ငါးသိုင်းချောင်းမြို့

September 6, 2021

ငါးသိုင်းချောင်းမြို့ ပြန်ဆက်ရုံးရှေ့ ဗုံး ၂ လုံးပေါက်ကွဲ

ဧရာဝတီတိုင်း၊ ရေကြည်မြို့နယ်၊ ငါးသိုင်းချောင်းမြို့မှာ စက်တင်ဘာ ၅ ရက် ညပိုင်းက စစ်ကောင်စီ ပြန်ကြားရေးဌာနလက်အောက်ခံ ပြန်ဆက်ရုံး ရှေ့ ဗုံး ၂ လုံး ဆက်တိုက်ပေါက်ကွဲခဲ့ပါတယ်။

သရက်ကုန်းလမ်းထိပ်မှာရှိတဲ့ ပြန်ဆက်ရုံးရှေ့မှာ ည ၉ နာရီနဲ့ ၉ နာရီခွဲလောက်မှာ ဗုံး ၂ လုံး ၁၅ မိနစ်လောက်စီခြားပြီး ပေါက်ကွဲခဲ့တာဖြစ်တယ်လို့ ဒေသခံတွေက ပြောပါတယ်။

“ပေါက်တာကတော့ အသံတော်တော်ကျယ်တယ်။ မြေကြီးတွေပါ တုန်သွားတာ။ အပြင်မထွက်ရ အချိန်ဆိုတော့ နေရာသေချာမသိကြဘူး။ ဒီမနက်မှ နေရာသိရတာ”လို့ ပြောပါတယ်။

ဗုံးပေါက်ကွဲခဲ့တဲ့ ပြန်ဆက်ရုံးရှေ့ကို အကြမ်းဖက်စစ်ကောင်စီရဲ့ တပ်တွေက လမ်းပိတ်ဆို့ပြီး စစ်ဆေးတာတွေ ပြုလုပ်ခဲ့တယ်လို့ ဆိုပါတယ်။

ငါးသိုင်းချောင်းမြို့မှာ စစ်တပ်အာဏာသိမ်းပြီးနောက်ပိုင်း မေလပိုင်းက စတင်ကာ ပေါက်ကွဲမှုတွေ ဖြစ်ပွားခဲ့ပြီး စက်တင်ဘာ ၅ ရက်နေ့ထိ ဗုံးပေါက်ကွဲမှု ၁၀ ကြိမ်မကရှိခဲ့တယ်လို့ သိရပါတယ်။

11 months Ago

June 30, 2021

ငါးသိုင်းချောင်းမြို့တွင် ဗုံး ၅ လုံးခန့် ဆက်တိုက်ပေါက်ကွဲ

ဧရာဝတီတိုင်း၊ ရေကြည်မြို့နယ်၊ ငါးသိုင်းချောင်းမြို့မှာ ဇွန်လ ၂၉ ရက် ညပိုင်းက ဗုံး ၅ လုံးလောက်ဆက်တိုက်ပေါက်ကွဲခဲ့တယ်လို့ သိရပါတယ်။

ည ၈ နာရီခွဲလောက်ကစတင်ပြီး နေရာအနှံ့ ဗုံးပေါက်ကွဲခဲ့ပြီးနောက်ပိုင်း သေနတ်သံတွေပါ ကြားလာရတယ်လို့ ဒေသခံတွေက ပြောပါတယ်။

ဒေသခံတဦးက "ဗုံးက ဆက်တိုက်ပေါက်တာ ဘယ်နေရာတွေလည်းဆိုတာ မသိရဘူး။ နောက်ပိုင်း သေနတ်သံတွေပါ ကြားလာရတာ၊ ရဲတွေလည်း အပြင်မထွက်ရဲကြဘူး'' လို့ ဒီဗွီဘီကို ပြောပါတယ်။

ဗုံးပေါက်ကွဲတဲ့နေရာတွေကို အတည်ကျမသိရသေးသလို နယ်မြေခံ ရဲတွေလည်း အပြင်မထွက်ကြဘူးလို့ ဆိုပါတယ်။

ရဲစခန်းရှေ့ဖြတ်သွားတဲ့ ဆိုင်ကယ်ကိုတော့ စခန်းထဲကနေ သေနတ်နဲ့ ၃ ချက်လောက် လိုက်ပစ်တာမျိုးရှိတယ်လို့ သိရပါတယ်။

ငါးသိုင်းချောင်းမြို့မှာ စစ်တပ်အာဏာသိမ်းမှုအပြီး ဇွန်လဆန်းက စတင်ကာ စာသင်ကျောင်းရှေ့နဲ့ ဌာနဆိုင်ရာရုံးတွေရှေ့ဗုံးပေါက်ကွဲမှုတွေဖြစ်ပေါ်ခဲ့ပြီး ဒီကနေအထိဆိုရင် ၈ ကြိမ်လောက်ရှိပြီလို့ ဒေသခံတွေကပြောပါတယ်။

1 year Ago
More News
Up