စကားစစ်ထိုးပွဲ

June 27, 2019

ထရမ့်ကို စိန်ခေါ်မည့် ဒီမိုကရက်တစ် သမ္မတလောင်းများ စကားစစ်ထိုးပွဲ ဆင်နွှဲ

၂၀၂၀ အမေရိကန်သမ္မတ ရွေးကောက်ပွဲမှာ ရီပတ်ဘလစ်ကန်သမ္မတ ဒေါ်နယ်ထရမ့်ကို စိန်ခေါ်မယ့် ဒီမိုကရက်တစ် သမ္မတလောင်းတွေ ဇွန်လ ၂၆ ရက်နေ့က ပထမဆုံးအကြိမ် စကားစစ်ထိုးပွဲမှာ လူဝင်မှုကြီးကြပ်ရေးနဲ့ ပတ်သက်လို့ ဝေဖန်ခဲ့ကြပါတယ်။ ဒီ အကြိတ်အနယ် စကားစစ်ထိုးပွဲမှာ သမ္မတ ထရမ့်ကို သူတို့ ရင်ဆိုင်နိုင်စွမ်းရှိတာ ပြသဖို့ ဒီမိုကရက်တစ် သမ္မတလောင်း ၁၀ ဦး ကြိုးစား ယှဉ်ပြိုင်ကြပါတယ်။ မိုင်ယာမီမြို့မှာလုပ်တဲ့ စကားစစ်ထိုးပွဲမှာ အောက်လွှတ်တေ်ာအမတ်ဟောင်း ဘယ်တို အို ရော့ခ်ဟာ အိမ်ရာဝန်ကြီး ဂျူလီယန် ကတ်စ်ထရို၊ နယူးယောက်မြို့တော်ဝန် ဘီလ် ဒီဘလာစီယိုတို့နဲ့ မကြာခဏ စကားများခဲ့ပြီး အတော်လေး အဝေဖန်ခံရပါတယ်။ ရွှေ့ပြောင်းသူ ထိန်းသိမ်းရေးစခန်းတွေမှာ မိသားစုတွေကို ခွဲထားတဲ့ကိစ္စနဲ့ ပတ်သက်ပြီး ကတ်စ်ထရိုကနေ အိုရော့ခ်ကို ဝေဖန်ခဲ့တာပါ။ ကတ်စ်ထရိုက ရွှေ့ပြောင်းလာသူတွေနဲ့ နယ်စပ်မှာ ရာဇဝတ်မှု ပပျောက်အောင် လုပ်မယ်လို့ ပြောခဲ့ပါတယ်။ ကတ်စ်ထရိုက အိုရော့ခ်ကို ဝေဖန်ခဲ့ပြီး တခြားသူတွေက သူ့ကို ထောက်ခံခဲ့ပါတယ်။ ဒီမိုကရက်တစ် သမ္မတလောင်း ၁၀ ဦးစလုံးဟာ ထိပ်ဆုံးကပြေးနေတဲ့ ဒုသမ္မတဟောင်း ဂျိုးဘိုင်ဒင်နဲ့ အထက်လွှတ်တော်အမတ် ဆန်းဒါးစ်တို့ကြောင့် သမ္မတလောင်းပြိုင်ပွဲကနေ နုတ်ထွက်ရမယ့် အနေအထား ရှိနေပါတယ်။ ဂျိုးဘိုင်ဒင်နဲ့ ဆန်းဒါးစ်တို့ဟာ ဇွန်လ ၂၇ ရက်နေ့မှာ တခြားယှဉ်ပြိုင်သူ ၈ ယောက်နဲ့ စကားစစ်ထိုးပွဲ ဆင်နွှဲရမှာ ဖြစ်ပါတယ်။
3 years Ago

January 18, 2019

အကျင့်ပျက်ခြစားမှုနှင့်ပတ်သက်၍ အင်ဒိုသမ္မတလောင်းများ စကားစစ်ထိုးပွဲ ပြုလုပ်

အင်ဒိုနီးရှား သမ္မတလောင်းတွေဟာ အကျင့်ပျက်ခြစားမှုနဲ့ ရဲတပ်ဖွဲ့အပါအဝင် အကြောင်းအရာ အတော်များများနဲ့ ပတ်သက်ပြီး ပထမဆုံးအကြိမ် စကားစစ်ထိုးပွဲကို ဇန်နဝါရီ ၁၇ ရက်နေ့က ပြုလုပ်ခဲ့ပါတယ်။ ကမ္ဘာ့အကြီးဆုံး မွတ်ဆလင်နိုင်ငံကို ဦးဆောင်မယ့် သမ္မတလောင်းတွေရဲ့ စကားစစ်ထိုးပွဲဟာ ၂၀၁၄ သမ္မတရွေးကောက်ပွဲ နောက်တကျော့ပြိုင်ပွဲလည်း ဖြစ်ပါတယ်။ အဲဒီတုန်းက ဂျိုကိုဝီဒိုဒိုဟာ ပြိုင်ဘက် အငြိမ်းစားဗိုလ်ချုပ်ကြီးကို ပွတ်ကာသီကာ အနိုင်ရပြီး ပထမဆုံး အရပ်သားသမ္မတ ဖြစ်လာတာပါ။ အခု စကားစစ်ထိုးပွဲမှာ သမ္မတ ဂျိုကိုဝီဒိုဒိုနဲ့ ပြိုင်ဘက်သမ္မတလောင်း ပရာဘိုဝိုဆူဘီယန်တိုတို့ ယှဉ်ပြိုင်ကြပါတယ်။ ဝီဒိုဒိုက သူ့အစိုးရအဖွဲ့ဟာ အကောင်းမြင် သဘောထား ရှိတယ်လို့ ပြောပြီး ဆူဘီယန်တိုကတော့ လူဦးရေ သန်း ၂၅၀ ကျော် နိုင်ငံကို ဖွံ့ဖြိုးမှု နောက်ကျစေတဲ့ ဆင်းရဲမွဲတေမှုနဲ့ ဝင်ငွေမညီမှုတွေကို ထောက်ပြပြောဆိုပါတယ်။ အသက် ၆၇ နှစ်အရွယ် ဆူဘီယန်တိုဟာ အထူးတပ်ဖွဲ့ တပ်မှူးဟောင်းတဦးဖြစ်ပြီး အာဏာရှင် ဆူဟာတို ပြုတ်ကျခဲ့တဲ့ ၁၉၉၈ ခုနှစ် လူမှုရေးမတည်မငြိမ် ကာလတုန်းက ကျောင်းသား တက်ကြွလှုပ်ရှားသူတွေကို ပြန်ပေးဆွဲ ညှဉ်းပန်းခဲ့တယ်ဆိုပြီး စွပ်စွဲခံနေရပါတယ်။
3 years Ago
Up