ငလျင်

December 5, 2022

အမေရိကန် ဆာမိုအာကျွန်းအနီး အင်အားပြင်း ငလျင်လှုပ်

အမေရိကန်ပိုင် ဆာမိုအာကျွန်းနဲ့ တွန်ဂါကျွန်းကြားမှာ ရစ်ချ်တာစကေး ပြင်းအား ၆ ဒသမ ၇ ရှိ အင်အားပြင်းငလျင် ဒီဇင်ဘာ ၄ ရက်က လှုပ်ခတ်ခဲ့ပါတယ်။

ပစိဖိတ် ဆူနာမီသတိပေးဌာန (PTWC) က ဆူနာမီသတိပေးချက်ကို ကနဦး ထုတ်ပြန်ခဲ့ပေမဲ့ အေဂျင်စီက ပြန်လည်ရုပ်သိမ်းခဲ့ပါတယ်။

ဒီငလျင်ဟာ အမေရိကန် ဆာမိုအာကျွန်းရှိ တာဖူနာကျေးရွာ တောင်ဘက်နဲ့ အနောက်တောင်ဘက်မှာရှိတဲ့ ပင်လယ်သမုဒ္ဒရာ အောက် ၁၆၇ ဒသမ ၃ မိုင်အကွာမှာ မြေငလျင်လှုပ်ခတ်မှု ဖြစ်ပွားခဲ့တာလို့ အမေရိကန် ဘူမိဗေဒဆိုင်ရာ စစ်တမ်းအရ သိရပါတယ်။

ငလျင်ဗဟိုချက်ကတော့ တွန်ဂါကျွန်းရှိ ဟိုင်ဟီဖိုကျေးရွာရဲ့ မြောက်ဘက်နဲ့ အရှေ့မြောက်ဘက် ၆၇ မိုင်အကွာမှာ ဖြစ်ပါတယ်။

ငလျင်ကြောင့် ထိခိုက်ဒဏ်ရာရရှိမှုနဲ့ ပျက်စီးဆုံးရှုံးမှု အခြေအနေတွေကိုတော့ ချက်ချင်း ထုတ်ပြန်ခြင်း မရှိသေးဘူးလို့ ဒေသခံမီဒီယာတွေက ဖော်ပြပါတယ်။

3 days Ago

November 23, 2022

အင်ဒိုနီးရှားငလျင်ကြောင့် ၂၆၈ ဦး သေဆုံး၊ ၁၅၀ ကျော်ပျောက်ဆုံး၊ နေအိမ် ၂၀,၀၀၀ ကျော် ပျက်စီး

အင်ဒိုနီးရှားနိုင်ငံအနောက်ပိုင်းမှာ တနင်္လာနေ့က လှုပ်ခတ်ခဲ့တဲ့ ငလျင်ကြောင့် သေဆုံးသူ ၂၆၈ ဦးအထိ ရှိလာခဲ့ပြီး ၁၅၁ ဦး ပျောက်ဆုံးနေဆဲဖြစ်ကြောင်း ဒေသဆိုင်ရာ တာဝန်ရှိသူက နိုဝင်ဘာ ၂၂ ရက်မှာ ပြောပါတယ်။

အနောက်ဂျာဗားပြည်နယ်မှာ တနင်္လာနေ့က ပြင်းအား ၅ ဒသမ ၆ အဆင့်ရှိ ငလျင်လှုပ်ခတ်ခဲ့တာကြောင့် လူပေါင်း ၁,၀၈၃ ဦး ဒဏ်ရာရခဲ့ပြီး တခြား ၅၈,၃၆၂ ဦး နေအိမ်မှ ထွက်ပြေးခဲ့ရကြောင်းနဲ့ ငလျင်ငယ်တွေ နောက်ဆက်တွဲလှုပ်ခတ်မှုကြောင့် အိမ်ခြေ ၂၂,၀၀၀ လောက် ပျက်စီးခဲ့ရကြောင်း အမျိုးသား သဘာဝဘေး စီမံခန့်ခွဲမှုအေဂျင်စီ အကြီးအကဲ ဆူဟာရ်ယန်တိုက ပြောကြားခဲ့ပါတယ်။

ငလျင်ဒဏ်သင့်သူတွေကို ရှာဖွေကယ်ဆယ်ရေး လုပ်ဆောင်နေဆဲဖြစ်ကြောင်း ဆူဟာရ်ယန်တိုက ပြောပါတယ်။

အင်္ဂါနေ့ အစောပိုင်းမှာ အင်ဒိုနီးရှားသမ္မတ ဂျိုကိုဝီဒိုဒိုဟာ လုပ်ငန်းဆောင်ရွက်မှုတွေကို ဦးစားပေးလုပ်ဆောင်ဖို့နဲ့ ဘေးဒဏ်သင့်သူတွေကို အရင်ကယ်ဆယ်ပေးဖို့ အာဏာပိုင်တွေကို တောင်းဆိုခဲ့ပါတယ်။

ငလျင်ဒဏ်ကြောင့် ပျက်စီးသွားရတဲ့ နေအိမ်တွေကို အစိုးရက ရူပီယာ ၁၀ သန်းကနေ သန်း ၅၀ အထိ လျော်ကြေးပေးမယ်လို့ သမ္မတက ပြောပါတယ်။

ဆောက်လုပ်မယ့် အိမ်အသစ်တွေဟာ ငလျင်လှုပ်တဲ့ဒဏ်ကို ခံနိုင်ရည်ရှိရမှာ ဖြစ်ကြောင်းလည်း ဝီဒိုဒိုက အလေးပေး ပြောကြားခဲ့ပါတယ်။

2 weeks Ago
More News
Up