စကားလက်ဂျိုဟန်ဆန်

September 24, 2020

စကားလက်ဂျိုဟန်ဆန်ပါဝင်သည့် အမျိုးသမီးစူပါဟီးရိုးရုပ်ရှင်-Black Widow ရုံတင်ရက် ထပ်ရွှေ့ (ရုပ်ရှင်နမူနာ)

ဟောလိဝုဒ်စတား သရုပ်ဆောင်မင်းသမီး စကားလက်ဂျိုဟန်ဆန် ခေါင်းဆောင်ပါ ဝင်ထားတဲ့ အမျိုးသမီးစူပါဟီးရိုးရုပ်ရှင်- Black Widow ကို ရုံတင်ရက်ထပ်မံရွှေ့ဆိုင်း လိုက်ပြန်ပါတယ်။ အစပိုင်းတုန်းကတော့ ဒီရုပ်ရှင်ကို ပြီးခဲ့တဲ့ မေလ ၁ ရက်နေ့ကတည်းက ရုံတင်ပြသနိုင်ဖို့ ကြေညာထားခဲ့ပေမယ့် ကမ္ဘာတလွှားကူးစက်ကပ်ရောဂါ ကိုဗစ်-၁၉ ဘေးကြောင့် အကြိမ်ကြိမ် ရွှေ့ဆိုင်းခဲ့ရတာ ဖြစ်ပါတယ်။ ဒီရုပ်ရှင်ကားကိုတော့ ဩစတြေးလျအမျိုးသမီး ရုပ်ရှင်ဒါရိုက်တာ Cate Shortland က ရိုက်ကူးပုံဖော်ပေးထားတာဖြစ်ပြီး Marvel Studios နဲ့ Walt Disney Studios တို့ကနေ ဖြန့်ချိပေးသွားမှာ ဖြစ်ပါတယ်။ Black Widow လို့ ပြောလိုက်တာနဲ့ ပရိသတ်တွေက Marvel Comics ဟီးရိုးရုပ် ရှင်စီးရီးတွေထဲက အမျိုးသမီးဇာတ်ကောင်ကို ပြေးမြင်မိကြမှာပါ။ ဒီဇာတ်ကောင်ဟာ ၂၀၁၀ ပြည့်နှစ်က ထွက်ရှိခဲ့တဲ့ Iron Man 2 ဇာတ်ကားထဲမှာ စတင်ပါဝင်ခဲ့တာဖြစ်ပြီး အဲ ဒီအချိန်ကတည်းက ပရိသတ်တွေက ဒီဇာတ်ကောင်နဲ့ သီးခြားရုပ်ရှင်ကားတကား ထွက်ရှိလာဖို့ မျှော်လင့်နေခဲ့ကြတာပါ။ ပြီးခဲ့တဲ့ Endgame ရုပ်ရှင်ထဲမှာတော့ Black Widow ဇာတ်ကောင်ဟာ အဆုံး သတ်သွားခဲ့တာမို့ ခုအသစ်ရိုက်ကူးမယ့် ရုပ်ရှင်ထဲမှာ ဘယ်အချိန်ကာလကို ရိုက်ကူးထားမလဲ၊ ဘယ်လို အကြမ်းစား အက်ရှင်ဇာတ်ဝင်ခန်းတွေနဲ့ ရိုက်ကူးထားမလဲဆိုတာကိုတော့ မကြာခင်မှာပဲ စောင့်မျှော်ကြည့်ရှုကြရတော့မှာ ဖြစ်ပါတယ်။ ဒီကားရဲ့ အဓိကဇာတ်ကောင် Black Widow တဖြစ်လဲ Natasha Romanoff  နေ ရာမှာတော့ ဟောလိဝုဒ်သရုပ်ဆောင်မင်းသမီး Scarlett Johansson က ခေါင်းဆောင်ပါ ဝင်ထားပြီး တခြားသရုပ်ဆောင်မင်းသားမင်းသမီးတွေ ဖြစ်ကြတဲ့ David Harbour ၊ Florence Pugh ၊ O-T Fagbenle နဲ့ Rachel Weisz တို့ကလည်း ပါဝင်ထားပါတယ်။ ယူကျုဘ်ပေါ်မှာတော့ Black Widow ရုပ်ရှင်ကား Trailer ကို လတ်တလောအချိန်ထိ ဝင်ရောက်ကြည့်ရှုကြတဲ့ အကြိမ်ရေ သန်း ၂၀ ကျော် ရှိနေခဲ့ပြီ ဖြစ်ပါတယ်။ ဒီကားကိုတော့ ဘတ်ဂျတ်အမေရိကန်ဒေါ်လာသန်း ၁၅၀ နဲ့ ၂၀၀ ကြား အကုန်အကျခံ ရိုက်ကူးထားခဲ့တာပါ။ ဒီရုပ်ရှင်ကားရဲ့ ရိုက်ကူးမှုတွေကိုတော့ ပြီးခဲ့တဲ့ ၂၀၁၉ ခုနှစ် မေလကတည်းက စတင်ခဲ့ပြီး အချိန်တနှစ်အကြာ လာမယ့် ၂၀၂၀ ပြည့်နှစ်၊ မေလ ၁ ရက်နေ့ ရုံတင်ပြသသွားမယ်လို့ ကနဦး ကြေညာထားခဲ့တာ ဖြစ်ပါတယ်။ လတ်တလောမှာတော့ ဒီကားကို လာမယ့် ၂၀၂၁ ခုနှစ်၊ မေလ ၇ ရက်နေ့ကို ထပ်မံ ရွှေ့ဆိုင်းထားခဲ့တာမို့ Marvel Comics ဟီးရိုးရုပ်ရှင်ပရိသတ်တွေက ထပ်မံပြီး စောင့်မျှော်ကြည့်ရှုကြရမှာ ဖြစ်ပါတယ်။
1 year Ago

