တောင်ကိုရီးယား ရေပိုင်နက်ထဲကို နယ်စပ်ဖြတ်ကျော် ဝင်ရောက်လာတဲ့ မြောက်ကိုရီးယား ငါးဖမ်းသမား သုံးယောက်ကို နေရပ်ပြန်လွှတ်ပေးသွားမယ်လို့ တောင်ကိုရီးယား ပြန်လည်ပေါင်းစည်းရေး ဝန်ကြီးဌာန ပြောခွင့်ရ လီဆန်းမင်က ဇူလိုင် ၂၉ ရက်မှာ ပြောပါတယ်။ မြောက်ကိုရီးယား ငါးဖမ်းသင်္ဘောတွေဟာ တောင်ကိုရီးယား ရေပိုင်နက်ထဲကို မကြာခဏ ကျူးကျော်ဝင်ရောက်လာတာ ဒါမှမဟုတ် မတော်တဆ မျောပါလာတာတွေ ဖြစ်လေ့ရှိပါတယ်။ ဇူလိုင် ၂၇ ရက်က တောင်ကိုရီးယား ရေပိုင်နက်ထဲကို ရောက်လာတဲ့ မြောက်ကိုရီးယား ငါးဖမ်းသင်္ဘောဟာ ရွက်တိုင်မှာ အဖြူရောင်အဝတ်စ လွှင့်ထူထားတာကြောင့် အဲဒီသင်္ဘောတွေ ဆွဲခေါ်ခဲ့တယ်လို့ တောင်ကိုရီးယား အာဏာပိုင်တွေက ပြောပါတယ်။ အဖြူရောင်အဝတ်စ လွှင့်ထူထားတာဟာ ခိုလှုံခွင့်တောင်းခံတဲ့ သင်္ကေတ ဖြစ်နိုင်တယ်လို့ တောင်ကိုရီးယား အာဏာပိုင်တွေက ယူဆခဲ့ကြတာပါ။ ဒါပေမယ့် ငါးဖမ်းသင်္ဘောပေါ်မှာပါလာတဲ့ မြောက်ကိုရီးယားနိုင်ငံသား သုံးယောက်ကို စစ်ဆေးမေးမြန်းမှုအတွင်း သူတို့ဟာ တောင်ကိုရီးယား ရေပိုင်နက်ထဲကို မတော်တဆ မှားဝင်လာခဲ့တာဖြစ်ပြီး နေရပ်ပြန်ချင်တယ်လို့ ပြောခဲ့ကြပါတယ်။ ဒါ့ကြောင့် တောင်ကိုရီးယားအစိုးရ အနေနဲ့ ဒီကိစ္စကို မြောက်ကိုရီးယားဘက် အကြောင်းကြားထားပြီး အဲဒီသင်္ဘောသားသုံးယောက်ဟာ ဇူလိုင် ၂၉ ရက် နှောင်းပိုင်းလောက်မှာ မြောက်ကိုရီးယားကို ပြန်ကြမယ်လို့ တောင်ကိုရီးယား ပြန်လည်ပေါင်းစည်းရေး ဝန်ကြီးဌာနက ပြောပါတယ်။

တရားမဝင် ငါးဖမ်းမှုနဲ့ ဖမ်းဆီးထားသူ အများဆုံးပါတဲ့ အိန္ဒိယအကျဉ်းသား စုစုပေါင်း အယောက် ၃၆၀ ကို ပါကစ္စတန်နိုင်ငံက ပြန်လွှတ်ပေးလိုက်ပါတယ်။ ပါကစ္စတန်နိုင်ငံ ကရာချိမြို့ အန်ဒီ အကျဉ်းထောင်ကနေ လွန်ခဲ့တဲ့ သီတင်းသုံးပတ်အတွင်း အိန္ဒိယအကျဉ်းသား အယောက် ၃၀၀ ကို သုံးခါခွဲ လွှတ်ပေးခဲ့ပြီး ကျန်တဲ့ အယောက် ၆၀ ကို ဧပြီ ၂၈ ရက်နေ့က အပြီးသတ် လွှတ်ပေးခဲ့တာပါ။ ပါကစ္စတန်နိုင်ငံပိုင်နက် အာရေဗျပင်လယ် ရေပြင်အတွင်း တရားမဝင် ငါးဖမ်းသူတွေကို  အန်ဒီအကျဉ်းထောင်မှာ ထိန်းသိမ်းထားပါတယ်။ အိန္ဒိယနိုင်ငံသားတွေကို ပြန်လွှတ်ပေးဖို့ ပါကစ္စတန်က ပြီးခဲ့တဲ့လကတည်းက ကတိပြုခဲ့တာပါ။ ပြန်လွှတ်လိုက်သူ အားလုံးထဲမှာ ငါးယောက်က ပြည်ဝင်ခွင့် ဗီဇာသက်တမ်း ကျော်လွန် နေထိုင်ခဲ့လို့ အဖမ်းခံခဲ့ရတာဖြစ်ပြီး ပါကစ္စတန် လူမှုဖူလုံရေးအဖွဲ့ အက်ဒ်ဒီ ဖောင်ဒေးရှင်းရဲ့ (Edhi Foundation) အကြီးအကဲက ပြောပါတယ်။ ပါကစ္စတန်နဲ့ အိန္ဒိယရေတပ် အဖွဲ့အစည်းတွေဟာ တရားမဝင် ငါးဖမ်းတယ်လို့ စွပ်စွဲပြီး နှစ်နိုင်ငံက ငါးဖမ်းသမားတွေကို အပြန်အလှန် ဖမ်းလေ့ရှိကြပါတယ်။ အိန္ဒိယအစိုးရ ထိန်းချုပ်ထားတဲ့ ကက်ရ်ှမီးယားဒေသဘက် အခြမ်းမှာ အသေခံဗုံးခွဲမှုတခုကြောင့် အိန္ဒိယစစ်သား အယောက် ၄၀ ကျော် သေဆုံးပြီးနောက် နျူကလီးယားလက်နက် ပိုင်ဆိုင်ထားကြတဲ့ ပါကစ္စတန်နဲ့ အိန္ဒိယ အိမ်နီးချင်း နှစ်နိုင်ငံအကြား ဆက်ဆံရေး တင်းမာခဲ့ပါတယ်။