ငလျင်ကြောင့် သေဆုံးသွားသည့် ကလေးငယ်များအတွက် စင်ကာပူ ၀မ်းနည်းခြင်းနေ့ သတ်မှတ်

June 24, 2015

မဖွယ်မရာပုံ အွန်လိုင်းတင်သည့် စင်ကာပူလူငယ်ကို စိတ်ရောဂါစစ်ရန် တရားရုံးဆုံးဖြတ်

စင်ကာပူနိုင်ငံမှာ ခရစ်ယာန်ဘာသာဝင်ကို ပုတ်ခတ်စော်ကားပြီး မဖွယ်မရာပုံတွေကို အင်တာနက်မှာ တင်ခဲ့လို့ အရေးယူခံရတဲ့ ဆယ်ကျော်သက်ကို စိတ်ရောဂါဆေးစစ်မှုခံယူဖို့ တရားရုံးက ဇွန် ၂၃ ရက်နေ့မှာ ဆုံးဖြတ်လိုက်ပါတယ်။ အသက် ၁၆ နှစ်အရွယ် အားမို့စ်ရီ (Amos Yee) ဟာ ပြီးခဲ့တဲ့ မတ်လက ကွယ်လွန်သွားပြီဖြစ်တဲ့ စင်ကာပူခေါင်းဆောင်ကြီး လီကွမ်ယုကို အင်တာနက်လူမှုကွန်ရက်မှာ ဝေဖန်ရှုတ်ချခဲ့သလို ခရစ်ယာန်ဘာသာဝင်တွေကို ပုတ်ခတ်ပြောဆိုခဲ့လို့ ဖမ်းဆီးခံရတာပါ။ “သူ့ကို စိတ်ရောဂါကုသဖို့ ဆေးရုံက ဆေးစစ်ချက်တောင်းထားပါတယ်။ စိတ်ရောဂါ ကုသဖို့ ဆေးစစ်ချက်အတွက် တရားရုံးက အချိန် ၂ ပတ်ပေးပါတယ်။ နောက်တခုက အားမို့စ်ကလည်း သူအင်တာနက်မှာ တင်ထားတဲ့ဟာတွေကိုလည်း ပြန်ရုပ်သိမ်းဖို့နဲ့ အဲ့ဒီပုံမျိုးတွေကို ထပ်မတင်တော့ဘူးလို့ ပြောထားတာလည်း ရှိပါတယ်။ ဒါကတော့ ကောင်းတဲ့ကိစ္စပါ” လို့ အားမို့စ်ရဲ့ ရှေ့နေဖြစ်သူ အဲဖရက် ဒေါ့ဝဲ (Alfred Dodwell) က ပြောပါတယ်။ အားမို့စ်ကတော့ ပြီးခဲ့တဲ့မေလ ၇ ရက်နေ့က သူ့ရဲ့ ပြစ်တင်ဝေဖန်မှုတွေကြောင့် ဖမ်းဆီးခံရပေမယ့် သူ့မှာ အပြစ်မရှိဘူးလို့ ပြောဆိုထားပါတယ်။ သူ ဖမ်းဆီးခံရတဲ့ကိစ္စဟာ စင်ကာပူနိုင်ငံရဲ့ လူမှုကွန်ရက်မီဒီယာ လွတ်လပ်ခွင့်နဲ့ ဆင်ဆာပိတ်ပင်မှုအပေါ် ဝေဖန်ထောက်ပြစရာဖြစ်ခဲ့ပါတယ်။ စင်ကာပူပြည်သူတွေအကြားမှာလည်း လွတ်လပ်စွာ ထုတ်ဖော်ပြောဆိုခွင့်နဲ့ လွတ်လပ်တဲ့ပညာရေးစနစ်တွေအပေါ်မှာလည်း မေးခွန်းထုတ်စရာဖြစ်ခဲ့တာပါ။ စင်ကာပူနိုင်ငံမှာ သူတပါးကို ထိခိုက်အောင်ပုတ်ခတ်ပြောဆိုမှုဟာ အမေရိကန်ဒေါ်လာ ၃၇၇၀ အထိ ဒဏ်ကြေးဆောင်ရနိုင်တဲ့ ပြစ်မှုတခုလည်းဖြစ်ပါတယ်။
6 years Ago

June 8, 2015

ငလျင်ကြောင့် သေဆုံးသွားသည့် ကလေးငယ်များအတွက် စင်ကာပူ ၀မ်းနည်းခြင်းနေ့ သတ်မှတ်

မလေးရှားငလျင်မှာ သေဆုံးသွားခဲ့ရတဲ့ ကလေးငယ်တွေအတွက် စင်ကာပူနဲ့ မလေးရှားနိုင်ငံ ဆာဘားပြည်နယ်တွေမှာ အောက်မေ့ဖွယ်နေ့အဖြစ် ဒီကနေ့ ဇွန်လ ၈ ရက်နေ့ကို သတ်မှတ် ကြေညာထားပါတယ်။ CNAပြီးခဲ့တဲ့ သောကြာနေ့က မလေးရှားနိုင်ငံ ဆာဘားပြည်နယ် ဘော်နီယိုကျွန်းမှာ  ပြင်းအား ရစ်ခ်ျတာစကေး ၆ ရှိ ငလျင်လှုပ်ခတ်ခဲ့မှုကြောင့် စင်ကာပူက လေ့လာရေးသွားတဲ့ မူလတန်းကျောင်းသား ကလေးငယ် ၆ ဦးဟာ ဆရာဖြစ်သူ၊ ဧည်လမ်းညွှန်ဖြစ်သူတို့နဲ့အတူ သေဆုံးသွားခဲ့ရတာပါ။ စင်ကာပူဝန်ကြီးချုပ် လီရှန်လွန်းက ကီနာဘာလူတောင် ငလျင်လှုပ်ခတ်မှုမှာ စင်ကာပူနိုင်ငံသား ၈ ဦး သေဆုံးသွားတဲ့အတွက် အလွန်ဝမ်းနည်းရပြီး သေဆုံးသွားသူတွေရဲ့ မိသားစုတွေအတွက် စာနာတဲ့အကြောင်း စင်ကာပူနိုင်ငံသားတွေကိုယ်စား ထုတ်ပြန်ကြေညာခဲ့ ပါတယ်။ ဒီကနေ့ ၀မ်းနည်းခြင်း အထိမ်းအမှတ် စင်ကာပူအလံကို ဆီးဂိမ်းပြိုင်ပွဲ ကျင်းပရာနေရာနဲ့ အစိုးရရုံး အဆောက်အဦတွေမှာ တိုင်တ၀က် လွှင့်ထူထားပါတယ်။
6 years Ago
Up