ဂျပန်ရောက်မြန်မာများ

August 29, 2021

ဂျပန်ရောက်မြန်မာများကြား ကိုဗစ်-၁၉ ရောဂါကူးစက်မှုမြင့်တက်၊ ၁ ဦးသေဆုံး

ဂျပန်နိုင်ငံရောက် မြန်မာတွေကြားမှာ  ကိုဗစ်-၁၉ ရောဂါကူးစက်မှုမြင့်တက်နေပြီး တိုကျိုမြို့နေ အသက် ၅၄ နှစ်အရွယ် မြန်မာအမျိုးသား တစ်ဦး ဩဂုတ် ၂၈ ရက်က ဆေးရုံတခုမှာ ဆေးကုသမှုခံယူရင်း အဆုတ်ပျက်စီးကာ ကွယ်လွန်သွားပါတယ်။

သေဆုံးသူဟာ တိုကျိုမြို့က မြန်မာနိုင်ငံသား အများအပြားနေထိုင်ရာ အိုစုခမြို့မှာ နေထိုင်ကာ သူဟာကာကွယ်ဆေးလည်းမထိုးရသေးကြောင်းနဲ့ ကိုရိုနာဗိုင်းရပ်စ် ကူးစက်ခံသူ ဂျပန်ရောက်မြန်မာတွေအကြား ပထမဆုံးသေဆုံးမှုလည်း ဖြစ်ပါတယ်။ 

အလားတူ မြန်မာအများဆုံးနေထိုင်တဲ့ တခဒနော့ဘဘမှာလည်း အုပ်စုလိုက် ရောဂါကူး စက်မှု တွေရှိပါတယ်။ 

ကိုဗစ်ကူးစက်ခံ အမျိုးသားတစ်ဦးရဲ့ ဇနီးက “ ဆေးရုံတွေ လက်ခံနိုင်မှု အင်အားမမျှလို့ ထင်တယ် အမျိုးသားကို ဆေးရုံတက်စဉ် ၅၀ ရာခိုင်နှုန်းသာ မျှော်လင့်ချက်ရှိကြောင်း ပြောပေမဲ့ တပတ်နဲ့ ဆေးရုံက ဆင်းစေကာ အိမ်မှာပဲပြန်နေစေတယ်”လို့   ပြောပါတယ်။

အုပ်စုလိုက် ကိုရိုနာဗိုင်းရပ်စ် ကူးစက်မှုတွေကို တိုကျိုသာမက ဂွန်းမား၊ စိုင်တမ၊ အိုဆာကာ စတဲ့နေရာတွေမှာပါ ဂျပန်ရောက်မြန်မာနိုင်ငံသားတွေ ကူးစက်ခံနေရသူ ရာချီရှိနေပါတယ်။

အုပ်စုလိုက်စားသောက်မှု၊ အုပ်စုလိုက်နေထိုင်မှုတွေကြောင့် မိမိတို့ လုပ်ငန်းခွင်မှာ လုပ်ဖော်ကိုင်ဖက်တွေ တဆင့်ကူးစက်တာတွေရှိနေတယ်လို့ ကျန်းမာရေးဆေးခန်းတခုမှာ မြန်မာ ဘာသာပြန် လုပ်နေတဲ့ ဆရာမ တဦးက ပြောပါတယ်။

