စကု

July 31, 2015

မန်းရွှေစက်တော် ရေနစ်မြုပ်၊ စကုဆေးရုံမှ လူနာများပြောင်းရွှေ့ (ဓာတ်ပုံ)

မကွေးတိုင်း မင်းဘူး စကုမြို့နယ်မှာ ကျေးရွာပေါင်းများစွာက အားကိုးကုသနေရတဲ့ တခုတည်းသော စကုမြို့ပြည်သူ့ဆေးရုံဟာ ဇူလိုင် ၃၀ ရက်နေ့ည ၃ နာရီ ကတည်း ရေတွေဝင်ရောက်နစ်မြုပ် လာလို့ မြို့ထဲက ပုညရှင်ဓမ္မာရုံမှာ ဆေးရုံမှာရှိသမျှလူနာအားလုံးနဲ့ ဝန်ထမ်းအားလုံး ပြောင်းရွှေ့ကုသနေရပါတယ်။ မန်းရေ မုန်းရေ ချောင်းရေတွေက နေ့စဉ်လျှံတက်လာတဲ့အကျိုးဆက်တွေကြောင့်ပါ။ အလားတူ စကုမြို့မှာ အထကကျောင်းတွေပါ ရေမြုပ်နေပါတယ်။ မန်းကျင်းရပ်ကွက်အပါဝင် မန်းချောင်းဘေးက ရပ်ကွက်တွေက ပြည်သူတွေလည်း ဓမ္မာရုံ နဲ့ ဘုန်းကြီးကျောင်းတွေမှာ ပြောင်းရွှေ့နေကြရပါတယ်။ မန်းချောင်းရေဟာ မန်းရွှေစက်တော်ဘက်ကစီးလာတဲ့ မန်းချောင်းနဲ့ အတူတူဖြစ်ပါတယ်။ မန်းရွှေစက်တော်က အောက်စက်တော်ရာဘုရားလည်း ရေတွေနစ်မြုပ်နေပါတယ်။ ဓာတ်ပုံ နေမျိုကျော် (စကု)  
6 years Ago
Up