ငြိမ်းချမ်းရေးသဘောတူညီချက်

A d v e r t i s e m e n t With Us

November 2, 2020

ငြိမ်းချမ်းရေးသဘောတူညီချက် အကောင်အထည်ဖော်ရန် ဖားသူပုန်တပ်ဖွဲ့ဝင်ဟောင်းများ ချီတက်တောင်းဆို

ကိုလံဘီယာနိုင်ငံ မြို့တော်ဘိုကိုတာမှာ အလင်းဝင်ပြီးသား ဖားသူပုန် တပ်ဖွဲ့ဝင်ဟောင်းတွေ ရာချီပြီး နိုဝင်ဘာ ၁ ရက်က ချီတက်ကြပါတယ်။ ၂၀၁၆ ငြိမ်းချမ်းရေး သဘောတူညီချက်ကို အကောင်အထည်ဖော်ဖို့၊ လုံခြုံရေး အခြေအနေ ပိုကောင်းလာစေဖို့နဲ့ ဖားသူပုန်တပ်ဖွဲ့ဝင်ဟောင်းတွေကို သတ်ဖြတ်မှုတွေ အဆုံးသတ်ဖို့ တောင်းဆိုခဲ့ကြပါတယ်။ အလံဖြူတွေ၊ ကိုလံဘီယာ အလံတွေကို ဝှေ့ယမ်းရင်း သူပုန်ဟောင်းတွေဟာ ဘိုကိုတာကို ရောက်လာခဲ့ကြတာပါ။ ၂၀၁၆ ငြိမ်းချမ်းရေး သဘောတူညီချက်ကို လက်မှတ်ထိုးအပြီး ဖှားသူပုန် တပ်ဖွဲ့ဝင်ဟောင်းတွေ အသတ်ခံရတာ ၂၃၆ ယောက် ရှိပါပြီ။ ဒါဟာ ကိုလံဘီယာ ပြည်တွင်းစစ် နှစ် ၅၀ ကျော်အတွင်း အဖွဲ့ဝင် ၁၃,၀၀၀ ကျောေရှိတဲ့ ဖှားသူပုန်တပ်ဖွဲ့ ရဲ့ အခန်းကဏ္ဍ အဆုံးသတ်ရေး သဘောတူညီချက်ကို အကောင်အထည်ဖော်ဖို့ အကြီးစား အကျပ်အတည်းလည်း ဖြစ်နေပါတယ်။ ကုလသမဂ္ဂကလည်း ဒီအခြေအနေကို စိတ်ပူတယ်လို့ ဖော်ပြထားပါတယ်။ နှစ် ၅၀ ကျော်ကြာ ပြည်တွင်းစစ်အတွင်း လူပေါင်း ၂၆၀,၀၀၀ ကျော် သေဆုံးပြီး သန်းချီတဲ့လူတွေ အိုးအိမ်စွန့်ခွာ ထွက်ပြေးခဲ့ရပါတယ်။ သမ္မတ အီဗန်ဒူကေးရဲ့ အစိုးရကလည်း ငြိမ်းချမ်းရေးသဘောတူညီချက်ကို အကောင်အထည်ဖော်ဖို့ ကတိသစ္စာပြုထားပါတယ်။ ဖှားသူပုန်ဟောင်းတွေကို သတ်ဖြတ်မှုအတွက် ၂၀၁၆ သဘောတူညီချက်ကို ပယ်ချတဲ့ ဖှားဂိုဏ်းကွဲတွေနဲ့ မူးယစ်မှောင်ခိုလုပ်ငန်းတွေ တရားမဝင်သတ္တု တူးတာတွေ လုပ်နေတဲ့ တခြား တရားမဝင် လက်နက်ကိုင်အုပ်စုတွေကို အပြစ်တင်ထားပါတယ်။ ဖှားသူပုန် ထိပ်တန်းစစ်ဦးစီးမှူးဟောင်းနဲ့ ငြိမ်းချမ်းရေး ညှိနှိုင်းဆွေးနွေးသူ ပတ်စ်တာ အယ်လ်အဲ့ပ်ကတော့ သူပုန်ဟောင်းတွေကို သတ်သူဟာ စစ်ပွဲနဲ့ အကြမ်းဖက်မှုတွေကနေ အကျိုးအမြတ်ရနေတဲ့ သြဇာရှင်တွေလို့ အပြစ်တင်ပါတယ်။ အကြမ်းဖက်မှု သက်ရောက်နေတဲ့ ဒေသတွေမှာ စစ်တပ်တည်ရှိမှု လျှော့ချပြီး လူမှုရေး ရင်းနှီးမြှုပ်နှံမှု ပိုတိုးလုပ်ဖို့ကိုလည်း သူက အစိုးရကို ဆော်သြထားပါတယ်။
4 months Ago

March 12, 2020

အာဖဂန်ငြိမ်းချမ်းရေးသဘောတူညီချက်အရ တာလီဘန်အကျဉ်းသား ၁၅၀၀ ပြန်လွှတ်မည်

အာဖဂန်ငြိမ်းချမ်းရေးသဘောတူညီချက် တစိတ်တပိုင်းအနေနဲ့ တာလီဘန်အကျဉ်းသား ၁,၅၀၀ ကို လွှတ်ပေးဖို့ သမ္မတ အာရှက်ဖ်ဂါနီက မတ်လ ၁၁ ရက်မှာ ခွင့်ပြုလိုက်ပါတယ်။  အပြန်အလှန်အနေနဲ့ အစိုးရတပ်ဖွဲ့ဝင် ၁,၀၀၀ ကျော်ပြန်လွှတ်ဖို့လည်း တာလီဘန်တွေက သဘောတူထားပါတယ်။  အာဖဂန်က အမေရိကန်တပ်ဖွဲ့တွေ စတင်ရုပ်သိမ်းချိန်မှာ အခုလို အကျဉ်းသားလဲလှယ်တာလည်း ဖြစ်ပါတယ်။  သမ္မတ ဂါနီ လက်မှတ်ရေးထိုးခဲ့တဲ့ အမိန့်အရ တနေ့ကို တာလီဘန် အကျဉ်းသား အယောက် ၁၀၀ စီနဲ့ ၁၅ ရက်အတွင်း အကျဉ်းသားအယောက် ၁၅၀၀ ကို လွှတ်ပေးသွားမှာပါ။  အကျဉ်းသားလဲလှယ်တာနဲ့အတူ အာဖဂန်အစိုးရနဲ့ တာလီဘန်တွေအကြား ဆွေးနွေးပွဲတွေ လုပ်သွားမှာပါ။  တကယ်လို့ ဆွေးနွေးပွဲ အောင်မြင်ရင် သီတင်းနှစ်ပတ်တိုင်း နောက်ထပ် အကျဉ်း ၅၀၀ စီနဲ့ စုစုပေါင်းတာလီဘန်အကျဉ်းသား ၅၀၀၀ အထိ လွှတ်ပေးသွားမယ်လို့ ဘီဘီစီသတင်းမှာ ဖော်ပြပါတယ်။  အာဖဂန်သမ္မတ အာရှက်ဖ် ဂါနီဟာ မတ်လ ၉ ရက်က ဒုတိယသမ္မတသက်တမ်းအတွက် ကျမ်းသစ္စာဆိုခဲ့ပါတယ်။  
12 months Ago
Up