လက်ရှိဂျပန်မှာ ကိုဗစ်-၁၉ ရောဂါ ထိန်းချုပ်ဖို့ ဂျပန်အစိုးရက သြဂုတ် ၃၁ ရက်နေ့မှာ အရေးပေါ်အခြေအနေ သက်တမ်းကုန်ဆုံးမယ့် တိုကျို၊ အိုစာကာ၊ စိုင်းတာမ၊ ချိဘ၊ ခါနာ့ဂါဝနဲ့ အိုကီနာဝါ ဖူကုရှီမ၊ အိုင်းချိ၊ ရှိဂ၊ ခူမာမိုတို၊ ဟော့ကိုင်းဒိုးနဲ့ အိရှိခါဝ ခရိုင်တွေမှာတွေမှာလည်း စက်တင်ဘာ ၁၂ ရက်အထိ ကန့်သတ်ချက်သက်တမ်းကိုထပ်တိုးကာ မိယာဂီ၊ ယာမာ့နာ့ရှိ၊ တိုးယာမ၊ ဂီဖု၊ မီအဲ၊ အိုကာ့ယာမ၊ ဟီရိုရှီးမား၊ ခါ့ဂါ့ဝါ၊ အဲဟီမဲနဲ့ ခါဂိုးရှီမ ခရိုင်တို့ကိုပါ အရေးပေါ်အခြေအနေတွင်းထပ်ထည့်ထားပါတယ်။

ကိုဗစ်ကူးစက်ခံရသူဂျပန်ရောက်မြန်မာနိုင်ငံသားတွေကို အစားအသောက်နဲ့  တခြားကြုံနေရတဲ့ အခက်အခဲတွေကို ဝိုင်းဝန်းကူညီထောက်ပံ့ပေးဖို့  ဂျပန်ရှိလူမှုကူညီရေးမြန်မာအသင်းတွေက လှုံဆော်ဆောင်ရွက်နေပါတယ်။

သတင်း- ဓာတ်ပုံ ဇော်ဇော်လှိုင်

3 months Ago

June 13, 2021

တိုကျိုဘူတာတွင် ဂျပန်ရောက်မြန်မာများ လက်ကမ်းစာစောင်ဖြန့်ဝေကမ်ပိန်း ပြုလုပ်

မြန်မာနိုင်ငံရဲ့အခြေအနေကို ဂျပန်ပြည်သူတွေ ပိုသိလာစေဖို့ရည်ရွယ်ပြီး  ဂျပန်ရောက် မြန်မာအဖွဲ့နှစ်ဖွဲ့ဖြစ်တဲ့ Try Together at Japan (TTAJ) နဲ့ Revolution Tokyo Myanmar (R.T.M) အဖွဲ့တို့ဟာ ဇွန်လ ၁၂ ရက်က  တိုကျို၊ ရှင်းကိုအိဝ ဘူတာမှာ လက်ကမ်းစာစောင်နဲ့ တစ်ရှူးတွေ ဝေငှခဲ့ကြတာပါ။

မြန်မာနိုင်ငံအတွက် လိုအပ်တဲ့နေရာတွေမှာသုံးနိုင်ဖို့ အလှူငွေလည်း ကောက်ခံခဲ့ကြတယ်လို့ လည်း ပါဝင်ခဲ့သူတယောက်က ပြောပါတယ်။

ဂျပန်နိုင်ငံမှာ ကိုဗစ်ကူးစက်နှုန်းမြင့်နေတာကြောင့် သတ်မှတ်ထားတဲ့ စည်းကမ်းတွေနဲ့အညီ စစ်အာဏာရှင်ဆန့်ကျင်ရေးကို လုပ်ခဲ့ကြတာဖြစ်ပြီး လက်ကမ်းစာစောင်ကိုယူတဲ့ ဂျပန်ပြည်သူပြည်သားတွေ စိတ်ချစေဖို့အတွက်လည်း ပါဝင်လှုပ်ရှားသူတွေကို အပူချိန်တိုင်းတာ၊ စနစ်တကျ လက်ဆေးတာနဲ့ လက်အိတ်တွေ ဝတ်ဆင်တာ စတာတွေ လုပ်ခဲ့တယ်လို့ဆိုပါတယ်။

မနေ့ညနေ ၃ နာရီကနေ ၅ နာရီအတွင်း လက်ကမ်းစာစောင်နဲ့ တစ်ရှူး အခုရေ ၁၂၀၀ ကို ဝေငှနိုင်ခဲ့တယ်လို့သိရပါတယ်။

6 months Ago
More News
Up