ဂျိုကိုဗစ်

A d v e r t i s e m e n t With Us

November 17, 2020

ATP အဖွင့်ပွဲစဉ်တွင် ကမ္ဘာ့နံပါတ်တစ် တင်းနစ်သမား ဂျိုကိုဗစ် နိုင်ပွဲရ

ATP တင်းနစ်ပြိုင်ပွဲ အဖွင့်ပွဲမှာ ကမ္ဘာ့နံပါတ်တစ် တင်းနစ်သမား ဂျိုကိုဗစ်က အာဂျင်တီးနားက ရှဝက်ဇ်မန်းကို ၂ ပွဲပြတ်နဲ့ အနိုင်ရခဲ့ပါတယ်။ မနေ့က လန်ဒန်မြို့က အိုတူးအရီနာမှာ ကစားခဲ့တဲ့ ဒီပွဲဟာ ကမ္ဘာ့အဆင့် ၉ ရှဝက်ဖ်မန်းရဲ့ ATP ပထမဆုံးပွဲစဉ်ဖြစ်ပြီး နာမည်ကြီး ဂျိုကိုဗစ်ကို မယှဉ်နိုင်ခဲ့ပါဘူး။ ဂျိုကိုဗစ်နဲ့ ၆ ကြိမ်တွေ့ဆုံမှုမှာ ပွဲတိုင်း ရှုံးနိမ့်ခဲ့ရတဲ့ ရှက်ဝက်ဇ်မန်းဟာ ဒီပွဲမှာလည်း ၃-၆ ၂-၆ နဲ့ ရှုံးနိမ့်ခဲ့ပါတယ်။ ပရိသတ် ၁၈,၀၀၀ ဆံ့ အိုတူးအရီနာကွင်းမှာ ကိုဗစ်-၁၉ ကာကွယ်ရေးအတွက် လော့ဒေါင်းချထားလို့ ပရိသတ်မပါဘဲ ကစားခဲ့ရတာပါ။  အခြားပွဲစဉ်မှာတော့ ၂၀၁၈ ခုနှစ် ချန်ပီယံ ဇီဗာရက်ဗ်က ရုရှားက မက်ဒ်ဗီဒက်ဗ်ကို အနိုင်ရခဲ့ပါတယ်။
3 months Ago

November 15, 2020

လန်ဒန် ATP ပြိုင်ပွဲတွင် ချန်ပီယံဖြစ်ရန် ဂျိုကိုဗစ်နှင့် နဒါးလ်တို့ မျှော်မှန်း

ATP ပြိုင်ပွဲမှာ ချန်ပီယံဖြစ်အောင် ကြိုးပမ်းပြီး ၂၀၂၀ ကို နှုတ်ဆက်ဖို့ ဂျိုကိုဗစ်နဲ့ ရာဖေးလ်နဒါးလ်တို့က မျှော်မှန်းထားပါတယ်။ ATP တင်းနစ်ပြိုင်ပွဲကို နိုဝင်ဘာ ၁၅ ရက်ကနေ ၂၂ ရက်အထိ လန်ဒန်မှာ ကျင်းပသွားမှာ ဖြစ်ပါတယ်။  အုပ်စု ၂ ခု ခွဲခြားထားပြီး ဂျိုကိုဗစ်နဲ့ နဒါးလ်တို့က အုပ်စုတစ်ခုချင်းစီမှာ ပါဝင်တာပါ။  ဂျိူကိုဗစ်က ရုရှားက မက်ဒ်ဗီဒက်၊ ဂျာမနီက ဇီဗာရက်ဗ်၊ အာဂျင်တီးနားက ရှဝက်ဖ်မန်းတို့နဲ့ တအုပ်စုတည်း တွေ့ဆုံပါတယ်။ နဒါးလ်က သြစတြီးယားက ဒိုမင်နစ်သိမ်၊ ဂရိက စတီဖန်နော့စ်၊ ရုရှားက အန်ဒရေရက်လက်ဗ် တို့နဲ့ တွေ့ဆုံနေပါတယ်။  အခုနှစ်က တခြားနှစ်တွေနဲ့မတူညီဘဲ ပွဲမကစားခဲ့ရတဲ့အချိန် ၅ လ ၆ လခန့်ရှိခဲ့ပေမယ့် နှစ်စပိုင်းနဲ့ ပြီးခဲ့တဲ့ ၃ လအတွင်းမှာ ပွဲအနည်းငယ်ရှိခဲ့တယ်လို့ ဂျိုကိုဗစ်က ပြောပါတယ်။  နဒါးလ်ကတော့ ပဲရစ်မှာ အကောင်းဆုံးလေ့ကျင့်နိုင်ခဲ့တာကြောင့် ATP နောက်ဆုံးအဆင့် ပွဲတွေအတွက် စိတ်လှုပ်ရှားမိပြီး ချန်ပီယံဖြစ်အောင် ကြိုးစားသွားမယ်လို့ ပြောပါတယ်။  အခုနှစ် ATP ပြိုင်ပွဲ ကျင်းပမယ့် လန်ဒန်မှာ ယူကေအစိုးရက လော့ဒေါင်းကာလ သတ်မှတ်ထားလို့ ပရိသတ်တွေတော့ ဝင်ရောက်ကြည့်ရှုခွင့်ရမှာ မဟုတ်ဘူးလို့ သိရပါတယ်။
4 months Ago
More News
Up