October 9, 2019

စကားလက်ဂျိုဟန်ဆန် ပါဝင်သည့် ဟစ်တလာခေတ် စစ်ပွဲနောက်ခံဒရာမာ ဇာတ်မြူးရုပ်ရှင် - Jojo Rabbit (နမူနာ)

ဒုတိယကမ္ဘာစစ်ပွဲနောက်ခံ ဒရာမာဇာတ်မြူး ရုပ်ရှင်ကားတကား ဖြစ်တဲ့ Jojo Rabbit ကို လာမယ့် အောက်တိုဘာလ ၁၈ ရက်နေ့မှာ ရုံတင်ပြသတော့မှာ ဖြစ်ပါတယ်။ ဒီကားကိုတော့ နာမည်ကျော်စူပါဟီးရိုးရုပ်ရှင် Thor: Ragnarok ရဲ့ ဖန်တီးရှင် နယူးဇီလန် ရုပ်ရှင်ဒါရိုက်တာ Taika Waititi က သူကိုယ်တိုင် ဇာတ်ညွှန်းခွဲပြီး ကိုယ်တိုင်ပဲ ရိုက်ကူးပုံဖော်ပေးထားတာ ဖြစ်ပါတယ်။ ဒီကားကတော့ ဟစ်တလာ ကြီးစိုးတဲ့ ဒုတိယကမ္ဘာစစ်ကာလကို အခြေတည် ရိုက်ကူးထားတာ ဖြစ်ပါတယ်။ Jojo ဆိုတဲ့ ကောင်လေးက သူ့ရဲ့ အမေ Single Mother တယောက်ဖြစ်တဲ့ Rosie နဲ့အတူ နေထိုင်ပါတယ်။ တနေ့မှာတော့ သူတို့အိမ်ထဲမှာ ဂျူးမိန်းကလေးတယောက်ကို သူ့အမေက ဝှက်ထားပေးတဲ့အကြောင်းကို သိသွားချိန်မှာတော့ ဘာတွေ ဆက်ဖြစ်လာမလဲ၊ ဘယ်လို အလှည့်အပြောင်းတွေ၊ ဇာတ်လမ်းဇာတ်ကွက်တွေနဲ့ ပုံဖော်ဖန်တီးထားမလဲ ဆိုတာကိုတော့ မကြာခင်မှာ ရှုစားကြရတော့မှာ ဖြစ်ပါတယ်။ ဒီကားထဲမှာ မြန်မာပရိသတ်တွေ ရင်းနှီးကြပြီးဖြစ်တဲ့ ဟောလိဝုဒ်နာမည်ကြီး သရုပ်ဆောင် မင်းသမီး Scarlett Johansson ၊ ဆယ်ကျော်သက် ကလေးသရုပ်ဆောင်တွေ ဖြစ်ကြတဲ့ Roman Griffin Davis ၊ Thomasin McKenzie တို့နဲ့အတူ ဒါရိုက်တာ Taika Waititi ကလည်း ပါဝင်သရုပ်ဆောင်ထားခဲ့တာပါ။ ကြာမြင့်ချိန် ၁၀၈ မိနစ်ရှိတဲ့ ဒီကားထဲမှာ ပါဝင်တဲ့ တချို့ ဇာတ်ဝင်ခန်း မြင်ကွင်းတွေ၊ ပြကွင်းပြကွက်တွေ၊ ပြောစကား Dialog တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့ မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ IMDb မှာတော့ Rating 7 အထိ ရရှိထားတဲ့ ဒီရုပ်ရှင်ကားကို နာမည်ကြီး ရုပ်ရှင်ပွဲတော်တခု ဖြစ်တဲ့ Toronto International Film Festival မှာ စက်တင်ဘာလ ၁၅ ရက်နေ့က ပြသခဲ့ပြီး Grolsch People's Choice Award ကိုလည်း ရရှိထားခဲ့တာ ဖြစ်ပါ တယ်။
2 years Ago
Up