ဂွာတာနာမို

A d v e r t i s e m e n t With Us

January 17, 2017

ဂွာတာနာမို အကျဉ်းစခန်းတွင် ထိန်းသိမ်းခံရသူ ၁၀ ဦးကို နေထိုင်ခွင့်ပေးရန် အိုမန် သဘောတူ

ကျူးဘားနိုင်ငံမှာရှိတဲ့ အမေရိကန်ရဲ့ ဂွာတာနာမို စစ်အကျဉ်းစခန်းမှာ ထိန်းသိမ်းခံရသူ ၁၀ ဦးကို နေထိုင်ခွင့်ပေးဖို့ သဘောတူလိုက်တယ်လို့ အိုမန်နိုင်ငံခြားရေးဝန်ကြီးဌာနက ဇန်နဝါရီ ၁၆ ရက်နေ့မှာ ပြောဆိုပါတယ်။ အမေရိကန်အစိုးရက တောင်းဆိုခဲ့တာဖြစ်ပြီး အဲဒီအမျိုးသား ၁၀ ဦးကို စာနာမှုနဲ့ လက်ခံလိုက်တာလို့ အိုမန်နိုင်ငံခြားရေးဝန်ကြီးဌာန ကြေညာချက်မှာ ဖော်ပြပါရှိပါတယ်။ အဲဒီ ဂွာတာနာမို အကျဉ်းသားဟောင်း ၁၀ ဦးဟာ ဘယ်နိုင်ငံသားတွေဖြစ်တယ် ဆိုတာကိုတော့ ဖော်ပြမှုမရှိပေမယ့် သူတို့ကို အိုမန်မှာ ယာယီနေထိုင်ခွင့်ပေးမယ်လို့ ဆိုပါတယ်။ ဒီလွှဲပြောင်းမှုအစီအစဉ်ဟာ သမ္မတအိုဘားမား ရာထူးသက်တမ်း ကုန်ဆုံးခါနီးမှာ စီစဉ်ဖြစ်ခဲ့တာလည်း ဖြစ်ပါတယ်။ ၂၀၀၈ ခုနှစ် အမေရိကန်သမ္မတရွေးကောက်ပွဲ မဲဆွယ်ပွဲတွေမှာ ဒီ ဂွာတာနာမို အကျဉ်းစခန်းကို အပြီးပိတ်သိမ်းမယ်လို့ သမ္မတအိုဘားမားက ကတိပြု ပြောဆိုခဲ့တာပါ။ သူ့ရဲ့ ဒုတိယသက်တမ်းအတွင်း သူ မဲဆွယ်စည်းရုံးခဲ့သလို ဂွာတာနာမိုအကျဉ်းစခန်းကို မပိတ်နိုင်ခဲ့ပေမယ့် အကျဉ်းသားဦးရေကိုတော့ သိသိသာသာ လျှော့ချနိုင်ခဲ့ပါတယ်။ သူ စတင်တာဝန်ယူချိန်က ဂွာတာနာမိုအကျဉ်းသား ၂၄၂ ဦး ရှိခဲ့တာကနေ အခုတော့ အယောက် ၅၀ မပြည့်တော့ဘူးလို့ ဆိုပါတယ်။ အခုတက်လာမယ့် ရီပက်ဘလီကန် သမ္မတသစ် ဒေါ်နယ်ထရမ့်ကတော့ နောက်ထပ် ဂွာတာနာမိုအကျဉ်းသား ဘယ်သူ့ကိုမှ လွှတ်မပေးတော့ဖို့ တောင်းဆိုထားပါတယ်။
4 years Ago

February 24, 2016

ဂွာတာနာမို အကျဉ်းစခန်း ပိတ်သိမ်းရန်အဆို လွှတ်တော်သို့ အိုဘားမား တင်သွင်း

အမေရိကန်သမ္မတ အိုဘားမားက ကျူးဘားနိုင်ငံမှာရှိတဲ့ ဂွာတာနာမို အကျဉ်းစခန်း ပိတ်သိမ်းဖို့အဆို အမေရိကန်လွှတ်တော်ကို ဖေဖော်ဝါရီ ၂၃ ရက်နေ့က တင်သွင်းခဲ့ပါတယ်။ ဒီ ဂွာတာနာမို အကျဉ်းစခန်းကို ပိတ်ပစ်ဖို့ အစီအစဉ်ဟာ သမ္မတ အိုဘားမား တက်လာကတည်းက သူ့ရဲ့ အဓိကရည်မှန်းချက်တခုလည်း ဖြစ်ပါတယ်။ လက်ကျန်အကျဉ်းသား ၉၁ ဦးကို သူ့သက်ဆိုင်ရာနိုင်ငံတွေ ပြန်ပို့ရင်ပို့၊ မဟုတ်ရင်လည်း အမေရိကန်ပြည်ထောင်စုက အရပ်ဘက်၊ စစ်ဘက် အကျဉ်းထောင်တွေမှာ ပြောင်းရွှေ့ချင်တာပါ။ ဒါပေမယ့် အမေရိကန်လွှတ်တော်ကတော့ ဒီအကြမ်းဖက်လို့ သံသယရှိသူတွေကို အမေရိကန်ပြည်ထောင်စု မြေပေါ်ထဲကို ခေါ်သွင်းမှာ လုံးဝဆန့်ကျင်ကြပြီး အခုတင်သွင်းလိုက်တဲ့ အဆိုကိုလည်း ကန့်ကွက်မယ်လို့ မျှော်လင့်ရပါတယ်။ ဒီ ဂွာတာနာမို အကျဉ်းစခန်း တနှစ်ကုန်ကျစရိတ်ဟာ အမေရိကန်ဒေါ်လာ ၄၄၅ သန်းရှိပြီး အဲ့ဒီအကျဉ်းစခန်းကို ပိတ်ပစ်ဖို့ကိုလည်း ၂၀၀၉ ခုနှစ်ကတည်းက သမ္မတအိုဘားမား ကတိပေးလာတာ ဖြစ်ပါတယ်။ ၂၀၀၂ ခုနှစ်ကစပြီး အကျဉ်းသားစုစုပေါင်း ၇၈၀ ကို ထိန်းသိမ်းခဲ့တဲ့ အကျဉ်းစခန်းဖြစ်ပြီး လူ့အခွင့်အရေး လှုပ်ရှားသူတွေက အစဉ်တစိုက် ပြစ်တင်ဝေဖန်နေကြတာပါ။ ဒီအကျဉ်းစခန်းဟာ အမေရိကန်ပြည်ထောင်စုရဲ့ လုံခြုံရေးကို ထိခိုက်စေတယ်လို့ သမ္မတ အိုဘားမားက ဖေဖော်ဝါရီ ၂၃ ရက်နေ့မှာ သတင်းထောက်တွေကို ပြောဆိုပါတယ်။
5 years Ago
Up