလုပ်ကို သူလှုပ်ရှားလို့ ရနေသမျှ ကာလဆက်လုပ်သွားဖို့ သံန္နိဋ္ဌာန်ချထားပုံရတယ်။ “အိမ်ထဲလှဲမနေချင်ဘူး၊ လှုပ်လှုပ်ရှားရှားပဲနေချင်တယ်။ ဂျာနယ်မထွက်တဲ့နေ့ပဲ အိမ်မှာ အေးအေးဆေးဆေးနေတယ်။ ဒီအလုပ်ကို ဘယ်တော့ နားမယ်ဆိုတာ မရှိသေးဘူး၊ လုပ်လို့ရသလောက် လှုပ်ရှားနေအုန်းမှာပဲ” လို့ အဘိုးကပြောတယ်။ ညအမှောင်ကလည်း သိသိသာသာလွမ်းလာပြီမို့ စက်ဘီးနောက်မှာ ကြိုးနဲ့ ချည်ထားတဲ့ အထုတ်ရဲ့အပေါ်က အနွေးထည် ခပ်နွမ်းနွမ်းလေးကို အဘိုးက၀တ်လိုက်ပါတယ်။ ပြီးတော့ အဘိုးရဲ့ဦးတည်ရာဟာ ပြန်အလာကိုအိမ်မှာမျှော်နေမယ့် အိမ်သူအဖွားရှိရာကို……..။ သက်စုအောင်
6 years Ago
Up