ဂျိုက်ကာနှင့် ဧရာဝတီဘဏ်

October 6, 2016

ဂျိုက်ကာနှင့် ဧရာဝတီဘဏ် ပူးပေါင်းပြီး အသေးစားအလတ်စားလုပ်ငန်းများအတွက် ငွေချေးမည်

ဂျိုက်ကာနဲ့ ဧရာဝတီဘဏ်ပူးပေါင်းပြီး သေးစားအလတ်စား စီးပွားရေးလုပ်ငန်းတွေကို ချေးငွေထုတ်ချေးသွားမယ်လို့ ဧရာဝတီဘဏ် တာဝန်ရှိသူတွေက ပြောပါတယ်။ အောက်တိုဘာ ၆ ရက် ရန်ကုန်မြို့ ပြည်လမ်းပေါ်ရှိ Strategy First Institute အဆောက်အအုံမှာ ပြုလုပ်တဲ့ SME ချေးငွေအကြောင်း အသိပေးဟောပြောပွဲမှာ ပြောဆိုခဲ့တာပါ။ ချေးငွေရယူလိုတဲ့ စီပွားရေလုပ်ငန်းတွေအနေနဲ့ ၂ နှစ်သက်တမ်းရှိရမှာဖြစ်ပြီး ဧရာဝတီဘဏ်မှာ လျှောက်လွှာတင်ပြရမှာဖြစ်ပါတယ်။ “ရွေးမှာက ဂျိုက်ကာက ရွေးမှာပါ။ လုပ်ငန်းတခုကို သိန်းတထောင် ချေးငွေထုတ်ချေး ပေးမှာ ဖြစ်ပါတယ်။ နယ်က အသေးစားအလတ်စား စီးပွားရေးလုပ်ငန်းတွေကို ပိုပြီးဦးစားပေး ရွေးချယ်မှာပါ” လို့ ဧရာဝတီဘဏ်က တာဝန်ရှိသူက ပြောပါတယ်။ ချေးငွေသိန်းတထောင်ရရှိတဲ့ လုပ်းငန်းတွေအနေနဲ့ အတိုးနှုန်း ၈ ဒသမ ၅ ရာခိုင်နှုန်းနဲ့ ငါးနှစ်တာအသုံးပြုခွင် ရရှိမှာဖြစ်ပါတယ်။ “နှစ်နှစ်သက်တမ်းရှိမှဆိုတာကတော့ သူတို့အတွက်ဆေ့ဖ်ဖြစ်အောင် သတ်မှတ်တာပါ။ တကယ်လုပ်နေတယ် အောင်မြင်နိုင်ခြေရှိတဲ့ လုပ်ငန်းဆို တနှစ်သက်တမ်းလောက်လည်း ချေးပေးသင့်တယ်။ အတိုးနှုန်းကလည်း ၈ ဒသမ ၅ ဆိုတော့ လုပ်ငန်းက အောင်မြင်နေရင် တော်သေးတယ် မအောင်မြင်ရင် အတိုးနှုန်းက များတော့ ပိုဆိုးတယ်။ ငါးရာခိုင်နှုန်းလောက်ဆို နှစ်ဖက်ပိုအဆင်ပြေတယ်” လို့ ပွဲတက်ရောက်လာသူတွေက ပြောပါတယ်။ ချေးငွေရရှိတဲ့ လုပ်ငန်းတွေအနေနဲ့ ချေးငွေရဲ့ ရှစ်ဆယ်ရာခိုင်နှုန်းကို ပုံသေရင်းနှီးမြှုပ်နှံမှု အတွက် အသုံးပြုရမှာဖြစ်ပြီး နှစ်ဆယ်ရာခိုင်နှုန်းသာ လုပ်ငန်းခွင်လည်ပတ်ငွေအတွက် အသုံးပြုရမှာဖြစ်ပါတယ်။ သတင်း၊ ဓာတ်ပုံ - အောင်ဆန်းဦး
5 years Ago
Up