ဂျပန်

September 9, 2021

ဒယ်လ်တာမျိုးကွဲအန္တရာယ်ကြောင့် ဂျပန်တွင် ကိုဗစ်-၁၉ အရေးပေါ်ကာလ တိုးမြှင့်သတ်မှတ်

ဒယ်လ်တာမျိုးကွဲအန္တရာယ်ကြောင့် ဂျပန်နိုင်ငံမြို့တော် တိုကျိုနဲ့ မြို့ကြီးတွေမှာ ကိုဗစ်-၁၉ အရေးပေါ်ကာလကို အစိုးရက အခုစက်တင်ဘာလကုန်ထိ တိုးမြှင့်သတ်မှတ်ဖို့ စီစဉ်နေပါတယ်။

နဂိုမူလချမှတ်ထားတဲ့ ကိုဗစ်-၁၉ အရေးပေါ် ကြေညာချက်အရ လာမယ့် စက်တင် ဘာ ၁၂ ရက်မှာ ကန့်သတ်ချက်ပြည့်တော့မှာဖြစ်ပေမယ့် ကိုဗစ်-၁၉ ဒယ်လ်တာမျိုးကွဲ ကူးစက်မှုတွေ မြင့်တက်နေတာကြောင့် တိုကျို၊ အိုဆာကာနဲ့ နောက်ထပ်စီရင်စုနယ်မြေ ၁၇ ခုကို အရေးပေါ်အခြေအနေ ထပ်တိုးကြေညာဖို့ ပြင်ဆင်နေတာလို့ ထိုင်းစီးပွားရေး ဝန်ကြီး ယာဆုတိုရှီ နီရှီမူရက ပြောပါတယ်။

“လတ်တလော ရောဂါကူးစက်မှုအသစ် အရေအတွက်ကို လျှော့ချနိုင်မယ်ဆိုရင် ကျနော်တို့အနေနဲ့ ကျန်းမာရေးစောင့်ရှောက်မှုစနစ်ကို တိုးမြှင့်လာနိုင်ပြီး အခုလကုန်မှာ သိသိသာသာ လျော့ကျသွားဖို့ မျှော်လင့်ပါတယ်”

ဂျပန်နိုင်ငံတဝန်းမှာတော့ လက်ရှိအချိန်ထိ စီရင်စုနယ်မြေ ၄၇ ခုထဲမှာ ၂၁ ခုက ကိုဗစ်-၁၉ အရေးပေါ်အခြေအနေကြေညာထားပြီး လူဦးရေ ၇၀ ရာခိုင်နှုန်းကျော်ကို လွှမ်း ခြုံထားတယ်လို့ ဆိုပါတယ်။

ဂျပန်နိုင်ငံမြို့တော် တိုကျိုမှာတော့ ကိုဗစ်-၁၉ နေ့စဉ် ကူးစက်မှုနှုန်းဟာ ပြီးခဲ့တဲ့ ဩဂုတ် ၁၃ ရက်နေ့က ၅,၇၇၃ ယောက်နဲ့ အမြင့်ဆုံးစံချိန်တင်ခဲ့ပြီး လက်ရှိမှာတော့ ၁,၈၃၄ ယောက်ထိ ကျဆင်းလာခဲ့တယ်လို့ ဆိုပါတယ်။

တခြားနေရာတွေမှာတော့ ရောဂါကူးစက်မှုတွေ မြင့်တက်နေတာမျိုးတွေ ရှိနေသ လို နိုင်ငံတဝန်းမှာတော့ လက်ရှိအချိန်ထိ ရောဂါကူးစက်ခံရသူပေါင်း ၁ သန်းခွဲကျော်၊ သေ ဆုံးသူ ၁၆,၀၀၀ ကျော်ထိ ရှိလာခဲ့ပြီ ဖြစ်ပါတယ်။

ကိုဗစ်-၁၉ ကာကွယ်ဆေးထိုးနှံမှုမှာတော့ ဂျပန်နိုင်ငံ လူဦးရေရဲ့ ၄၈ ရာခိုင်နှုန်းဟာ ကာကွယ်ဆေးအပြည့်အဝ ထိုးနှံပြီးဖြစ်တယ်လို့ ဆိုပါတယ်။

3 weeks Ago

September 3, 2021

NUGအစိုးရ ကိုယ်စားလှယ်ကိုသာ ရွေးချယ်ရန် တိုကျိုရှိ နိုင်ငံတကာသံရုံးများကို လိုက်လံမေတ္တာရပ်ခံ

ကုလသမဂ္ဂမှာ အမျိုးသားညီညွတ်ရေးအစိုးရ (NUG) ကိုယ်စားလှယ်ကို လက်ခံပေးဖို့နဲ့ စစ်ကောင်စီအကြမ်းဖက်အဖွဲ့ကို  ငြင်းပယ်ဖို့ အတွက် ဂျပန်ရောက်မြန်မာနိုင်ငံသားတွေက တိုကျိုမြို့တော်ရှိ နိုင်ငံတကာသံရုံးတွေကိုသွာရောက်ပြီး လိုက်လံ မေတ္တာရပ်ခံနေပါတယ်။ 

