အင်တာမီလန်အသင်းရဲ့တိုက်စစ်မှူး အီကာဒီကို ခေါ်ယူဖို့ ဥရောပကလပ်အသင်းကြီးတွေက စိတ်ဝင်စားနေခဲ့ပေမယ့် ကစားသမားက ဂျူဗင်တပ်အသင်းကိုပဲ ပြောင်းရွှေ့လိုနေတယ်လို့ သတင်းတွေက ဖော်ပြပါတယ်။ အီကာဒီရဲ့ ဇနီးသည် ဝန်ဒါနာရာဟာ ခင်ပွန်းဟောင်း မက်ဆီလိုပက်ဇ် နဲ့ ကလေး ၃ ဦး ရထားပြီး လက်ရှိအီကာဒီနဲ့ ကလေးငယ်နှစ်ဦး မွေးဖွားထားခဲ့ပါတယ်။ လတ်တလောမှာတော့ ဝန်ဒါဟာ ၆ ဦးမြောက် ရင်သွေးကိုလွယ်ထားခဲ့ပြီးဖြစ်လို့ အီကာဒီအနေနဲ့ ကလေးတွေအားလုံးကို အီတလီမှာသာ ကြီးပြင်းလိုနေတာကြောင့် ဂျူဗင်တပ်စ်အသင်းကိုသာ မျက်စိကျနေတာဖြစ်ပါတယ်။ အစောပိုင်းသတင်းတွေအရ ဂျူဗင်တပ်စ်အသင်းက လူငယ်ကစားသမား ဒီဘာလားနဲ့ အီကာဒီကို အလဲအလှယ်ပြုလုပ်မယ်လို့ သတင်းတွေထွက်ခဲ့ပေမယ့် အင်တာမီလန်ဘက်က သဘောတူညီခဲ့ခြင်းမရှိဘူးလို့ သိရပါတယ်။ အီကာဒီဟာ မီလန်မြို့ခံအသင်းကနေ ထွက်ခွာဖို့ ဆန္ဒရှိနေသလို အင်တာမီလန်အသင်းကတော့ နည်းပြကွန်တီစိတ်ကြိုက် လူကာကူကို အရခေါ်ယူဖို့ ပြင်ဆင်နေပါတယ်။ အခုလိုအခြေအနေတွေကြောင့် အီကာဒီကို ပြောင်းရွှေ့ကြေးတစ်ရပ်နဲ့သာ ကမ်းလှမ်းလာခဲ့မယ်ဆိုရင် ဘယ်အသင်းကိုမဆို ရောင်းထုတ်မယ့် သဘောမှာရှိနေပေမယ့် ကစားသမားကတော့ ကွင်းပြင်ပအကြောင်းအရာတွေကြောင့် ဂျုဗင်တပ်သင်းကိုသာ စိတ်ဝင်စားနေပါတယ်။

စင်ကာပူနိုင်ငံမှာ ကျင်းပတဲ့ နိုင်ငံတကာချန်ပီယံများဖလားပြိုင်ပွဲ (အိုင်စီစီ) အဖြစ် တော့တင်ဟမ်ဟော့စပါးနဲ့ ဂျူဗင်တပ်တို့ မနေ့ကယှဉ်ပြိုင်ရာ စပါးအသင်းက ၃ ဂိုး ၂ ဂိုးနဲ့ အနိုင်ရသွားပါတယ်။ စပါးအသင်းဟာ ဆွန်ဟောင်မင်၊ အယ်လီ၊ လာမယ်လာ၊ ဟယ်ရီဝင့်တို့ကို လူငယ်ကစားသမားတွေနဲ့ တွဲဖက်ပွဲထုတ်ခဲ့ပြီး ဒုတိယပိုင်းမှာတော့ တိုက်စစ်မှူး ဟယ်ရီကိန်း၊ လူးကပ်စ်မော်ရာနဲ့ ဒီရာသီ ကလပ်စံချိန်တင် ပြောင်းရွှေ့ကြေးနဲ့ ခေါ်ယူထားတဲ့ ဒမ်ဘီလီတို့ကို လူစားလဲ အသုံးပြုခဲ့ပါတယ်။ ဂျူဗင်တပ်အသင်းမှာလည်း တကျော့ပြန် ဝါရင့်ဂိုးသမား ဘူဖွန် ပွဲထွက်ခဲ့သလို တိုက်စစ်မှာ ရော်နယ်ဒို၊ မန်ဇူကစ်တိုိ့ကို အသုံးပြုသွားပါတယ်။ ပွဲချိန် ၃၁ မိနစ်မှာ လာမယ်လာက စပါးအသင်းအတွက် ဂိုးသွင်းယူခဲ့ပြီး ပထမပိုင်းမှာ စပါးက တဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ ဒီ့နောက် ဂျူဗင်တပ်အသင်းက ချေပဂိုးရဖို့ တိုက်စစ်ဆင်ကစားလာပြီး ဒုတိယပိုင်း ၅၆ မိနစ်မှာ တိုက်စစ်မှူး ဟီဂူအင်နဲ့ မိနစ် ၆၀ မှာ ရော်နယ်ဒိုတို့က ဂိုးတွေဆက်တိုက်သွင်းယူပြီး နှစ်ဂိုး တဂိုးနဲ့ ပွဲကို ဦးဆောင်နိုင်ခဲ့ပါတယ်။ စပါးအသင်းအတွက် ချေပဂိုးနဲ့ အနိုင်ဂိုးတွေကိုတော့ လူစားဝင်ကစားသမားတွေဖြစ်တဲ့ လူးကပ်စ်မော်ရာက ပွဲချိန် ၆၅ မိနစ်၊ ပွဲပြီးကာနီးမှာ တိုက်စစ်မှူး ဟယ်ရီကိန်းတို့က သွင်းယူပြီး စပါးအသင်း ၃ ဂိုး ၂ ဂိုးနဲ့ အနိုင်ရသွားပါတယ်။