ငွေဆောင်

April 14, 2021

ငွေဆောင်ကမ်းခြေတွင် မော်တော်ယာဉ်များ လမ်းပိတ်သည်အထိ စည်ကားနေ

အာဏာသိမ်းစစ်ကောင်စီ အကြမ်းဖက်အဖွဲ့ရဲ့ လက်ချက်နဲ့ ပြည်သူတွေ ၇၀၀ ကျော်သေဆုံးချိန် ငွေဆောင်ပင်လယ်ကမ်းခြေမှာတော့  ဧပြီ ၁၄ ရက် သင်္ကြန်အကျနေ့က လာရောက်သူတွေများတာကြောင့်  ညပိုင်း မော်တော်ယာဉ်တွေ လမ်းပိတ်တဲ့အထိ  စည်ကားနေပါတယ်။

မြန်မာနိုင်ငံအနှံ့မှာ ပြည်သူအများစုက တော်လှန်သင်္ကြန်ကို ဆင်နွှဲပြီး ရေသဘင်ပွဲတော် ဆင်နွှဲတာမရှိပေမဲ့ ငွေဆောင်ကမ်းခြေကို ကိုယ်ပိုင်မော်တော်ယာဉ်တွေ၊ ဆိုင်ကယ်တွေနဲ့ သင်္ကြန်ပွဲတော်ရက် လာရောက်အပန်းဖြေသူတွေနဲ့ များပြားနေတာပါ။

ဧရာဝတီတိုင်းထဲက ငွေဆောင်၊ ချောင်းသာကမ်းခြေတွေကို ကိုဗစ်-၁၉ ရောဂါကူးစက်ပျံ့ပွားမှု လျှော့ချနိုင်ရေးအတွက် ပိတ်ထားခဲ့တာ တစ်နှစ်ကျော်ကြာမြင့်ခဲ့ပြီး စစ်တပ်နဲ့ ပတ်သက်တဲ့  ဟိုတယ်တချို့က ပြန်လည်စတင်ဖွင့်လှစ်ခဲ့တာပါ။

ခရီးသွားလာရောက်မှုများပြားနေတာကြောင့် ကမ်းခြေမှာ ဒေသခံပိုင်တည်ခိုးခန်းတွေပါ ပြန်လည်ဖွင့်လှစ်ထားရပါတယ်။

1 week Ago

April 4, 2021

ချောင်းသာ၊ ငွေဆောင်၊ ရွှေသောင်ယံ ကမ်းခြေများတွင် ငါးဖမ်းမထွက်ရန်တားဖြစ်၊လက်နက်ကြီး ပစ်သံများ စတင်ကြားရ

ဧရာဝတီတိုင်း၊ ပုသိမ်မြို့နယ်အတွင်းက ကမ်းခြေတွေဖြစ်တဲ့ ချောင်းသာ ငွေဆောင်နဲ့ ရွှေသောင်ယံကမ်းခြေမှာ နေထိုင်တဲ့ ဒေသခံတွေ ပင်လယ်ပြင်ထွက်ငါးဖမ်းမထွက်ဖို့ တားမြစ်ထားတယ်လို့ ဒေသခံတွေဆီက သိရပါတယ်။

အကြမ်းဖက်စစ်အုပ်စုက ပင်လယ်မြင်မှာ ရေပေါ်ရေအောက် စစ်ရေးလေ့ကျင်တာတွေ ပြုလုပ်မှာမလို့ ပင်လယ်ပြင်ထွက်ပြီး ငါးရှာတဲ့ စက်လှေတွေကို ဧပြီလ ၄ ရက်ကနေ ၆ ရက်နေ့ထိ မထွက်ဖို့ ပြောထားတာလို့ ဒေသခံတွေက ပြောပါတယ်။

"လိုက်ပြီးတော့ပြောတာကတော့ ပင်လယ်ပြင်မထွက်ဖို့ ခုရက်ထဲ ဒီမှာက ရေလုပ်ငန်း လုပ်ကြတာများတော့ တစ်ယောက်နဲ့ တစ်ယောက်လည်းပြောရတာပေါ့ သိပ်မကြာဘူး။ ဒီမနက်ပဲ ပေါက်ကွဲတဲ့ အသံတွေ စကြားရတာပဲ” လို့ ရွှေသောင်ယံကမ်းခြေ ဒေသခံ ၁ ဦးက DVB ကို ပြောပါတယ်။

အကြမ်းဖက်စစ်အုပ်စုက ဆင်ဖြူရှင် စစ်ဆင်ရေးလေ့ကျင့်တာကို ဧပြီ ၄ ရက်နေ့ကနေ ဧပြီ ၁၁ ရက်နေ့အထိ ငွေဆောင်အနီး ၁၅ မိုင်ဧရိယာအတွင်း ဝေဟင်၊ ရေပြင်၊ ရေအောက် စစ်ဆင်မှုနဲ့ ပစ်ခတ်မှုလေ့ကျင့်ခန်းတွေ လုပ်ဆောင်သွားမယ်လို့ ဝါဒဖြန့်သတင်းစာမှာ ကြေညာထားပြီး ဒီနေ့မနက်ပိုင်းမှာ လက်နက်ကြီးပေါက်ကွဲသံ ၆ ခါလောက်ကြားရတယ်လို့ ဒေသခံတွေက ပြောဆိုပါတယ်။

နိုင်ငံရေးလေ့လာသုံးသပ်သူတွေကတော့ ဒါဟာ စစ်ရေးအရ ကြိုတင်ပြင်ဆင်တာမျိုးလည်း ဖြစ်နိုင်တယ်လို့ ပြောဆိုပါတယ်။

၂၀၂၀ ခုနှစ်အတွင်းက အကြမ်းဖက်စစ်အုပ်စုက ကြီး၊ ရေ၊ လေ ပူးပေါင်းစစ်ဆင်ရေးကို ရွှေသောင်ယံကမ်းခြေဒေသမှာလာရောက် ပြုလုပ်ခဲ့တာရှိတယ်လို့ ဒေသခံတွေက ပြောပါတယ်။

အမေရိကန်၊ ပြင်သစ်၊  ဩစတြေးလျ၊ ဂျပန်နဲ့ အိန္ဒိယရေတပ်တို့ ပူးပေါင်း ပါဝင်မယ့် ရေတပ်စစ်ဆင်ရေးလေ့ကျင့်မှုကို လာမယ့် ဧပြီ ၅ ရက်မှ ၇ ရက်အတွင်း ဘင်္ဂလားပင်လယ်အော်မှာ ပြုလုပ်မယ်လို့ အိန္ဒိယအစိုးရက သတင်းထုတ်ပြန်ထားပါတယ်။

3 weeks Ago
More News
Up