ဂျူဗင်တပ်စ်အသင်းဟာ မန်ယူကွင်းလယ်လူ ပေါ့ဘာကို ခေါ်ယူနိုင်ဖို့အတွက် ကစားသမား အလိုက်ပေးပြီး ကမ်းလှမ်းဖို့ရှိနေတယ်လို့ သိရပါတယ်။
အီတလီသတင်းစာရဲ့ ဖော်ပြချက်အရ ဂျူဗင်တပ်စ်အသင်းဟာ ပေါ့ဘာကို ပြန်လည်ခေါ်ယူဖို့အတွက် တိုက်စစ်မှူး ဒီဘားလား သို့မဟုတ် ကွင်းလယ်လူ ပီယာနစ်တို့ထဲက တဦးနဲ့ အလိုက်ပေး ကမ်းလှမ်းဖို့ ရှိနေတယ်လို့ ဆိုပါတယ်။
ကစားသမားတဦး အလိုက်ပေးမယ့်အပြင် ငွေသားအဖြစ် ပေါင်သန်း ၅၀ သို့မဟုတ် ၆၀ ခန့်ကိုလည်း ပေးချေပြီး ကမ်းလှမ်းမယ်လို့ ဆိုပါတယ်။
ပေါ့ဘာဟာ ၂၀၁၆ ခုနှစ်က ဂျူဗင်တပ်စ်အသင်းကနေ ပေါင် ၈၉ သန်းနဲ့ ပြောင်းရွှေ့ခဲ့သူ ဖြစ်ပါတယ်။
လက်ရှိအချိန်မှာတော့ ယူနိုက်တက်အသင်းမှာ ဒဏ်ရာပြဿနာတွေနဲ့ ရုန်းကန်နေရလို့ အမှန်တကယ် ကမ်းလှမ်းမယ်ဆိုရင်တော့ မန်ယူအသင်းက လက်ခံစဉ်းစားဖို့ ရှိနေပါတယ်။
11 months Ago
