ဂျူဗင်တပ်စ်အသင်း

A d v e r t i s e m e n t With Us

April 5, 2020

ပေါ့ဘာအား ဂျူဗင်တပ်စ်အသင်းထံ ရောင်းချပြီး ဒီလစ်ကိုပြန်ခေါ်ရန် မန်ယူအသင်းဆန္ဒရှိ

မန်ချက်စတာယူနိုက်တက်အသင်းဟာ ပေါ့ဘာကို ဂျူဗင်တပ်စ်အသင်းဆီ ရောင်းချပြီး နောက်ခံလူ ဒီလစ်ကို ပြန်လည်ခေါ်ယူဖို့ စိတ်ဝင်စားနေတယ်လို့ သတင်းထွက်ပေါ်နေပါတယ်။  ဗြိတိန်သတင်းစာ  The Sun ရဲ့ ဖော်ပြချက်အရ ပေါ့ဘာနဲ့ ဒီလစ်ကို အလဲအထပ်သဘောနဲ့ လဲလှယ်သွားဖို့ မန်ယူအသင်းက ဆန္ဒရှိနေတယ်လို့ သိရပါတယ်။ အသက် ၂၀ သာရှိသေးတဲ့ ဗဟိုနောက်ခံလူ ဒီလစ်ဟာ ပြီးခဲ့တဲ့ရာသီကမှ ဟော်လန်ကလပ် အေဂျက်ဇ်ကနေ ဂျူဗင်တပ်စ်အသင်းဆီကို ပေါင် ၆၇ ဒသမ ၈ သန်းနဲ့ ပြောင်းရွှေ့လာတာပါ။  ပေါ့ဘာရဲ့ စာချုပ်သက်တမ်းဟာလည်း တနှစ်သာ ကျန်ရှိတော့တာကြောင့် ဂျူဗင်တပ်စ်အသင်းဆီ ရောင်းချပြီး ဒီလစ်ကို ပြန်ခေါ်ဖို့ မန်ယူအသင်းက စိတ်ဝင်စားလာတာ ဖြစ်ပါတယ်။  ပေါ့ဘာကိုလည်း အသင်းဟောင်း ဂျူဗင်တပ်စ်အသင်းက ပြန်လည်ခေါ်ယူလိုနေတာပါ။  ပေါ့ဘာဟာ ဂျူဗင်တပ်စ်အသင်းမှာ ၄ နှစ်ကြာ ကစားခဲ့ပြီး လိဂ်ချန်ပီယံဆုဖလားကို ၄ နှစ်လုံး ရယူနိုင်ခဲ့ပါတယ်။
11 months Ago

March 29, 2020

ဂျူဗင်တပ်စ်အသင်း ပေါ့ဘာအား ခေါ်ယူရန် ဒီဘားလားကို အလိုက်ပေး ကမ်းလှမ်းမည်

ဂျူဗင်တပ်စ်အသင်းဟာ မန်ယူကွင်းလယ်လူ ပေါ့ဘာကို ခေါ်ယူနိုင်ဖို့အတွက် ကစားသမား အလိုက်ပေးပြီး ကမ်းလှမ်းဖို့ရှိနေတယ်လို့ သိရပါတယ်။  အီတလီသတင်းစာရဲ့ ဖော်ပြချက်အရ ဂျူဗင်တပ်စ်အသင်းဟာ ပေါ့ဘာကို ပြန်လည်ခေါ်ယူဖို့အတွက် တိုက်စစ်မှူး ဒီဘားလား သို့မဟုတ် ကွင်းလယ်လူ ပီယာနစ်တို့ထဲက တဦးနဲ့ အလိုက်ပေး ကမ်းလှမ်းဖို့ ရှိနေတယ်လို့ ဆိုပါတယ်။  ကစားသမားတဦး အလိုက်ပေးမယ့်အပြင် ငွေသားအဖြစ် ပေါင်သန်း ၅၀ သို့မဟုတ် ၆၀ ခန့်ကိုလည်း ပေးချေပြီး ကမ်းလှမ်းမယ်လို့ ဆိုပါတယ်။  ပေါ့ဘာဟာ ၂၀၁၆ ခုနှစ်က ဂျူဗင်တပ်စ်အသင်းကနေ ပေါင် ၈၉ သန်းနဲ့ ပြောင်းရွှေ့ခဲ့သူ ဖြစ်ပါတယ်။  လက်ရှိအချိန်မှာတော့ ယူနိုက်တက်အသင်းမှာ ဒဏ်ရာပြဿနာတွေနဲ့ ရုန်းကန်နေရလို့ အမှန်တကယ် ကမ်းလှမ်းမယ်ဆိုရင်တော့ မန်ယူအသင်းက လက်ခံစဉ်းစားဖို့ ရှိနေပါတယ်။
11 months Ago
More News
Up