ဂျက်လေယာဉ်

August 9, 2018

ဂျက်လေယာဉ်ပိုင်သည့် ဝရမ်းပြေးဘုန်းကြီး ထောင်ဒဏ် ၁၁၄ နှစ် ပြစ်ဒဏ်ချမှတ်ခံရ

ပြစ်မှုပေါင်းများစွာနဲ့ ထွက်ပြေးတိမ်းရှောင်နေပြီး ဂျက်လေယာဉ်ပိုင်ဆိုင်တဲ့ နာမည်ကြီး ဝရမ်းပြေး ထိုင်းဘုန်းကြီးကို တရားရုံးက ဒီကနေ့မှာ ထောင်ဒဏ် ၁၁၄ နှစ် ချမှတ်လိုက်ပါတယ်။ အသက် ၃၉ နှစ်အရွယ် ဝီရပိုလ် ဆွတ်ခ်ဖိုးလ် အမည်ရတဲ့ အဲဒီဘုန်းကြီးကို တရားရုံးပေါင်း ၄၂ ခုက စွဲချက်တင်ထားပြီး တရားမဝင် ငွေကြေးခဝါချမှုနဲ့ လူပေါင်း ၂၉ ဦးဆီက ဘတ်ငွေ ၂၈ သန်းထက်မနည်း လိမ်လည်ရယူခဲ့တာကို စစ်ဆေးတွေ့ရှိတယ်လို့ ရာဇဝတ်ပြစ်မှုဆိုင်ရာ တရားရုံးက ဆိုပါတယ်။ သူဟာ အဲဒီငွေတွေအားလုံးကို ပြန်ပေးသွားရမှာဖြစ်ပြီး တခြား လိင်ပိုင်းဆိုင်ရာ ပြစ်မှုတွေအတွက်လည်း အရေးယူခံရမှာ ဖြစ်ပါတယ်။ ဝီရပိုလ် ဆွတ်ခ်ဖိုးလ်ဟာ ၂ဝ၁၃ ခုနှစ်က ကိုယ်ပိုင်ဂျက်လေယာဉ်စီးကာ တန်ဖိုးကြီးမားတဲ့ နာမည်ကြီး လက်ကိုင်အိတ်တွေ၊ နေကာမျက်မှန်တွေ ကိုင်ဆောင်သုံးစွဲတာ၊ ဇိမ်ခံကားပေါင်း မြောက်မြားစွာနဲ့ မြေအမြောက်အမြား ပိုင်ဆိုင်မှုတွေကြောင့် နာမည်ပျက်နဲ့ ကျော်ကြားခဲ့တာပါ။ ဒါ့အပြင် အရွယ်မရောက်သေးတဲ့ မိန်းကလေးငယ်တဦးကို ပြန်ပေးဆွဲပြီး လိင်ဆက်ဆံခဲ့တဲ့အတွက် သံဃာအဖြစ်ကနေ လူဝတ်လဲခံခဲ့ရပြီးနောက် အမေရိကန်နိုင်ငံကို ထွက်ပြေးသွားခဲ့တာပါ။ အဲဒီနောက် ထိုင်းအစိုးရက သူ့ကို အရွယ်မရောက်သေးတဲ့ ကလေးသူငယ် မဖွယ်မရာပြုကျင့်မှု၊ ကလေးပြန်ပေးဆွဲမှု၊ ငွေကြေးခဝါချမှု၊ ကွန်ပျူတာအင်တာနက် အလွဲသုံးစားမှု စတဲ့အမှုတွေနဲ့ စွဲချက်တင်ထားခဲ့ပြီး ဖမ်းဝရမ်းထုတ်ထားခဲ့တာ ဖြစ်ပါတယ်။ နောက်ပိုင်းမှာတော့ သူ့ကို အမေရိကန်အာဏာပိုင်တွေက ဖမ်းမိခဲ့ပြီး ထိုင်းနိုင်ငံဆီ ပြန်လည်လွှဲပြောင်းပေးခဲ့တာ ဖြစ်ပါတယ်။ သူ့မှာ တန်ဖိုးကြီး Porsche ကား အပါအဝင် ကား ၁၀ စီးလောက်ရှိနေခဲ့ပြီး လက်ရှိမှာတော့ သူပိုင်ဆိုင်တဲ့ ငွေကြေးတန်ဖိုး ဘတ်ငွေ ၄၃ သန်းကိုလည်း သိမ်းယူခဲ့ပြီဖြစ်တယ်လို့ သတင်းမှာ ဖော်ပြပါတယ်။
3 years Ago

