ဂျပန်လိင်ဖျော်ဖြေရေးလုပ်ငန်း

A d v e r t i s e m e n t With Us

October 6, 2016

အရိပ်များအောက်မှ ထိုးထွက်ခြင်း (သို့) ဂျပန်လိင်ဖျော်ဖြေရေးလုပ်ငန်းခွင်နောက်မှ အမှန်တရား

ငယ်ရွယ်လှပတဲ့ ဂျပန်အမျိုးသမီးငယ် ဆာကီ ကိုဇိုင်းဟာ အေဂျင်စီတခုက သူ့ကို စံပြမယ်အဖြစ် ကမ်းလှမ်းမှုဟာ သူ့အတွက် အောင်မြင်ကျော်ကြားတဲ့ စတားတယောက်ဖြစ်လာစေဖို့ လမ်းစတခုဖြစ်တယ်လို့ ထင်နေခဲ့ပါတယ်။ အဲဒီအချိန်က အသက် ၂၄ နှစ်အရွယ်သာ ရှိသေးတဲ့ သူမဟာ စိတ်လှုပ်ရှားနေခဲ့ကာ အဲဒီအေဂျင်စီနဲ့ အမြန်ဆုံးပဲ သဘောတူလက်မှတ်ထိုးလိုက်ပြီး မကြာခင်မှာပဲ အရောင်းမြှင့်တင်ရေး ရုပ်သံဗွီဒီယိုတွေနဲ့အတူ အောင်မြင်လာမယ်လို့ ယုံကြည်နေခဲ့တာပါ။ တကယ်တမ်းမှာတော့ အဲဒီအေဂျင်စီဟာ မော်ဒယ်အေဂျင်စီတခုမဟုတ်ဘဲ သူ့ရဲ့ ပထမဆုံး အလုပ်စတင်တဲ့နေ့မှာတင် ကင်မရာရှေ့မှာ လိင်ဖျော်ဖြေမှု သရုပ်ပြရမှာကို သိရှိခဲ့ရတာပါ။ “ကျမရဲ့အ၀တ်တွေကို မချွတ်ချင်ခဲ့ဘူး။ ဒါပေမယ့် ကျမလုပ်နိုင်တာ အကုန်လုံးက ငိုတာပါပဲ” လို့ ထွက်ပေါက်မရှိခဲ့တဲ့ အခြေအနေကို သူက ပြန်ပြောင်းပြောပြလိုက်တာပါ။ “ကျမနဲ့အတူ ဘေးမှာ အမျိုးသမီး ၂၀ လောက် ရှိနေခဲ့ကြတယ်။ ဘယ်သူကမှ မလုပ်နိုင်ပါဘူးလို့ မပြောခဲ့ကြပါဘူး။” လက်ရှိမှာတော့ အသက် ၃၀ အရွယ် ရှိနေပြီဖြစ်တဲ့ ကိုဇိုင်းဟာ ဂျပန်နိုင်ငံရဲ့ လိင်ဖျော်ဖြေမှုလုပ်ငန်းထဲ ဖိအားပေးခိုင်းစေခံခဲ့ရမှု အရိပ်အောက်ကနေ လွတ်မြာက်လိုသူတဦးအဖြစ် ကြီးပြင်းခဲ့ရတာပါ။ ဂျပန်နိုင်ငံမှာ အရွယ်ရောက်ပြီးသူတွေအတွက် ရည်ရွယ်ထုတ်လုပ်တဲ့ လိင်ဖျော်ဖြေရေး ညစ်ညမ်းဗွီဒီယိုတွေကို ကျယ်ကျယ်ပြန့်ပြန့် ရရှိနိုင်ပါတယ်။ ဒါပေမယ့် ဒီဗွီဒီယိုတွေ ဖန်တီးမှုနောက်ကွယ်က အမှန်တရား ဒါမှမဟုတ် အခြားတဘက်မှ အရိပ်တွေထဲမှာ ပါဝင်လှုပ်ရှားမှုတွေနဲ့ ပတ်သက်ရင်တော့ ဆွေးနွေးမှု မရှိသလောက်ပါပဲ။ အမျိုးသမီးပေါင်းများစွာဟာ ကြမ်းတမ်းတဲ့ လိင်ဖျော်ဖြေရေး ပြကွက်တွေနဲ့အတူ ဖိအားပေး ခိုင်းစေခံခဲ့ရပြီး အလုပ်လုပ်ကိုင်နေခဲ့ကြရတာပါ။ ပြီးခဲ့တဲ့ ဇွန်လတုန်းက တိုကျိုမြို့မှ မော်ဒယ်အေဂျင်စီ ၃ ခုကို ဖမ်းဆီးစစ်ဆေးရာကနေ လိင်ဖျော်ဖြေမှု ညစ်ညမ်းဗွီဒီယို ၁၀၀ ကျော်မှာ ပါဝင်ခဲ့ရတဲ့ အမျိုးသမီးတွေကို ဖမ်းမိခဲ့တာပါ။ အမည်အဖော်လိုတဲ့ အမျိုးသမီးတဦးက ကိုဇိုင်းလိုပဲ သူဟာ ဒီလုပ်ငန်းခွင်ကို အစတုန်းကတော့ မော်ဒယ်လုပ်ငန်းခွင်လို့ ထင်ခဲ့ကြောင်း ဆိုပါတယ်။ ဝေဖန်သူတွေကတော့ ဒီလုပ်ငန်းတွေဟာ ကျော်ကြားလိုတဲ့ အမျိုးသမီးငယ်တွေကို အယောင်ပြ စီးပွားရေးလုပ်ငန်းတွေထဲ လှည့်ဖျားခေါ်ယူခဲ့ကြတာလို့ ဆိုပါတယ်။ အခြားတဘက်မှာလည်း ဒီလုပ်ငန်းခွင်ထဲ ရောက်လာကြသူ မိန်းကလေးတချို့ဟာ ပေးရမယ့် အကြွေးတွေကြောင့် ရုန်းမထွက်နိုင်ခဲ့တာလို့ ဆိုပါတယ်။ အေဂျင်စီတွေကတော့ ဒီမိ်န်းကလေးတွေကို အကြမ်းဖက်ခြိမ်းခြောက်တာတွေ၊ မမှန်ကန်တဲ့ စာချုပ်စာတမ်းတွေနဲ့အတူ ထိန်းသိမ်းထားခဲ့ကြတာပါ။ အေအက်ဖ်ပီသတင်းဌာနနဲ့ တွေ့ဆုံမေးမြန်းခဲ့တဲ့ အမည်မဖော်လိုတဲ့ မိန်းကလေးတဦးကတော့ သူ့ကို အဆိုတော်ဖြစ်အောင် ကူညီပေးမယ်ဆိုတဲ့ ကတိတခုနဲ့ လိင်ဖျော်ဖြေမှုလုပ်ငန်းခွင်ထဲ ရောက်ရှိလာခဲ့တာလို့ ပြောပါတယ်။ သူဟာ စာချုပ်ထဲမှာ သူလုပ်ပေးရမယ့် အလုပ်သဘောသဘာဝကို ရှင်းရှင်းလင်းလင်း မသိခဲ့ဘဲ လက်မှတ်ထိုးခဲ့တာလို့ ဆိုပါတယ်။ “အေဂျင်စီဟာ ကျမကို လပေါင်းများစွာ လိမ်ညာပြီး ဖျားယောင်းသိမ်းသွင်းခဲ့တာပါ။ ကျမမှာ ရွေးချယ်စရာမရှိပါဘူး” လို့ အသက် ၂၆ နှစ်အရွယ် အဲဒီအမျိုးသမီးက ပြောပါတယ်။ အစပိုင်းမှာတော့ သူဟာ ငြင်းဆန်နေခဲ့ပေမယ့် ကိုဇိုင်းနဲ့ တခြားအမျိုးသမီးတွေလိုပဲ နောက်ဆုံးမှာတော့ အညံ့ခံခဲ့ရတာပါပဲ။ မီးပြတိုက် အမည်ရတဲ့ ဂျပန်အခြေစိုက် အစိုးရမဟုတ်တဲ့ လူကုန်ကူးမှုတိုက်ဖျက်ရေး အဖွဲ့အစည်းက ၂၀၁၆ ခုနှစ်၊ နှစ်လယ်ကာလထိ ဒီလုပ်ငန်းတွေထဲက အမျိုးသမီး ၆၀ ကျော်လောက်ဟာ လွတ်မြောက်ဖို့ ကြိုးပမ်းလာခဲ့ကြတယ်လို့ ပြောပါတယ်။ အဆိုပါအဖွဲ့ရဲ့ ပြောရေးဆိုခွင့်ရသူ အိုက်ကီ ဆီဂ၀ါက “သူတို့တွေ အများစုဟာ သူတို့ရဲ့ အမှားကြောင့် ဖြစ်လာတဲ့ အရာတွေအပေါ် တွေးရင်း မလုံမလဲစိတ်နဲ့ ရှက်ရွံ့မှုတွေ ခံစားနေကြရတယ်” လို့ ပြောပါတယ်။ အမျိုးသမီးအများစုဟာ အသက် ၁၈ နှစ်ကနေ ၂၅ နှစ်ကြားအရွယ်မှာ တရားဝင် စာချုပ်စာတမ်းတွေနဲ့ ပတ်သက်တဲ့ အသိပညာ နည်းပါးပြီး ခိုင်လုံတဲ့ ဥပဒေကြောင်းအရ သက်သေမပြနိုင်တဲ့ အမှုအခင်းတွေ ဖြစ်တယ်လို့ သတင်းမှာ ဖော်ပြပါတယ်။ လက်ရှိမှာတော့ ကိုဇိုင်းဟာ ကံကောင်းထောက်မစွာပဲ အေဂျင်စီကနေ ထွက်လာခဲ့ပြီးချိန်မှာ သူ့ရဲ့ဘ၀ကို အသစ်တဖန် ပြန်စနိုင်ခဲ့ပြီလို့ ဆိုပါတယ်။ ဂျပန်နိုင်ငံမှာ နှစ်စဉ် ဒီလို ညစ်ညမ်းဗွီဒီယိုတွေ ၃ သောင်းလောက် ထွက်နေတယ်လို့ လုပ်ငန်းခွင်တွင်း အချက်အလက်တွေအရ သိရပါတယ်။ ကိုဇိုင်းက “ကျမဟာ သာဓကတခုဖြစ်လာခဲ့ရင် တခြားမိန်းကလေးတွေ ခုလို ပြဿနာအမျိုးမျိုးနဲ့ ရင်ဆိုင်နေကြချိန်မှာ ကယ်တင်နိုင်မှာပါ” လို့ ပြောပါတယ်။ (ဘန်ကောက်ပို့စ်တွင် အောက်တိုဘာ ၅ ရက်နေ့က ဖော်ပြသည့် သတင်းဆောင်းပါးကို ဆီလျော်အောင် ဘာသာပြန်ဆိုပါသည်။)
4 years Ago
Up