ပရီးမီးယားလိဂ်ရဲ့ လုပ်ခအမြင့်ဆုံးကစားသမားစာရင်းမှာ မန်ယူအသင်းသားတွေက ဦးဆောင်ရပ်တည်နေပါတယ်။ 

ပြင်သစ်သတင်းဟာ L’Equipe ရဲ့ လေ့လာချက်အရ ပရီးမီးယားလိဂ်မှာကစားနေတဲ့ လုပ်ခအများဆုံး ကစားသမား ၅ ဦးထဲမှာ မန်ယူကစားသမား ၄ ဦးအထိ ပါဝင်နေပါတယ်။ 

လုပ်ခအများဆုံးကစားသမားက ယူနိုက်တက်တိုက်စစ်မှူး စီရော်နယ်ဒိုဖြစ်ပြီး တလကို ပေါင် ၂.၂ သန်း ရရှိနေပြီး တနှစ်ကို ပေါင် ၂၆.၄ သန်းရရှိပါတယ်။ ဒုတိယအများဆုံးက မန်စီးတီးကွင်းလယ်လူ ကီဗင်ဒီဘရိုင်း ဖြစ်ပြီး တလကို ပေါင် ၁.၇ သန်းရပြီး တနှစ်စာအတွက် ပေါင် ၂၀.၄ သန်းရရှိပါတယ်။ 

အဲဒီနောက်မှာ မန်ယူနိုက်တက်ကစားသမား ၃ ဦးဖြစ်တဲ့ ဂိုးသမား ဒီဂီယာ၊ ဂျေဒန်ဆန်ချိုနဲ့ ရာဖေးလ်ဗာရန်းတို့က အစဉ်လိုက်ရပ်တည်ပါတယ်။ 

မန်ယူအသင်းအနေနဲ့ အခုနှစ်ရာသီမှ ပြောင်းရွှေ့လာတဲ့ ကစားသမားသစ် ၃ ဦးကြောင့် လုပ်ခအမြင့်မားဆုံးကစားသမားတွေ ပိုပိုများပြာလားခဲ့တာပါ။

လုပ်ခအများဆုံးထိပ်ဆုံး ၁ဝ ဦးစာရင်းမှာ ချဲလ်ဆီးတိုက်စစ်မှူး လူကာကူနဲ့ ကွင်းလယ်လူ ကန်တေ၊ မန်စီးတီးက စတာလင်နဲ့ ဂျက်ဂရေးလစ်ရှ်၊ မန်ယူကွင်းလယ်လူ ပေါ့ဘာတို့လည်း ပါဝင်ခဲ့ပါတယ်။ 

ထိပ်ဆုံး ၁ဝ ဦး စာရင်းနောက်မှာတော့ ချဲလ်ဆီးတိုက်စစ်မှူး တီမိုဝါနာ၊ မန်စီးတီးနောက်ခံလူ ဂျွန်စတုန်းစ်၊ မန်ယူတိုက်စစ်မှူး ကာဗာနီ၊ လီဗာပူးနောက်ခံလူ ဗန်ဒိုက်၊ အာဆင်နယ်ကွင်းလယ်လူ ပါတေး အစရှိတဲ့ ကစားသမားတွေ ပါဝင်ခဲ့ပါတယ်။

မန်ယူနိုက်တက်ကစားသမား ဂျေဒန်ဆန်ချိုရဲ့ ခြေစွမ်းဟာ လက်ရွေးစင်အသင်းမပါဝင်သင့် ကြောင်း အင်္ဂလန်နည်းပြ ဆောက်ဂိတ်ကဝန်ခံ ပြောလိုက်ပါတယ်။

ဆန်ချိုဟာ ဒေါ့မွန်ကနေ မန်ယူအသင်းဆီ ပြောင်းရွှေ့လာပြီးနောက်ပိုင်း မှာခြေစွမ်းပြဖို့ရုန်းကန်နေရတာပါ။

ဒါပေမဲ့ အခုတစ်ပတ်မှာ ကစားကြမယ့် နိုင်ငံတကာပွဲစဉ်တွေအတွက် အင်္ဂလန်အသင်းလူစာရင်းထုတ်ပြန်ရာမှာတော့ နည်းပြ ဆောက်ဂိတ်က ဆန်ချိုကို ဆက်ပြီးရွေးချယ်ခဲ့တာဖြစ်ပါတယ်။

"သူပြသခဲ့တဲ့ခြေစွမ်းအရ ရွေးချယ်ခံရဖို့ ထိုက်တန်သလားဆိုရင်တော့ ဟုတ်ပါတယ်။ မထိုက်တန်ဘူးဆိုတာဖြစ်နိုင်ပါတယ်။ ဒါပေမဲ့ ကျနော်တို့ဟာသူ့ကို အချိန်အတော်များများပေးပြီး ပြုစုပျိုးထောင်လာခဲ့တာပါ။ သူ့အနေနဲ့ အမြင့်မားဆုံးခြေစွမ်းကို ပြန်ရလိမ့်မယ်လို့ ယုံကြည်တယ်” လို့ နည်းပြဆောက်ဂိတ်က ပြောခဲ့တာပါ။

ဆန်ချိုအတွက်လည်း အသင်းက သူ့ကိုယုံကြည်မှုရှိနေဆဲဆိုတာကို ပြသတာဖြစ်ပြီး အကောင်းဆုံး ဖြေရှင်းမှုတစ်ခုလုပ်ဆောင်ခဲ့တာဖြစ်တယ်လို့ ဆောက်ဂိတ်ကပြောပါတယ်။

ဆောက်ဂိတ်ဟာ ယူနိုက်တက်မှာ ခြေစွမ်းပြခဲ့တဲ့ လူငယ်တိုက်စစ်မှူး ဂရင်းဝုဒ်ကို ချန်လှပ်ခဲ့သလို ဒေါ့မွန်ကွင်းလယ်လူ ဘယ်လင်ဂမ်ကိုလည်း အနားပေးခဲ့ပါတယ်။