ဂျေဒန်ဆန်ချို

A d v e r t i s e m e n t With Us

October 16, 2020

ဒေါ့မွန်အသင်း ဆန်ချိုကို ရောင်းချရန် မရှိသေး

ဒေါ့မွန်အသင်းဟာ လာမယ့်ဇန်နဝါရီ အပြောင်းအရွှေ့မှာလည်း ဂျေဒန်ဆန်ချိုကို ရောင်းချဖို့ အတွက် အစီအစဉ် မရှိသေးဘူးလို့ သိရပါတယ်။  အင်္ဂလန်တောင်ပံ တိုက်စစ်မှူး ဆန်ချိုကို မန်ယူအသင်းဟာ နွေရာသီအပြောင်းအရွှေ့ကာလ တလျှောက်လုံး ခေါ်ယူဖို့ ကြိုးပမ်းခဲ့ပေမဲ့ ဒေါ့မွန်အသင်းလိုချင်တဲ့ ပေါင် ၁၀၈ သန်းကို လက်ငင်း ပေးချေခြင်း မရှိတာကြောင့် အဆင်မပြေဖြစ်ခဲ့တယ်လို့ သိရပါတယ်။  ဂျာမန်သတင်း Sport Bild ရဲ့ ဖော်ပြချက်အရ ဒေါ့မွန်အသင်းဟာ လာမယ့်ဇန်နဝါရီ အပြောင်းအရွှေ့မှာလည်း မန်ယူအသင်းနဲ့ ဆွေးနွေးညှိနိူင်းဖို့ မရှိဘဲ ဆန်ချိုကို ဆက်ထိန်းဖို့ လုပ်ဆောင်မယ်လို့ ဆိုပါတယ်။  မန်ယူအသင်းဟာ ဆန်ချိုကိုခေါ်ယူနိုင်ခြင်း မရှိခဲ့ပေမဲ့ အေဂျက်ဇ်ကွင်းလယ်လူ ဗန်ဒီဘိခ်ကို ပေါင်သန်း ၄၀ နဲ့ ခေါ်ယူခဲ့ပြီး ကာဗာနီ၊ အဲလက်စ်တဲလက်စ်နဲ့ အခြားလူငယ်ကစားသမား ၂ ဦးကို လည်း ခေါ်ယူနိုင်ခဲ့ပါတယ်။ 
3 months Ago

August 23, 2020

အပြောင်းအရွှေ့သတင်းအပေါ် မျောပါမသွားရန် အရေးကြီးဟု ဂျေဒန်ဆန်ချိုပြော

မန်ယူအသင်းနဲ့ အပြောင်းအရွှေ့သတင်းတွေ အများကြီးထွက်ပေါ်နေပေမယ့် ဘောလုံးအပေါ်မှာပဲ အာရုံစိုက်နိုင်ဖို့ အရေးကြီးတယ်လို့ ဂျေဒန်ဆန်ချိုက ပြောလိုက်ပါတယ်။  ဒေါ့မွန်တောင်ပံကစားသမား ဆန်ချိုကို မန်ယူနိုက်တက်အသင်းကခေါ်ယူလိုနေပြီး  အပြောင်းအရွှေ့သတင်းတွေ တောက်လျှောက်ထွက်ပေါ်‌ေခဲ့တာပါ။  အဲဒီအပြောင်းအရွှေ့သတင်းတွေအပေါ်မှာ ဆန်ချိုက ပထမဆုံးအကြိမ် ထုတ်ဖော်ပြောပြခဲ့ပြီး မီဒီယာတွေပေါ်က သတင်းတွေကို ဂရုမစိုက်မိအောင် ကြိုးစားတယ်လို့ ဆန်ချိုကပြောပါတယ်။  မီဒီယာတွေက အပြောင်းအရွှေ့သတင်းတွေကိုသာ စောင့်ကြည့်နေမယ်ဆိုရင် မျောပါသွားနိုင်ပြီး ဘောလုံးအပေါ်မှာ အာရုံစိုက်နိုင်ဖို့ မလွယ်ကြောင်း ဆန်ချိုက ပြောပါတယ်။  လေ့ကျင့်ရေးကွင်းနဲ့ ပွဲစဉ်တွေမှာ အကောင်းဆုံးစွမ်း ဆောင်ရည်ပြသနိုင်ဖို့သာ အာရုံစိုက်ထားပြီး အမြဲတမ်းပြုံးပျော်နေတာကို ဆက်ထိန်းထားနိုင်ဖို့ အရေးကြီးတယ်လို့ ဆန်ချိုက ပြောကြားခဲ့ပါတယ်။ 
5 months Ago
More News
Up