ဂျပန်ရောက် မြန်မာများ ကြိုတင်ဆန္ဒမဲပေး (ဓာတ်ပုံ)

A d v e r t i s e m e n t With Us

October 17, 2015

ဂျပန်ရောက် မြန်မာများ ကြိုတင်မဲပေးမှု မဲဆန္ဒနယ်အချို့ မပါဝင်

ဂျပန်နိုင်ငံရှိ တိုကျိုသံရုံးမှာ ပြုလုပ်တဲ့ ၂၀၁၅ ခုနှစ် အထွေထွေရွေးကောက်ပွဲအတွက် ပထမရက်အဖြစ် ကြိုတင်ဆန္ဒ မဲပေးရာမှာ မဲဆန္ဒနယ်အချို့ မပါဝင်ခဲ့သလို ပုံစံ ၁၅ တင်ထားပြီး သံရုံးရဲ့ မဲပေးနိုင်ခွင့် အမည်စာရင်းမှာ မပါတာတို့ ကြုံ့တွေ့ခဲ့ရတယ်လို့ မဲဆန္ဒရှင်တွေက ပြောပါတယ်။ တောင်ဥက္ကလာပမြို့နယ် မဲဆန္ဒနယ်မြေ ပြည်ထောင်စု လွှတ်တော်အတွက် နေရာနဲ့ အင်းစိန်မဲဆန္ဒနယ်အတွက် ပြည်သူ့လွှတ်တော်နဲ့ တိုင်းလွှတ်တော်နေရာ၊ မရမ်းကုန်းမြို့နယ် မဲဆန္ဒနယ်အတွက် အမျိုးသားလွှတ်တော်နေရာနဲ့ တောင်ကြီးမြို့က တိုင်းရင်းသားနေရာတွေအတွက် မဲပေးခွင့်မရခဲ့ကြဘူးလို့ ဆိုပါတယ်။ သံရုံးတာဝန်ရှိသူတွေကတော့ မြန်မာနိုင်ငံ ကော်မရှင်ကပေးပို့တဲ့အထဲမှာ မပါတာလို့ အကြောင်းပြဖြေဆိုခဲ့ပါတယ်။ ညအိပ်ခရီးရှည် လာရသူတွေအတွက် နောက်တခေါက်ပြန်လာပေးဖို့ မလွယ်ကူးဘူးလို့လည်း ကိုဘေးဘက်က ကျောင်းသားကျောင်းသူတွေက ဒီဗွီဘီကို ပြောပါတယ်။ တိုကျိုကို ၇ နာရီကြာ တညလုံးကားစီးလာခဲ့ရတဲ့ အစိုးရပညာတော်သင် (စာအုပ်အစိမ်းကိုင်) အမည်မဖော်လိုသူ ဘွဲ့လွန်ပါရဂူတန်း လာတက်နေသူတဦးကလည်း မဲစာရင်းမှာ မပါလို့ မဲပေးခွင့်ဆုံးရှုံရတဲ့အပေါ် သံရုံးက ပြောတဲ့အတိုင်းဆို မြန်မာနိုင်ငံ  ရွေးကောက်ပွဲကော်မရှင်က အလုပ်မလုပ်တာလား မသိဘူးလို့ ပြောပါတယ်။ “ပုံစံ ၁၅ လည်း အချိန်မီတင်တယ်။ ဒါကို ဘယ်လိုဖြေရှင်းပေးမလဲဆိုတော့ သေသေချာချာမဖြေရှင်းပေးနိုင်ဘူး။ နောက်တခေါက်လာဖို့က မလွယ်ဘူးဗျ” လို့ ဆိုပါတယ်။ ဒါ့အပြင် အမျိုးသားလွှတ်တော်နဲ့ ပြည်သူ့လွှတ်တော်ကိုယ်စားလှယ်မဲတွေကို လွဲမှားထည့်ထားတာ၊ မဲစာအိတ်ပေါ်ရှိလိပ်စာမှာ ရပ်ကွက်နဲ့မြို့ ကိုက်ညီမှုမရှိဘဲ လွဲမှားနေတာတွေလည်း ရှိတယ်လို့ မဲဆန္ဒရှင်အချို့ က ဒီဗွီဘီကို ပြောပါတယ်။ တိုကျိုသံရုံး မဲရုံတာဝန်ခံတွေကတော့ ပြည်တွင်းရွေးကောက်ပွဲကော်မရှင်ကို တင်ပြပြီး မဲပေးခွင့် ထပ်မံတောင်းဆိုပေးမယ့်အကြောင်း၊ မဲထပ်မံပေးဖို့လည်း ရက်တိုးထားကြောင်း ပြောဆိုခဲ့တယ်လို့ ဆိုပါတယ်။ အောက်တိုဘာ ၁၇ ရက် ပထမရက် မဲလာပေးသူ ၄၄၇ ဦး ရှိခဲ့ပြီး တိုကျိုမြန်မာသံရုံးစာရင်းအရ ၂၀၁၅ ခုနှစ် အထွေထွေ ရွေးကောက်ပွဲအတွက် ဂျပန်ရောက် မြန်မာနိုင်ငံသား ၁၁၀၀ သာ မဲပေးနိုင်ခွင့်ရှိမှာဖြစ်ပါတယ်။ ဂျပန်နိုင်ငံမှာ မြန်မာနိုင်ငံသား ၁၂၀၀၀ လောက် ရောက်ရှိနေကြပါတယ်။
5 years Ago

ဂျပန်ရောက် မြန်မာများ ကြိုတင်ဆန္ဒမဲပေး (ဓာတ်ပုံ)

၂၀၁၅ အထွေထွေရွေးကောက်ပွဲအတွက် ဂျပန်နိုင်ငံရောက် မြန်မာနိုင်ငံသားတွေဟာ ဒီနေ့ ကြိုတင်ဆန္ဒမဲ ပေးနေကြပါတယ်။ ဂျပန်နိုင်ငံ တိုကျိုမြို့ရှိ မြန်မာသံရုံးမှာ  အောက်တိုဘာ ၁၇ ရက်နဲ့ ၁၈ ရက်တွေမှာ မနက် ၈ နာရီကနေ ညနေ ၆ နာရီထိ ကြိုတင်မဲဆန္ဒပေးဖို့ မဲရုံတွေ ဖွင့်လှစ်ထားမယ်လို့ မြန်မာသံရုံးက ထုတ်ပြန်ကြေညာထားပါတယ်။ ဂျပန်နိုင်ငံမှာ တရားဝင်နေထိုင်သူ မြန်မာနိုင်ငံသား ၁၂၀၀၀ ကျော်ရှိပြီး တိုကျိုမြို့က မြန်မာသံရုံးရဲ့ လက်ရှိအချိန်ထိ ထုတ်ပြန်ထားတဲ့ မဲစာရင်းအရ ရန်ကုန်တိုင်း မြို့နယ် ၆ ခု မပါသေးဘဲ တိုကျိုသံရုံးမှာ မဲပေးနိုင်သူဦးရေ စာရင်း ၁၀၀၀ ကျော် ရှိနေပါတယ်။ ဓာတ်ပုံ - ဇော်ဇော်လှိုင်  
5 years Ago
Up