June 20, 2018

ရော့ခ်စတား ပရက်စလေ ပိုင်ဆိုင်ခဲ့သည့် ကိုယ်ပိုင်ဂျက်လေယာဉ်ကို လေလံတင်မည်

နာမည်ကြီးအဆိုတော် အဲလ်ဗစ္စပရက်စလေ တချိန်က ပိုင်ဆိုင်ခဲ့ဖူးတဲ့ ကိုယ်ပိုင် ဂျက်လေယာဉ်တစီးကို တကျော့ပြန် လေလံတင်ရောင်းချတော့မှာ ဖြစ်တယ်လို့ အွန်လိုင်း လေလံအရောင်းအဝယ် ဝက်ဘ်ဆိုက်တခုဖြစ်တဲ့ Iron Planet က ဇွန်လ ၁၈ ရက်နေ့မှာ ကြေညာလိုက်ပါတယ်။ လေယာဉ်အတွင်းပိုင်းမှာ အနီရောင် ကတ္တီပါအုပ်ထားတဲ့ ထိုင်ခုံတွေနဲ့ ဒီဂျက်လေယာဉ်ကို လက်ရှိမှာတော့ မက္ကဆီကိုနိုင်ငံသားတဦးက ပိုင်ဆိုင်ထားပြီး ဆယ်စုနှစ် ၄ ခုနီးပါး ထိန်းသိမ်းထားရှိပြီးနောက်မှာ ခုလို လေလံတင်ရောင်းချဖို့ ဖြစ်လာခဲ့တာပါ။ အတွင်းပိုင်းမှာ အနီရောင် ကတ္တီပါထိုင်ခုံတွေနဲ့ ဒီဂျက်လေယာဉ်ကို နာမည်ကြီး ရော့ခ်စတားတဦးဖြစ်တဲ့ အဲလ်ဗစ္စပရက်စလေနဲ့ ဖခင်ဖြစ်တဲ့ ဗာနွန်ပရက်စလေတို့က ကနဦး ပိုင်ဆိုင်ခဲ့ကြတာပါ။ Iron Planet က ပြောရေးဆိုခွင့်ရှိသူတဦးဖြစ်တဲ့ လင်ဒ်ဆေး ဂိုးလ်ဒ်စတိန်းက “လေယာဉ်ဟာ ရော့စ်ဝဲလ်မှာ ရှိနေတုန်းပါပဲ။ လက်ရှိပိုင်ရှင်က ဒီလေယာဉ်ကို မူလအခြေအနေ မပျက် ထားရှိတာ ဖြစ်ပါတယ်” လို့ ပြောပါတယ်။ ဒီလေယာဉ်ရဲ့ အတွင်းပိုင်း အပြင်အဆင်ဟာ ပရက်စလေရဲ့ ကိုယ်ပိုင်ဒီဇိုင်းနဲ့ ပြင်ဆင်မှုဖြစ်တယ်ဆိုတာကို Iron Planet အနေနဲ့ အာမခံနိုင်တယ်လို့ ဆိုပါတယ်။ ဈေးပြိုင်လေလံတွေကိုတော့ အွန်လိုင်းမှတဆင့် တင်နိုင်မှာဖြစ်ကာ လာမယ့် ဇူလိုင် ၂၇ ရက်နေ့ထိ လက်ခံနေတာ ဖြစ်ပါတယ်။
3 years Ago
More News
Up