ဂေါ့ဇီ

A d v e r t i s e m e n t With Us

October 7, 2020

ဒေါ့မွန် ကွင်းလယ်ကစားသမားဂေါ့ဇီ ပီအက်စ်ဗွီအသင်းသို့ ပြောင်းရွှေ့

ဒေါ့မွန်အသင်းရဲ့ကွင်းလယ်လူ မာရီယိုဂေါ့ဇီကို ၂ နှစ်စာချုပ်နဲ့ ခေါ်ယူနိုင်ခဲ့ပြီလို့ ပီအက်စ်ဗွီ အသင်းက ထုတ်ပြန်ကြေညာပါတယ်။ ၂၀၁၉-၂၀ ဘောလုံးရာသီအကုန်မှာ ဒေါ့မွန်နဲ့ ဂေါ့ဇီတို့ရဲ့ စာချုပ်သက်တမ်း ကုန်ဆုံးခဲ့ပြီး သူဟာ နယ်သာလန်အသင်းကို အလွတ်ပြောင်းရွှေ့ကြေးနဲ့ ရောက်ရှိလာခဲ့သူ ဖြစ်ပါတယ်။ ဂေါ့ဇီက “ဒီနွေအပြောင်းအရွှေ့မှာ ကမ်းလှမ်းမှုတွေ အများကြီးရရှိခဲ့ပေမယ့် ခံစားချက်ကို အသားပေးတဲ့ ကျနော်ကတော့ ကိုယ်ပိုင်ဆုံးဖြတ်ချက်ကို ချမှတ်ခဲ့ပါတယ်။ မတူညီတဲ့ စိန်ခေါ်မှုတွေကို ရင်ဆိုင်ဖို့ ကျနော် အဆင်သင့်ဖြစ်နေပြီလို့ ခံစားရပါတယ်။ နောက်ပြီး ဒါဟာ ကျနော့်အတွက် အဆင်ပြေစေမယ့် အပြောင်းအလဲတစ်ခုလို့လည်း ယုံကြည်ပါတယ်”လို့ ပီအက်စ်ဗွီအသင်း ဝက်ဘ်ဆိုက်ကို ပြောပါတယ်။ အသက် ၂၈ နှစ်အရွယ် ကွင်းလယ်လူဟာ ဒေါ့မွန်အသင်းရဲ့ ငယ်မွေးကစားသမား ဖြစ်ပေမယ့် ဘိုင်ယန်မြူးနစ်အသင်းကို ပြောင်းရွှေ့ခဲ့ဖူးပါတယ်။  ၂၀၁၆ ခုနှစ်မှာမှ သူဟာ ဒေါ့မွန်အသင်းဆီ ပြန်လည်ပြောင်းရွှေ့လာခဲ့တာဖြစ်ပြီး ၄ ရာသီ ကစားခဲ့ပါတယ်။ ဒါပေမဲ့ ပြီးခဲ့တဲ့ရာသီမှာတော့ သူဟာ အသင်းမှာ နေရာရဖို့ ရုန်းကန်ခဲ့ရပြီး ပြိုင်ပွဲစုံမှာ ၂၁ သာ ကစားခွင့်ရရှိခဲ့ပါတယ်။ ဂေါ့ဇီဟာ လူငယ်ကစားသမားဘဝမှာ ဒေါ့မွန်အသင်းနဲ့အတူ တောက်ပပခဲ့သူဖြစ်ပြီး ဂျာမနီနိုင်ငံရဲ့ အလားအလာအကောင်းဆုံး ကြယ်ပွင့်ကစားသမားတစ်ဦးအဖြစ် သတ်မှတ်ခံခဲ့ရပါတယ်။ သူဟာ ပြောင်းရွှေ့ကြေးအမြောက်အမြားနဲ့ ဘိုင်ယန်မြူးနစ်အသင်းကို ၂၀၁၃ မှာ ပြောင်းရွှေ့ခဲ့ပါတယ်။  သူဟာ ဂျာမနီအသင်းအတွက်လည်း ၆၃ ပွဲ ကစားပေးထားပြီး ၂၀၁၄ ကမ္ဘာ့ဖလားပြိုင်ပွဲရဲ့ အာဂျင်တီးနားအသင်းနဲ့ ဗိုလ်လုပွဲမှာ အသင်းအတွက် အဖိုးတန်အနိုင်ဂိုးကို သွင်းယူပေးနိုင်ခဲ့သူလည်း ဖြစ်ပါတယ်။  ပီအက်စ်ဗွီအားကစားဒါရိုက်တာ ဂျွန်ဒီဂျောင်က “ဂေါ့ဇီဟာ တိုက်စစ်နဲ့ ကွင်းလယ်တို့မှာ နေရာစုံ ကစားနိုင်စွမ်းရှိသူဖြစ်ပြီး သူ့ရဲ့ အတွေ့အကြုံလည်း ကျနော့်အသင်းမှာ လိုအပ်နေတဲ့ အရာတွေကို ယူဆောင်လာပေးမှာ ဖြစ်ပါတယ်။ ဒါကြောင့် ဂေါ့ဇီလို ကစားသမားမျိုးကို ခေါ်ယူစာချုပ်ချုပ်နိုင်ခဲ့ခြင်းအတွက် ဝမ်းမြောက်ဂုဏ်ယူမိပါတယ်” လို့  ပြောပါတယ်။ ဂေါ့ဇီဟာ ကစားသမားဘဝလျှောက်လုံး ဂျာမနီမြေမှာသာ ကျင်လည်ခဲ့ဖူးသူဖြစ်တာကြောင့် ပီအက်စ်ဗွီအသင်းကို အပြောင်းအရွှေ့ဟာ သူ့အတွက် ဂျာမနီပြင်ပ ပထမဆုံးသော အတွေ့အကြုံ ဖြစ်ပါတယ်။  နယ်သာလန်ကလပ်ကို မပြောင်းရွှေ့မီ ဂေါ့ဇီဟာ ဟာသာဘာလင်အသင်းကို ပြောင်းရွှေ့ဖို့လည်း တော်တော်လေး နာမည်ကြီးခဲ့သူ ဖြစ်ပါတယ်။
5 months Ago

