ငါန်းဇွန်

November 3, 2021

ငါန်းဇွန်တွင် တရက်တည်း Mytel တာဝါတိုင် ၃ ခု ဖျက်ဆီးခံခဲ့ရ

မြင်းခြံခရိုင် ငါန်းဇွန်မြို့နယ်က ကျေးရွာ ၃ ရွာမှာ စစ်ကောင်စီ စီးပွားရေးထောက်တိုင် Mytel တာဝါတိုင် ၃ တိုင် နိုဝင်ဘာ ၂ ရက်ညက ဖျက်ဆီးခံခဲ့ရတယ်လို့ မြို့ခံတွေဆီက သိရပါတယ်။

ငါန်းဇွန်မြို့နယ် ကျောက်တစ်လုံးရွာ၊ ကုလရွာနဲ့ လက်ပံကျင်းကျေးရွာတွေက Mytel တာဝါတိုင်တွေ ဗုံးခွဲ မီးရှို့ဖျက်ဆီးခံရတာလို့ ဆိုပါတယ်။

မြို့ခံတစ်ဦးက “ငါန်းဇွန်နယ်က တာဝါတိုင်တွေကို နိုဝင်ဘာ ၂ ရက်နေ့ကမှ အသစ်ဖွဲ့လိုက်တဲ့ Ngazun's HEROS အဖွဲ့က ဖောက်ခွဲ ဖျက်ဆီးခဲ့တာဗျ။ မနက်က အဖွဲ့အစည်းဖွဲ့တယ်လို့ သိရပြီး ညကျ မိုင်တဲ တိုင်တွေ ကိစ္စချောတာပါပဲ။ အတော် လက်သွက်တဲ့အဖွဲ့” လို့ ပြောပါတယ်။

ကျောက်တလုံးရွာက တာဝါတိုင်ကို နိုဝင်ဘာ ၂ ရက် ည ၉ နာရီနဲ့ လက်ပံကျင်းရွာက တာဝါတိုင်ကို ည ၁၁ ခွဲလောက်မှာ Ngazun's HEROS အဖွဲ့က ဖောက်ခွဲဖျက်ဆီးခဲ့တာလို့ ဆိုပါတယ်။

ကုလရွာက Mytel တာဝါတိုင်ကိုတော့ အောက်တိုဘာ ၂ ရက် ည ၁၀ နာရီခွဲမှာ Ngazun's HEROS နဲ့ ညီနောင်အဖွဲ့ GTR MMU တို့ ပူးပေါင်းဖျက်ဆီးခဲ့တာလို့ ထုတ်ပြန်ထားပါတယ်။

1 month Ago

October 4, 2021

ငါန်းဇွန်မြို့နယ်တွင် ကျောင်းဆရာလင်မယား ပစ်သတ်ခံရ

မန္တလေးတိုင်း၊ ငါန်းဇွန်မြို့နယ်၊ ဆင်ဖြူကုန်းရွာမှာ အောက်တိုဘာ ၃ ရက် မနေ့ည ၉ နာရီလောက်က ကျောင်းဆရာလင်မယား သေနတ်နဲ့ ပစ်သတ်ခံခဲ့ရပါတယ်။

ဆင်ဖြူကုန်းရွာမှာ နေထိုင်တဲ့ ကျောင်းဆရာ ဦးသီဟနဲ့ ကျောင်းဆရာမ ဒေါ်မြသန်းဌေးတို့ လင်မယားနေအိမ်မှာ ရှိနေအချိန် အမည်မသိလူတစ်စုက သေနတ်နဲ့ လာရောက်ပစ်ခတ်သွားတာလို့ဒေသခံက ပြောပါတယ်။

“သူတို့ က CDM မလုပ်ထားဘူး။ မလုပ်တဲ့အပြင် CDM သမားတွေကို စာရင်းလုပ်ပြီး ပို့တာတွေလည်း ရှိတယ်။ သတင်းပေးတာတွေ လုပ်နေသူတွေ” လို့ ငါန်းဇွန်မြို့နယ် နေထိုင်သူ တစ်ဦးက ပြောပါတယ်။

ပစ်ခတ်မှုကြောင့် ကျောင်းဆရာ ဦးသီဟ နေရာမှာတင် သေဆုံးသွားပြီး ကျောင်းဆရာမ ဒေါ်မြသန်းဌေးကတော့ ငါန်းဇွန်ဆေးရုံကနေတဆင့် မန္တလေးဆေးရုံကြီးကို တင်ပို့ထားရတယ်လို့ သိရပါတယ်။

အဆိုပါ ကျောင်းဆရာနဲ့ ဆရာမ လင်မယားကို ဘယ်အဖွဲ့က ပစ်သတ်သွားတယ်ဆိုတာ မသိရသေးပါဘူး။

2 months Ago
More News
Up