ဂျပန်နိုင်ငံ

July 27, 2021

ဂျပန်နိုင်ငံအနီးရှိ ပိုင်နက်အငြင်းပွား ကျွန်းများပေါ်တွင် ရုရှားအထူးစီးပွားရေးဇုန် တည်ဆောက်မည်

ရုရှားအစိုးရဟာ ဂျပန်နိုင်ငံအနီးရှိ ပိုင်နက် အငြင်းပွားကျွန်းတွေပေါ်မှာ အကောက်ခွန် မကောက်ဘဲ တခြားအခွန်တွေကိုလည်း လျှော့ပေးမယ့် အထူးစီးပွားရေးဇုန်ကို တည်ဆောက်ဖို့ စီစဉ်နေတယ်လို့ ရုရှားဝန်ကြီးချုပ် မီခေးလ်မီရှုစတင်က ဇူလိုင် ၂၆ ရက်မှာ ပြောလိုက်ပါတယ်။

ဒုတိယကမ္ဘာစစ်ပြီးချိန်မှာ ဆိုဗီယက်ပြည်ထောင်စုက သိမ်းပိုက်ခဲ့တဲ့ ကျွန်းတွေကို ပိုင်ဆိုင်မှုနဲ့ပတ်သက်ပြီး ခုထိ ရုရှားနဲ့ ဂျပန်တို့ တရားဝင် ငြိမ်းချမ်းရေးစာချုပ် လက်မှတ် မထိုးရသေးပါဘူး။

ဂျပန်က ဒီကျွန်းတွေကို မြောက်ပိုင်းပိုင်နက်လို့ ခေါ်ပြီး ရုရှားကတော့ ကူရီယော့ ကျွန်းတွေလို့ ခေါ်ပါတယ်။

ရုရှဝန်ကြီးချုပ်ဟာ တနင်္လာနေ့မှာ ကျွန်းတွေဆီ သွားရောက်လည်ပတ်အပြီး ဒီလည်ပတ်မှုနဲ့ ပတ်သက်လို့ ရုရှားကို ဆန့်ကျင်ကန့်ကွက်သွားမယ်လို့ ဂျပန်အစိုးရ ထိပ်တန်းပြောခွင့်ရက ပြောပါတယ်။

ရုရှားဝန်ကြီးချုပ်ကတော့ ဒီကျွန်းတွေရဲ့ ဖွံ့ဖြိုးတိုးတက်မှုကို ရည်မှန်းတဲ့ မကြုံစဖူး စီးပွားရေး လုပ်ဆောင်ချက် အတွဲလိုက်ကို သမ္မတ ဗလာဒီမီယာပူတင်နဲ့ ဆွေးနွေးသွားမယ်လို့ ပြောပါတယ်။

2 months Ago

July 25, 2021

ဂျပန်လှူသည့် ကိုဗစ်ကာကွယ်ဆေး ၃ သိန်းကျော် ကမ္ဘောဒီးယားရောက်ရှိ

ဂျပန်အစိုးရက ကမ္ဘောဒီးယားနိုင်ငံအတွက် လှူဒါန်းတဲ့ ကိုဗစ်-၁၉ ကာကွယ်ဆေး AstraZeneca ထိုးဆေး လုံးရေ ၁ သန်းရဲ့ တစိတ်တပိုင်းဟာ ကမ္ဘောဒီးယားနိုင်ငံရဲ့ မြို့တော် ဖနွမ်ပင်ကို ဇူလိုင် ၂၃ ရက်ညက ရောက်လာပါတယ်။ 

ANA လေကြောင်းလိုင်းက လေယာဉ်ပေါ်ကနေ သယ်လာတဲ့ ထိုးဆေးလုံးရေ ၃၃၂၀၀၀ ကို လေဆိပ်မှာ လက်ခံယူတဲ့ အခမ်းအနားကို ကမ္ဘောဒီးယားဝန်ကြီးချုပ် ဟွန်ဆန်နဲ့ သူ့ရဲ့ အစိုးရ အရာရှိတွေ တက်ရောက်ခဲ့ပါတယ်။

 ကျန်တဲ့ ကာကွယ်ဆေးတွေ လာမယ့်သီတင်းပတ် နည်းနည်းအတွင်း ရောက်လာမယ်လို့ ဖနွမ်ပင် အခြေစိုက် ဂျပန်သံရုံးက ပြောပါတယ်။

လှူဒါန်းထားတဲ့အထဲ ဆေးဘက် ပစ္စည်းကိရိယာတွေ၊ ဆေးရုံသုံး ပစ္စည်းတွေနဲ့ ကာကွယ်ဆေးတွေကို အေးအောင် ထားဖို့ အအေးပေးစနစ်တွေလည်း ပါပါတယ်။

 ကမ္ဘောဒီးယားနိုင်ငံမှာ ကိုဗစ်-၁၉ ကပ်ရောဂါကြောင့် သေဆုံးသူ ဦးရေဟာ တရားဝင် အတည်ပြု စာရင်းအရ ၁၁၈၈ ယောက် ရှိနေပါတယ်။

2 months Ago
More News
Up