ငပုတော

November 11, 2021

ငပုတောမြိုနယ် မန်ကျည်းပင်ရွာ၌ နယ်ထိန်းတစ်ဦးက သေနတ်ဖြင့် ပစ်ခတ်

ငပုတောမြို့နယ် မန်ကျည်းပင်ကျေးရွာအတွင်း နိုဝင်ဘာ ၁၀ ရက် မနက်ပိုင်းက နယ်ထိန်းတစ်ဦး သေနတ်နဲ့ ပစ်ခတ်ခဲ့တယ်လို့ ဒေသခံတွေက ပြောပါတယ်။

မန်ကျည်းပင်ကျေးရွာအပြင်ဘက်က ကြံ့ခိုင်ရေးပါတီ ဆိုင်းဘုတ်ပျောက်သည်ဟုဆိုကာ နယ်ထိန်း ကောင်းမြတ်ဇော်ဝင်းက ဆဲဆိုကြိမ်းမောင်းပြီး ကျေးရွာအတွင်း ပစ်ခတ်ခဲ့တာလို့ သိရပါတယ်။

"ရွာအပြင်မှာရှိတဲ့ ကြံခိုင်ရေးဆိုင်းဘုတ်ပျောက်တယ်ဆိုပြီး ရွာထဲကို သေနတ်နဲ့ဝင်လာပြီး မိုးပေါ်ကိုထောင်ပစ်နေတာပါ။ အရက်ကလည်း မူးနေတယ်။ ဘယ်သူ့ကိုမှတော့ ထိမသွားပါဘူး။ ရွာသူ၊ ရွာသားတွေကတော့ စိုးရိမ်နေကြပါတယ်" လို့ မန်ကျည်းပင်​ကျေးရွာသားတစ်ဦးကပြော ပါတယ်။

နယ်ထိန်း​ကောင်းမြတ်​ဇော်မှာ မန်ကျည်းပင်ကျေးရွာ တဖက်ကမ်း သုံးခွကျေးရွာတွင်ရှိသော သုံးခွနယ် မြေရဲစခန်းမှ နယ်ထိန်းဖြစ်တယ်လို့ သိရပါတယ်။

ပစ်ခတ်မှုတွေ လုပ်ပြီး မိနစ်အနည်းငယ်တွင် သုံးခွနယ်မြေရဲစခန်းမှ စခန်းမှူးဆိုသူက နယ်ထိန်းကို ပြန်လည်ခေါ်ဆောင်သွားပါတယ်။

2 months Ago

June 16, 2021

ငပု​တောရဲစခန်းက ရဲဝန်ထမ်း ၂ ဦးနှင့် အချုပ်သား ၁ ဦး ကိုဗစ်-၁၉ ကူးစက်ခံရ

ဧရာဝတီတိုင်း၊ ငပု​တောမြို့နယ်မှာ  ဇွန်လ ၁၅ ရက်​နေ့ ကိုဗစ်-၁၉ စစ်ဆေးမှုအရ မြို့မရဲစခန်းမှ ရဲ၀န်ထမ်း၂ ယောက်နဲ့  အချုပ်သား ၁ ယောက်မှာ ကိုဗစ်-၁၉ ရောဂါပိုးတွေ့ရှိခဲ့ပါတယ်။ 

ကိုဗစ်ပိုး​တွေ့ရှိသူအားလုံးကို ငပု​တော​ဆေးရုံမှာ ​ဆေးကုသပေးထားပြီး သူတို့နဲ့ ထိစပ်သူတွေအားလုံးကိုလည်း ဆက်လက်စစ်​ဆေးသွားဖို့ လုပ်ဆောင်နေပါတယ်။

ငပု​တောမြို့နယ်မှာ ကိုဗစ် ဒုတိယလှိုင်း​ကာလက ဒေသခံပြည်သူတွေဟာ mask တပ် ၊ လက်ဆေး စတဲ့  ကိုဗစ်အသိပညာ​ပေး​ရေးလုပ်ငန်းတွေ အားကောင်းကောင်းနဲ့ လုပ်နိုင်ခဲ့တဲ့ မြို့နယ် ဖြစ်ပါတယ်။

ဧရာ၀တီတိုင်း​ဒေသကြီးမှာ  ဇန်နဝါရီ ၃၁ ရက်​အထိ ကိုဗစ်​-၁၉ ရောဂါနဲ့  ​သေဆုံးသူ အယောက်  ၆၀ အထိရှိခဲ့​တယ်လို့  တိုင်းကျန်းမာရေးဌာနရဲ့ စာရင်းအရ သိရပါတယ်။

7 months Ago
More News
Up