ရုရှားငြိမ်းချမ်းရေးတပ်ဖွဲ့ယာဉ်တန်းဟာ နိုဝင်ဘာလ ၁၃ ရက်က နာဂေါ်နိုခါရာဘတ်ဒေသက ရှူရှာမြို့ကို ရောက်ရှိပြီး အဇာဘိုင်ဂျန်တပ်ဖွဲ့တွေနဲ့ တွေ့ဆုံခဲ့ပါတယ်။
ရှူရှာမြို့ စစ်ဆေးရေးဂိတ်မှာ တူရကီနဲ့ အဇာဘိုင်ဂျန် အလံတွေကို မြင်တွေ့ရပြီး အဲဒီမြို့ဟာ တောင်ထိပ်ပေါ်မှာ တည်ရှိပါတယ်။
အဲဒီပေါ်ကနေ အာမေးနီးယန်းမျိုးနွယ်အစိုးရရဲ့ မြို့တော် စပါနာကတ်ကို စီးမိုးမြင်တွေ့နိုင်ပါတယ်။
ရိုက်တာသတင်းဌာနက ရိုက်ကူးထားတဲ့ ဗွီဒီယိုထဲမှာ တပ်ဖွဲ့ဝင်တွေကို တင်ဆောင်တဲ့ ယာဉ်တန်းနဲ့ ရုရှားအလံလွှင့်ယာဉ်တွေ မြို့ထဲဝင်လာတာ တွေ့ရပါတယ်။
ငြိမ်းချမ်းရေးထိန်းသိမ်းရေးယာဉ်တန်းကိုတော့ စပါနာကတ်မြို့အနီး တပ်ဖြန့်ထားတာကို တွေ့ရပါတယ်။
အပစ်အခတ်ရပ်စဲရေးကြောင့် နာဂေါ်နိုခါရာဘတ်ခ် ဒေသတွင်းနဲ့ ဝန်းကျင်မှာ စစ်ရေးလှုပ်ရှားတာတွေ ရပ်တန့်ခဲ့ပါတယ်။
အဲဒီသဘောတူညီချက်အရ ရုရှားငြိမ်းချမ်းရေးထိန်းသိမ်းရေးတပ်ဖွဲ့ဝင် ၂,၀၀၀ ကို တပ်ဖြန့်ထားတယ်လို့ ရိုက်တာသတင်းမှာ ဖော်ပြပါတယ်။
2 years Ago