စက်တင်ဘာလ ၂ ရက်မနေ့ကတော့ အာဖရိကသမဂ္ဂအဖွဲ့ဝင်ဖြစ်တဲ့ ကွန်ဂို သံရုံးရှေ့မှာ ဂျပန်နိုင်ငံရောက်မြန်မာနိုင်ငံသားများတွေက သွားရောက် ဆန္ဒထုတ်ဖော်တောင်းဆိုခဲ့ကြပါတယ်။

စက်တင်ဘာလအတွင်းကျင်းပဖို့ရှိတဲ့ ကုလသမဂ္ဂအထွေထွေညီလာခံမှာ NUG ကိုယ်စားလှယ်နဲ့ စစ်ကောင်စီအကြမ်းဖက်အဖွဲ့ရဲ့ ကိုယ်စားလှယ် ၂ ဦးထဲက တစ်ဦးကို  မြန်မာနိုင်ငံကိုယ်စားပြု အမြဲတမ်းကိုယ်စားလှယ်အဖြစ် အတည်ပြုဆုံးဖြတ်ဖို့ရှိနေတာပါ။

ဒီလိုဆုံးဖြတ်ဖို့အတွက်အဓိကကျတဲ့  Credentials ကော်မတီအဖွဲ့ဝင်နိုင်ငံတွေရဲ့ သံရုံးတွေကို ဂျပန်ရောက်မြန်မာတွေက သွားရောက်လှည့်လည် စည်းရုံးနေတာလည်းပါတယ်။ 

ဒီလှုပ်ရှားမှုမှာပါဝင်တဲ့ ဦးမြင့်မောင်က “ပုံမှန်အားဖြင့် ကော်မတီမှာ အမေရိကန်၊ တရုတ်၊ ရုရှား တို့အပါအဝင် တခြားကုလသမဂ္ဂအဖွဲ့ဝင်နိုင်ငံတွေကို ရွေးချယ်ရာမှာ အဖွဲ့ဝင်နိုင်ငံအများဆုံးနဲ့ (၅၅ နိုင်ငံ)စုပေါင်းဖွဲ့စည်းထားတဲ့ အာဖရိကယူနီယံရဲ့ (Africa Union) ပါဝင်ပတ်သက်ထောက်ခံမှုဟာ မြန်မာသံအမတ်ကြီး ဦးကျော်မိုးထွန်း ဆက်လက်တာဝန်ထမ်းဆောင်ဖို့ အတွက် အထူးအရေးကြီးတယ်လို့ ယူဆလို့ အခုလို အာဖရိကယူနီယံဥက္ကဋ္ဌ ကွန်ဂိုဒီမိုကရက်တစ်သမ္မတနိုင်ငံကို လာရောက်တောင်းဆိုရတာပါ”လို့ ရှင်းပြပါတယ်။

Credentials ကော်မတီမှာ အဖွဲ့ဝင်အဖြစ်ပါဝင်မယ့် ၅၅ နိုင်ငံ ပူးပေါင်းဖွဲစည်းထားတဲ့ အာဖရိကယူနီယံအနေနဲ့  မြန်မာပြည်သူတွေက ထောက်ခံတဲ့ NUG ကိုယ်စားလှယ်ကို အပြည့်အဝထောက်ခံပေးဖို့  အခုလို လာရောက်မေတ္တာရပ်ခံ ဆန္ဒပြတောင်းဆိုတာလို့လည်း ဦးဆောင်သူတဦးဖြစ်တဲ့ ဦးအောင်ထွန်းလင်းက ဒီဗွီဘီကို ပြောပါတယ်။

ပြီးခဲ့တဲ့ ဩဂုတ် ၃၀ ရက် ကလည်း မြန်မာ့ဒီမိုကရေစီရေးဆောင်ရွက်နေတဲ့  အဖွဲ့အစည်းတွေက တိုကျို မြို့ရှိ အီသီယိုပီးယားနိုင်ငံသံရုံးကိုလည်း သွားရောက်တောင်းဆိုခဲ့ပါသေးတယ်။

ဖေဖော်ဝါရီ ၁ ရက် စစ်အာဏာသိမ်းမှုကို ပြတ်သားစွာဆန့်ကျင်ခဲ့ပြီး မြန်မာပြည်သူတွေနဲ့ အတူတသားတည်းရပ်တည်ကြောင်း ကုလသမဂ္ဂမှာပြောကြားခဲ့တဲ့ လက်ရှိ ကုလသမဂ္ဂ ဆိုင်ရာ မြန်မာအမြဲတမ်းကိုယ် သံအမတ်ကြီး ဦးကျော်မိုးထွန်းကို စစ်ကောင်စီကတော့  ဖယ်ရှားဖို့ နည်းလမ်းပေါင်းစုံသုံးပြီး ကြိုးပမ်းနေတာဖြစ်ပါတယ်။ 

သတင်း-ဓာတ်ပုံ- ဇော်ဇော်လှိုင်

3 weeks Ago
More News
Up