ငဖဲမြို့နယ်

A d v e r t i s e m e n t With Us

January 31, 2021

ငဖဲမြို့နယ်တွင် မီးကြွင်းမီးကျန်ကတဆင့် နေအိမ် ၃၈ လုံးနှင့်ဓမ္မာရုံ မီးလောင်ကျွမ်း

မကွေးတိုင်း ငဖဲမြို့နယ် လေးအိမ်စုကျေးရွာမှာ ဇန်နဝါရီ ၃၀ ရက်နေ့ မွန်းလွဲ တစ်နာရီခွဲလောက်က နေအိမ် ၃၈ လုံးနဲ့ ဓမ္မာရုံ ၁ လုံး မီးလောင်ကျွမ်းခဲ့တယ်လို့ တိုင်းဒေသကြီး ရဲတပ်ဖွဲ့က ပြောပါတယ်။

မင်းဘူးခရိုင် လေးအိမ်စုကျေးရွာမှာ မီးလောင်နေတယ်လို့ သတင်းရတာကြောင့် ငဖဲမြို့နယ် မီးသတ်ဦးစီးမှူး ဦးဆောင်တဲ့ မီးသတ်တပ်ဖွဲ့ဝင်တွေ၊ ဒေသခံပြည်သူတွေနဲ့ ငဖဲမြို့နယ်ရဲတပ်ဖွဲ့မှူးဦးစီးတဲ့ ရဲတပ်ဖွဲ့ဝင်တွေ ဝိုင်းဝန်းငြှိမ်းသတ်ခဲ့ကြပြီး ညနေ ၅ နာရီလောက်မှာ  မီးငြိမ်းသတ်နိုင်ခဲ့တယ်လို့ မကွေးတိုင်းဒေသကြီးရဲတပ်ဖွဲ့ ဒုရဲမှူးကျော်သန်းက ပြောပါတယ်။

အဲဒီ မီးလောင်တဲ့နေရာကို မီးသတ်ယာဥ် ၄ စီး အသုံးပြု ငြှိမ်းသတ်ခဲ့ပြီး မီးကြွင်းမီးကျန်ကနေတဆင့် နေအိမ် ၃၈ လုံး မီးလောင်ကျွမ်းခဲ့ကာ သိန်း ၄၀၀ ကျပ်ဖိုးလောက် ပျက်စီးဆုံးရှုံးခဲ့တယ်လို့ သိရပါတယ်။

ဖြစ်စဥ်နဲ့ပတ်သက်လို့ မီးကို ပေါ့ဆစွာ အသုံးပြုခဲ့တဲ့ လေးအိမ်ကျေးရွာက နေအိမ်ပိုင်ရှင် ဒေါ်ချိုကို ငဖဲမြို့မရဲစခန်းမှာ မီးပေါ့ဆမှု ရာဇသတ်ကြီးပုဒ်မ ၂၈၅ နဲ့ အမှုဖွင့်အရေးယူထားတယ်လို့ မကွေးတိုင်းဒေသကြီး ရဲတပ်ဖွဲ့ကနေ သိရပါတယ်။

သတင်း-မင်းထီး

4 weeks Ago

April 17, 2020

ငဖဲမြို့နယ်တွင် လူစုလူဝေးပြုလုပ်ခဲ့သည့် အိမ်ရှင် ၁ ဦးကို အမှုဖွင့်အရေးယူ

မကွေးတိုင်း၊ ငဖဲမြို့နယ်မှာ ဧပြီ ၁၆ ရက်နေ့က လူစုလူဝေးပြုလုပ်ခဲ့တဲ့ အိမ်ရှင် ၁ ဦးကို အမှုဖွင့်အရေးယူထားတယ်လို့ သိရပါတယ်။ ပဒါန်းကျေးရွာအတွင်းရှိ နေအိမ်တအိမ်မှာ လူဦးရေ ၁၁ ဦးလောက် လူစုလူဝေးပြုလုပ်နေတဲ့လို့ သတင်းရတဲ့အတွက် COVID-19 ရောဂါ ကာကွယ်နိုင်ဖို့ ကျေးရွာရာအိမ်မှူးက သွားရောက်တားမြစ်ရာမှာ မလိုက်နာတဲ့အတွက် အခုလို အမှုဖွင့်အရေးယူခဲ့တာလို့ ပဒါန်းကျေးရွာအုပ်ချုပ်ရေးမှူး ဦးမြတ်မင်းက ပြောပါတယ်။  “ကျေးရွာအုပ်ချုပ်ရေးအဖွဲ့နဲ့ လုံခြုံရေးတပ်ဖွဲ့ဝင်တွေက လူစုခွဲဖို့ ထပ်မံတားမြစ်ရာမှာ မချေမငံပြန်လည်ပြောဆိုခဲ့ပြီး မုန့်လုပ်စားပြီးရင် ပြန်မယ်လို့ ပြောပါတယ်။ အိမ်ထောင်စု စာရင်းအရ အဲဒီအိမ်မှာ မိသားစုဝင် သုံးဦးသာရှိပြီး ပြင်ပနေအိမ်တွေက ၈ ဦးလာရောက်နေတာဖြစ်လို့ လူစုခွဲဖို့ အကြိမ်ကြိမ်တားမြစ်ခဲ့ပေမဲ့ လိုက်နာမှုမရှိလို့ မြို့နယ်အုပ်ချုပ်ရေးမှူးကို တင်ပြပြီးအမှုဖွင့်ခဲ့တာပါ။”  ဖြစ်စဉ်နဲ့ ပတ်သက်ပြီး လူစုလူဝေးပြုလုပ်ခဲ့တဲ့ အိမ်ပိုင်ရှင်ဒေါ်လှကို ပဒါန်းနယ်မြေ ရဲစခန်းမှာ သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေနဲ့ အမှုဖွင့်အရေးယူထားတယ်လို့ သိရပါတယ်။ မကွေးတိုင်းအတွင်းမှာ COVID-19 ရောဂါ ကြိုတင်ကာကွယ်နိုင်အောင် လူစုလူဝေးပြုလုပ်ခဲ့တဲ့ အိမ်ရှင်ကို ပထမဦးဆုံး အမှုဖွင့်တာလို့ သိရပါတယ်။ သတင်း-မင်းထီး
10 months Ago
More News
Up