ဂျရူး

November 17, 2020

ချဲလ်ဆီးတွင် နေရာပျောက်နေသည့် ဂျရူးကို ပြင်သစ်နည်းပြ ဒက်ချမ့် သတိပေး

ပြင်သစ်လက်ရွေးစင် တိုက်စစ်မှူး ဂျရူးအနေနဲ့ ချဲလ်ဆီးမှာ ပွဲထွက်ခွင့်မရတဲ့အခြေအနေကို ဖြေရှင်းနိုင်ဖို့ လိုတယ်လို့ ပြင်သစ်နည်းပြ ဒက်ချမ့်က သတိပေးလိုက်ပါတယ်။ အိုလီဗီယာဂျရူးဟာ ချဲလ်ဆီးအသင်းမှာ တီမိုဝါနာနဲ့ အေဗရာဟမ်တို့ရဲ့နောက် တတိယ ဦးစားပေး တိုက်စစ်မှူးအဖြစ် သတ်မှတ်ခံထားရပြီး ပွဲကစားခွင့် နည်းပါးနေတာ ဖြစ်ပါတယ်။  ဂျရူးရဲ့ အခြေအနေနဲ့ပတ်သတ်လို့ အကြံဉာဏ်ပေးတာမျိုးလုပ်မှာ မဟုတ်ပေမယ့် ထင်မြင်ချက်တစ်ခုတော့ ပေးနိုင်ပြီး ကစားသမားကိုယ်တိုင်က ဆုံးဖြတ်ချက်ချရမှာ ဖြစ်တယ်လို့ နည်းပြ ဒက်ချမ့်က ပြောပါတယ်။ လက်ရှိအခြေအနေဟာ ဂျရူးအတွက် ကောင်းမွန်တဲ့အခြေအနေတော့ မဟုတ်ဘဲ ဒီအတိုင်း ဆက်ဖြစ်မလား၊ ပိုကောင်းလာမလားဆိုတာ  ကစားသမားကိုယ်တိုင်ကပဲ အဖြေရှာသွားရမှာ ဖြစ်တယ်လို့ ဒက်ချမ့်က ပြောပါတယ်။  ဂျရူးအနေနဲ့ ပွဲကစားဖို့ အကောင်းဆုံးကြံ့ခိုင်မှုနဲ့ စိတ်ဓာတ်ပိုင်း ရှိနေသေးလို့ ပုံမှန်ပွဲထွက်ခွင့်ရဖို့ အရေးကြီးတယ်လို့လည်း နည်းပြဒက်ချမ့်က သုံးသပ်ခဲ့ပါတယ်။  ပြင်သစ်အသင်းဟာ ဒီကနေ့ညပိုင်းမှာ ဆွီဒင်နဲ့ ကစားရမှာပါ။ ပြင်သစ်အသင်းသမိုင်းရဲ့ ဒုတိယဂိုးသွင်းအများဆုံး ကစားသမား ဂျရူးဟာ ပေါ်တူဂီကို အနိုင်ရတဲ့ ပွဲမှာတော့ ၁၂ မိနစ်သာ လူစားဝင်ကစားခွင့် ရခဲ့ပါတယ်။
11 months Ago

May 21, 2020

ချယ်ဆီးအသင်း ကာဘယ်လီယိုနှင့် ဂျရူးတို့ကို ၁ နှစ်သက်တမ်းတိုး 

ချဲလ်ဆီးအသင်းဟာ ဂိုးသမားကာဘယ်လီယိုနဲ့ တိုက်စစ်မှူးဂျရူးတို့ကို တစ်နှစ်သက်တမ်းတိုး စာချုပ် ချုပ်ဆို  လိုက်ပါတယ်။  ကစားသမား ၂ ဦးစလုံးက ဇွန်လအကုန်မှာ စာချုပ်သက်တမ်းကုန်ဆုံးမှာဖြစ်ပြီး လာမယ့်ရာသီအကုန်အထိ အသင်းမှာ ဆက်ရှိနေတော့မှာဖြစ်ပါတယ်။  အာဂျင်တီးနားဂိုးသမား ကာဘယ်လီယိုက အသင်းအတွက် ၉ ပွဲသာ ကစားခွင့်ရခဲ့ပြီး တိုက်စစ်မှူး ဂျရူးက ၁၃ ပွဲ ကစားခွင့်ရထားပါတယ်။  ဂျရူးကတော့ စာချုပ်သက်တမ်းတိုးဖြစ်ခဲ့လို့ ပျော်ရွှင်မိပြီး  အသင်းဖော်တွေနဲ့ အတူ ပွဲကစားဖို့ မစောင့်နိုင်တော့ဘူးလို့ ပြောပါတယ်။  ဂိုးသမား ကာဘယ်လီယိုကတော့ အခုလို ခက်ခဲတဲ့အချိန်ကာလမှာ အခွင့်အရေးတစ်ခုရခဲ့လို့ ပျော်ရွှင်ရကြောင်း အသင်းဖော်တွေ၊ အသင်းတာဝန်ရှိသူတွေနဲ့ နည်းပြလမ်းပတ်ကို ကျေးဇူး တင်တယ်လို့ ပြောပါတယ်။  နည်းပြလမ်းပတ်ကတော့ ကာဘယ်လီယိုရဲ့ လက်စွမ်းကို ယုံကြည်ကြောင်း ချီးကျူး ခဲ့ပါတယ်။ လမ်းပတ်ဟာ အသင်းရဲ့ ပထမဂိုးသမားကယ်ပါကို ကျော်ပြီး  ကာဘယ်လီယိုကို ပွဲထွက်ဂိုး သမား အဖြစ် အသုံးပြုခဲ့ဖူးပါတယ်။
1 year Ago
Up