ဂျာမန်ဘွန်ဒတ်စ်လီဂါ

April 29, 2019

ဂျာမန်ဘွန်ဒတ်စ်လီဂါတွင် ဘိုင်ယန်မြူးနစ်နှင့် နုရင်ဘတ် ၁ ဂိုးစီသရေကျ (ရုပ်သံ)

မနေ့ညက ယှဉ်ပြိင်သွားတဲ့ ဂျာမန် ဘွန်ဒတ်စ်လီဂါမှာ နာမည်ကြီး ဘိုင်ယန်မြူးနစ်အသင်း အဝေးကွင်းမှာ နုရင်ဘတ်နဲ့ တဂိုးစီ သရေကျသွားပါတယ်။ ဒီပွဲမှာ အိမ်ရှင် နုရင်ဘတ်အတွက် ဦးဆောင်ဂိုးကို ၄၈ မိနစ်မှာ ပီရဲရားက သွင်းယူပါတယ်။ နုရင်ဘတ်အသင်းဟာ တန်းဆင်းဇုန်ထဲမှာ ရုန်းကန်နေရတဲ့အသင်းလည်း ဖြစ်ပါတယ်။ ဘိုင်ယန်မြူးနစ်အတွက် ချေပဂိုးကို ၇၅ မိနစ်ကျမှ နာဘရီက သွင်းယူပါတယ်။ ဒီပွဲမှာ ဘိုင်ယန်အသင်း ဘောလုံးပိုင်ဆိုင်မှု သာပေမယ့် နုရင်ဘတ်က အပြန်အလှန် ထိုးဖောက် ကစားနိုင်ခဲ့ပါတယ်။ ပွဲပြီးကာနီးမှာ ဘိုင်ယန်ကစားသမား ဖျက်တာကြမ်းလို့ ပယ်နယ်တီ ပေးလိုက်ရပါတယ်။ အဲဒီပယ်နယ်တီကို နုရင်ဘတ် ကစားသမား အသုံးမချနိုင်လို့ တဂိုးစီ သရေနဲ့ပဲ ကျေနပ်ခဲ့ရပါတယ်။ ဘိုင်ယန်ကလည်း အပိုင်နီးပါး အခွင့်အရေး ထပ်ရပေမယ့် ဂိုးသွင်းမသေချာခဲ့ပါဘူး။ ဒီပွဲသရေကျလို့ ဘိုင်ယန်မြူးနစ်က ၇၁ မှတ်နဲ့ ဦးဆောင်နေပြီး ဒုတိယနေရာက ဒေါ့မွန်နဲ့ ၂ မှတ်ကွာ အနေအထားမှာ ရှိနေပါတယ်။
2 years Ago

April 22, 2019

ဂျာမန် ဘွန်ဒတ်စ်လီဂါတွင် ဒေ့ါမွန်က ဖရိုင်းဘတ်ကို ၄ ဂိုးပြတ် အနိုင်ရ (ရုပ်သံ)

မနေ့ညက ယှဉ်ပြိုင်သွားတဲ့ ဘွန်ဒတ်စ်လီဂါပွဲစဉ်မှာ ဒေါ့မွန်က အဝေးကွင်းမှာ ဖရိုင်းဘတ်ကို ၄ ဂိုးပြတ်နဲ့ အနိုင်ရသွားပါတယ်။ ဒေါ့မွန်အတွက် ဦးဆောင်ဂိုးကို အင်္ဂလန်တိုက်စစ်မှူး ဆန်ချိုက ပွဲအစ ၁၂ မိနစ်မှာ သွင်းယူပါတယ်။ ဒုတိယဂိုးကို ၅၄ မိနစ်မှာ မာကိုရူးစ်က သွင်းယူပါတယ်။ ဒီပွဲမှာ ဒေါ့မွန်ရဲ့ တိုက်စစ်ကစားပုံ ပိုကောင်းခဲ့ပြီး တွဲလုံးတွေကို ဖရိုင်းဘတ် မထိန်းနိုင် ဖြစ်ခဲ့ရပါတယ်။ ဒေါ့မွန်အတွက် တတိယဂိုးကို ၇၉ မိနစ်မှာ ဂေါ်ဇီနဲ့ အပိတ်ဂိုးကိုတော့ အယ်လ်ကာဆာက ၈၇ မိနစ်မှာ ပယ်နယ်တီကတဆင့် သွင်းယူပါတယ်။ ဒီပွဲနိုင်တဲ့ ဒေါ့မွန်က အမှတ်ပေးဇယားမှာ ၆၉ မှတ်နဲ့ ဒုတိယနေရာမှာ ရှိနေပြီး ဇယားထိပ်က ဘိုင်ယန်မြူးနစ်ရဲ့ နောက် ၁ မှတ်အကွာမှာ ရပ်တည်နေပါတယ်။
2 years Ago
More News
Up