August 12, 2020

အင်တာမီယာမီအသင်း၏ ကမ်းလှမ်းချက်ကို ဂေါ့ဇီ ပယ်ချ

ဒေါ့မွန်ကစားသမားဟောင်း မာရီယိုဂေါ့ဇီဟာ မေဂျာလိဂ်ကလပ် အင်တာမီယာမီအသင်းရဲ့ ကမ်းလှမ်းချက်ကို ပယ်ချလိုက်ပါတယ်။  ဒေးဗစ်ဘက်ခမ်း ပိုင်ဆိုင်တဲ့ အင်တာမီယာမီအသင်းဟာ အသက် ၂၈ နှစ်ရှိ ဂေါ့ဇီအတွက် တစ်နှစ်လုပ်ခ ပေါင် ၅ ဒသမ ၃ သန်းနဲ့ ကမ်းလှမ်းခဲ့တာဖြစ်ပြီး ဂေါ့ဇီဘက်က ပယ်ချခဲ့တာ ဖြစ်ပါတယ်။ ဂျာမန်ကွင်းလယ်လူ ဂေါ့ဇီအနေနဲ့ ဒေါ့မွန်နဲ့ စာချုပ်သက်တမ်း ကုန်ဆုံးခဲ့လို့ ထွက်ခွာလာခဲ့တာဖြစ်ပြီး တခြားကလပ်အသင်းတွေအနေနဲ့ အလွတ်ပြောင်းရွှေ့ကြေးနဲ့ ခေါ်ယူနိုင်မှာ ဖြစ်ပါတယ်။ ဂေါ့ဇီအနေနဲ့ ဥရောပကလပ်တွေမှာပဲ ဆက်ကစားဖို့ ဆန္ဒရှိနေတယ်လို့ ဂျာမန်သတင်းဟာ  Bild က ဖော်ပြပါတယ်။ ဂေါ့ဇီကို မိုနာကို၊ ဆီဗီလာ၊ ဖီအိုရင်တီးနား၊ အေစီမီလန်နဲ့ ရိုးမားအသင်းတွေက ခေါ်ယူဖို့ စိတ်ဝင်စားနေတယ်လို့ သိရပါတယ်။
7 months Ago
More News
Up