ဂျာမနီလေယာဉ်ပျက်ကျ

June 7, 2015

ဂျာမနီနိုင်ငံ G7 ထိပ်သီးအစည်းအဝေး ဟိုတယ်ဝန်းကျင် လုံခြုံရေး အထပ်ထပ်ချ

ကမ္ဘာ့စက်မှုအင်အားကြီး G7 ထိပ်သီးအစည်းအဝေးကျင်းပမယ့် ဂျာမနီနိုင်ငံ၊ ဘာဗာရီယံ အပ်စ် Bavarian Alps တောင်တန်းပေါ်က ရှလော့စ် အယ်မူ Schloss Elmau ဟိုတယ်ကြီး ပတ်ဝန်းကျင်မှာ ဇွန် ၇ ရက်နေ့က လုံခြုံရေးအထပ်ထပ်ချထားပါတယ်။ ဟိုတယ်ပတ်ဝန်းကျင် ၁၆ ကီလိုပတ်လည်ကို လုံခြုံရေးဇုန်အဖြစ် သတ်မှတ်ထားပြီး ဖြတ်သန်းသွားလာတဲ့ သူတိုင်း၊ ကားတိုင်းကို လုံခြုံရေးစစ်ဆေးမှုတွေ ပြုလုပ်နေပါတယ်။ ပြီးခဲ့တဲ့ရက်တွေက ဒီထိပ်သီးအစည်းအဝေးကျင်းပမယ့် ဟိုတယ်အနီးမှာ G7 ဆန့်ကျင်ရေးဆန္ဒပြပွဲတွေ ဖြစ်ခဲ့လို့ လုံခြုံရေးအင်အား ၁၇၀၀၀ လောက်တိုးမြှင့်ချထားခဲ့ပါတယ်။ အစည်းအဝေးကျင်းပတဲ့နေရာနဲ့ အနီးဆုံးမြို့မှာ စနေနေ့က လူ ၁ သောင်းလောက် ဆန္ဒပြခဲ့ကြပါတယ်။ G7 ထိပ်သီးဆွေးနွေးပွဲမှာ အမေရိကန်သမ္မတ အိုဘားမားအပါအ၀င် စက်မှုအင်အားကြီး နိုင်ငံခေါင်းဆောင်တွေ တက်ရောက်ပြီး နိုင်ငံခြားရေးမူဝါဒတွေ၊ လုံခြုံရေးနဲ့ ဖွံ့ဖြိုးရေးမူဝါဒတွေ ဆွေးနွေးချမှတ်ကြမှာပါ။ အိမ်ရှင်ဂျာမနီအစိုးရရဲ့ ထုတ်ပြန်ချက်အရ G7 ခေါင်းဆောင်တွေ ရာသီဥတုနဲ့ သဘာဝပတ်ဝန်းကျင်ထိန်းသိမ်းရေး၊ ကျန်းမာရေး၊ ကုန်သွယ်ရေးနဲ့ စားသုံးကုန်စံသတ်မှတ်ရေးတွေ နဲ့ အမျိုးသမီးတွေရဲ့ အခန်းကဏ္ဍမြှင့်တင်ရေးကိစ္စတွေကို ဆွေးနွေးမယ်လို့ ဖော်ပြပါတယ်။ [gallery ids="96476,96475,96474,96473,96472,96471"]
7 years Ago

May 7, 2015

လေယာဉ်ကို တမင်ထိုးဆင်းရန် တွဲဖက်လေယာဉ်မှူး စပိန်ခရီးစဉ်တွင် လေ့ကျင့်ခဲ့

ပြီးခဲ့တဲ့မတ်လက ပြင်သစ်နိုင်ငံမှာ ပျက်ကျသွားခဲ့တဲ့လေယာဉ်ရဲ့ တွဲဖက်လေယာဉ်မှူး Andreas Lubitz ဟာ ဂျာမနီနိုင်ငံက စပိန်နိုင်ငံကို အသွားခရီးစဉ်မှာ လေယာဉ်ကို တမင်ထိုးဆင်းချဖို့ လေ့ကျင့်ခဲ့သေးတယ်လို့ ပြင်သစ်စုံစမ်းရေးအရာရှိတွေက မေ ၆ ရက်နေ့က ပြောဆိုပါတယ်။ တွဲဖက်လေယာဉ်မှူးဟာ စပိန်နိုင်ငံ ဘာစီလိုနာမြို့ကို အသွား လေယာဉ်ပျံပြန်အဆင်းမှာ လေယာဉ်ကို ပေ ၁၀၀ အထိ ဆင်းဖို့ အော်တိုပိုင်းလော့(autopilot)ခလုတ်ကို ၅ ကြိမ် ပြောင်းခဲ့တယ်။ လေယာဉ်ပြန်အဆင်းမှာ လေ့ကျင့်ခဲ့တာ ဖြစ်လို့ ထူးထူးခြားခြား မသိသာခဲ့ဘူးလို့ ပြင်သစ်စုံစမ်းရေးအရာရှိက ပြောဆိုပါတယ်။ လေယာဉ်မှူးကြီးအခန်းပြင်ထွက်ချိန် တဦးတည်းရှိတဲ့အချိန်မှာ စမ်းသပ်လေ့ကျင့်ခဲ့ပြီး ဂျာမနီကို အပြန် လေယာဉ်ကို တကယ် ပျက်ကျခဲ့အောင် အဲဒီအတိုင်းပဲ လုပ်သွားတာ စစ်ဆေး တွေ့ရှိခဲ့တယ်လို့ စုံစမ်းရေးညွန်ကြားရေးမှူးက ပြောဆိုပါတယ်။ ဒီအချက်အလက်တွေအားလုံးကို လေယာဉ်မှတ်တမ်းသေတ္တာနဲ့ လေယာဉ်မှူး အသံဖမ်းစက်တွေက ရရှိတဲ့အထောက်အထားတွေအရ သိရှိတယ်လို့ ပြောပါတယ်။ ဒီအချက်အလက်တွေကို ထုတ်ပြန်ခဲ့တဲ့ ပြင်သစ်အရပ်ဖက်လေကြောင်းလုံခြုံရေးနဲ့ စုံစမ်းရေးအဖွဲ့ဟာ ၁ နှစ်အတွင်း တွေ့ရှိသမျှ အစီခံစာထုတ်ပြန်မှာ ဖြစ်ပြီး လေယာဉ်မောင်းခန်းတံခါးနဲ့ လေယာဉ်မှူးတွေရဲ့ ကျန်းမာရေးနောက်ကြောင်းဆိုင်ရာ အကြံပြုချက်တွေပါ ထည့်သွင်းဖော်ပြဖို့ ရှိတယ်လို့ ပြောဆိုပါတယ်။
7 years Ago
More News
Up