ဂျော်ဂျင်ဟို

May 15, 2020

ချဲလ်ဆီးအသင်းက ဂျော်ဂျင်ဟိုကို ဂျုဗင်တပ်ထံရောင်းချပြီး ပီယာနစ်ကို ပြန်ကမ်းလှမ်းမည်

ချဲလ်ဆီးအသင်းဟာ ကွင်းလယ်လူ ဂျော်ဂျင်ဟိုကို ဂျူဗင်တပ်အသင်းဆီရောင်းချပြီး ပီယာနစ်ကို ပြန်လည်ခေါ်ယူဖို့ ကမ်းလှမ်းမယ်လို့ သိရပါတယ်။ စကိုင်းစပေါ့ အီတလီရဲ့ ဖော်ပြချက်အရ ဂျူဗင်တပ်နည်းပြ ဆာရီဟာ အသင်းဟောင်းချဲလ်ဆီးကွင်းလယ်လူ ဂျော်ဂျင်ဟိုကို ခေါ်ယူဖို့ ဆန္ဒရှိနေတာပါ။  နည်းပြ ဆာရီနဲ့ ဂျော်ဂျင်ဟိုတို့ဟာ နာပိုလီအသင်းမှာကတည်းက အတူ လက်တွဲခဲ့ကြသူတွေဖြစ်ပါတယ်။ ဘော့စနီးယားကွင်းလယ်လူ ပီယာနစ်ဟာ ဂျူဗင်တပ်အသင်းမှာ ခြေစွမ်းပြနေသူဖြစ်ပြီး ဘာစီလိုနာအသင်းကလည်း ခေါ်ယူလိုနေတယ်လို့ သိရပါတယ်။
11 months Ago

February 10, 2020

နွေရာသီတွင် ချဲလ်ဆီးအသင်းမှ ဂျော်ဂျင်ဟို ထွက်ခွာနိုင်

ကွင်းလယ်လူ ဂျော်ဂျင်ဟိုဟာ နွေရာသီအပြောင်းအရွှေ့မှာ ချဲလ်ဆီးအသင်းကနေ ထွက်ခွာသွားနိုင်တယ်လို့ အေးဂျင့်က ပြောပါတယ်။  ဒါပေမဲ့ ဒါဟာ ချဲလ်ဆီးအသင်းဘက်က သူ့ကို ရောင်းချလိုစိတ်ရှိမှာသာ အပြောင်းအရွှေ့ ပေါ်ပေါက်လာနိုင်မှာလို့လည်း သူက ဆက်လက်ပြောဆိုပါတယ်။  အသက် ၂၈ နှစ်အရွယ် အီတလီ လက်ရွေးစင် ကွင်းလယ်ကစားသမား ဂျော်ဂျင်ဟိုဟာ ချဲလ်ဆီးနည်းပြ လမ်းပတ်ရဲ့ လက်အောက်မှာ ပုံမှန်ပွဲထွက်ခွင့်ရရှိနေသူ ဖြစ်ပြီး ဒီရာသီမှာ ချဲလ်ဆီးအသင်းအတွက် ပြိုင်ပွဲစုံ ၃၂ ပွဲ ကစားခွင့် ရရှိထားပါတယ်။  ဒါပေမဲ့ ကစားသမားဟာ ဂျူဗင်တပ်စ်အသင်းနဲ့ ကျယ်ကျယ်လောင်လောင် သတင်းတွေ ထွက်ပေါ်နေပြီး ပြောင်းရွှေ့ဖြစ်ခဲ့တယ်ဆိုရင် သူဟာ ဆရာဟောင်း ဆာရီနဲ့ ကစားသမားဘဝတလျှောက် ၃ ကြိမ်မြောက် လက်တွဲခွင့်ရရှိမှာ ဖြစ်ပါတယ်။ ဒီအခြေအနေမှာ ကစားသမားရဲ့အေးဂျင့်က ဂျော်ဂျင်ဟိုဟာ ဂျူဗင်တပ်စ်အသင်းကို ပြောင်းရွှေ့နိုင်ခြေရှိနေပေမယ့် ချဲလ်ဆီးအသင်းက ရောင်းထုတ်ချင်စိတ်ရှိမှသာ အီတလီကို ပြန်သွားဖြစ်မယ်လို့ ပြောပါတယ်။ “အပြောင်းအရွှေ့ဈေးကွက်အတွင်းမှာ ဘာမဆို ဖြစ်သွားနိုင်ပါတယ်။ ကျနော်က ဂျူဗင်တပ်စ်အသင်း မပြောင်းဖြစ်ဘူးလို့ ပြောတာက ကစားသမားဟာ ချဲလ်ဆီးအသင်းနဲ့ စာချုပ် သုံးနှစ်ကျန်ရှိနေသေးလို့ ဖြစ်ပါတယ်။ ဒါ့ကြောင့် သူ့ရဲ့ဦးစားပေးကိစ္စက အသင်းမှာ ဆက်နေသွားဖို့ပါပဲ။ ဒါပေမဲ့ လာမယ့်ဇူလိုင်မှာ အသင်းကနေ ထွက်ခွာသွားဖို့ဆိုတာလည်း ဖြစ်နိုင်ပါတယ်” လို့ အေးဂျင့်  ဂျာအိုဆန်းတို့စ်က ပြောပါတယ်။  အီတလီ၊ ပြင်သစ်နဲ့ အင်္ဂလန်အသင်းတွေကနေ ရောက်လာမယ့် ကမ်းလှမ်းမှုတွေကို စဉ်းစားသွားမယ်လို့ ဆိုပါတယ်။ “ဂျူဗင်တပ်စ်ကို ပြောင်းရွှေ့ဖို့ဆိုတာလည်း မဖြစ်နိုင်စရာ မရှိပါဘူး။ သူတို့ဟာ အီတလီမှာ အရေးပါဆုံးအသင်းတသင်း ဖြစ်ပြီးတော့ ချန်ပီယံဆုကိုလည်း လောလောလတ်လတ် ဆွတ်ခူးထားပါတယ်။ ဒါ့ကြောင့် သူတို့က ကမ်းလှမ်းလာတယ်ဆိုရင် ငြင်းမှာ မဟုတ်ပါဘူး။ ဘာလို့လဲဆိုတော့ ဆာရီဟာ နာပိုလီနဲ့ ချဲလ်ဆီးအသင်းတို့မှာ ဂျော်ဂင်ဟိုနဲ့ လက်တွဲခဲ့ဖူးတဲ့ သူပါ။ ဂျော်ဂျင်ဟိုဟာ သူ့နည်းစနစ်မှာ အခြေခံကျဆုံး ကစားသမား ဖြစ်ပြီးတော့ ဒီနည်းစနစ် ဘယ်လို အလုပ်လုပ်တယ်ဆိုတဲ့ အကြောင်းကိုလည်း ကောင်းကောင်းကြီး နားလည်ထားပါတယ်။ ဒါ့ကြောင့်လည်း ဂျူဗင်တပ်စ်အသင်းနဲ့ ကောလာဟလတွေ ထွက်ပေါ်နေရတာ။”
1 year Ago
Up