သတင်းမီဒီယာသမားတွေ မကြာခဏ အသတ်ခံနေရတဲ့ မက္ကဆီကိုနိုင်ငံမှာ ဇူလိုင် ၂၄ ရက်နေ့ကလည်း ပလာယာ ဒါကာမန်မြို့မှာ နောက်ထပ် သတင်းထောက်တဦး အသတ်ခံခဲ့ရပါတယ်။ မက္ကဆီနိုင်ငံက ပလာယာ သတင်းဝက်ဘ်ဆိုက် တည်ထောင်သူ ရူဘန်ပတ် ဆိုသူကို ဇူလိုင် ၂၄ ရက်နေ့ အစောပိုင်းက ပလာယာ ဒါကာမန် ကမ်းခြေမြို့က ဘားတခု အပြင်ဘက်မှာ သေနတ်သမားတွေက ပစ်ခတ်ခဲ့တာပါ။ အခု အသတ်ခံလိုက်ရတဲ့ ရူဘန်ပတ်ဟာ လွန်ခဲ့တဲ့ ၆ လလောက်ကတည်းက အသက်အန္တရာယ် ခြိမ်းခြောက်စာ ရရှိခဲ့တယ်လို့ အမည်မဖော်လိုတဲ့ လုပ်ဖော်ကိုင်ဘက်တဦးက ပြောပါတယ်။ လွန်ခဲ့တဲ့ တလလောက်တုန်းကလည်း ပလာယာ သတင်းဌာနက သတင်းထောက်တဦး အသတ်ခံခဲ့ရပါသေးတယ်။ မက္ကဆီကိုနိုင်ငံမှာ ၂၀၁၈ ခုနှစ်အတွင်း သတင်းမီဒီယာသမား အနည်းဆုံး ၇ ဦး အသတ်ခံခဲ့ရတယ်လို့ အစိုးရမဟုတ်တဲ့ အဖွဲ့အစည်းတွေရဲ့ စာရင်းအရ သိရကြောင်း ဗွီအိုအေသတင်းမှာ ဖော်ပြထားပါတယ်။

ဂျာနယ်လစ်တွေအတွက် အန္တရာယ်အများဆုံး နိုင်ငံဖြစ်တဲ့ မက္ကဆီကိုနိုင်ငံမှာ မေလ ၁၅ ရက်နေ့က ဂျာနယ်လစ်တဦး သေနတ်နဲ့ ပစ်သတ်ခံခဲ့ရပါတယ်။ မက္ကဆီကိုနိုင်ငံတောင်ပိုင်းက တာဘတ်စကိုပြည်နယ်မှာ ရေဒီယိုအစီအစဉ်ကြေညာသူ ဟွမ်ကားလိုးစ်ဟွက်တာ ဆိုသူဟာ ကားမောင်းပြီး အိမ်အပြန်မှာ သေနတ်သမားတွေက ပစ်ခတ်သတ်ဖြတ်ခဲ့တာပါ။ ပစ်ခတ်တိုက်ခိုက်သူတွေ ထွက်ပြေးလွတ်မြောက်သွားတယ်လို့ အစိုးရ တာဝန်ရှိသူတွေက ပြောကြားပါတယ်။ အခုပစ်ခတ်တိုက်ခိုက်မှုဟာ ဓားပြတိုက်တာမဟုတ်ဘဲ လူသတ်မှုဖြစ်ဖွယ် ရှိတယ်လို့ တာဘတ်စကို ပြည်နယ်အုပ်ချုပ်ရေးမှူးက ပြောပါတယ်။ မက္ကဆီကိုနိုင်ငံဟာ လက်တင်အမေရိကန် နိုင်ငံတွေထဲမှာ ဂျာနယ်လစ်တွေအတွက် အန္တရာယ်အကြီးဆုံးဒေသ ဖြစ်ပါတယ်။ မက္ကဆီကိုနိုင်ငံမှာ အသတ်ခံရတဲ့ ဂျာနယ်လစ်အရေအတွက်ဟာ ပြည်တွင်းစစ်ဖြစ်ပွားနေတဲ့ ဆီးရီးယားမှာ အသတ်ခံရတဲ့ ဂျာနယ်လစ်အရေအတွက်နဲ့ တူညီတယ်လို့လည်း ရိုက်တာသတင်းမှာ ဖော်ပြထားပါတယ်။