ထိုင်းနိုင်ငံမြောက်ပိုင်း၊ ချင်းရိုင်းခရိုင်၊ မယ်ဆိုင်မြို့ရှိ ခွန်နမ့်နန်းနွန်း လိုဏ်ဂူကြီးအတွင်း ပိတ်မိနေတဲ့ တောဝက် အကယ်ဒမီဘောလုံးသမားအဖွဲ့က လူငယ် ၁၃ ဦးကို ပြန်တွေ့တဲ့ ဗွီဒီယိုဖိုင် ထွက်ပေါ်လာပြီးနောက် အဲဒီလူငယ်တွေထဲက ပိုပြီးစိတ်ဝင်စားစရာကောင်းတဲ့ လူငယ် ၂ ဦးအကြောင်း ထိုင်းသတင်းမီဒီယာတွေက စုံစမ်းဖော်ပြခဲ့ကြပါတယ်။
အဲဒီလူငယ် ၂ ဦးမှာ ကယ်ဆယ်ရေး ရေငုပ်သမား ဗြိတိန်နိုင်ငံသား ၂ ဦးနဲ့ စတွေ့တွေ့ချင်း အင်္ဂလိပ်လို အပြန်အလှန် ပြောဆိုနိုင်ခဲ့တဲ့ အသက် ၁၄ နှစ်ရွယ်ရှိ နောင့်အဒွန်းလ်နဲ့ လူငယ်တွေအားလုံး လိုဏ်ဂူကြီးထဲ ရက်ပေါင်းရှည်ကြာ ခံနိုင်ရည်ရှိအောင် စောင့်ရှောက်ခဲ့သူ၊ လက်ရှိ အားအင်အလျော့ပါးဆုံးဖြစ်သူ အသက် ၂၅ နှစ်ရွယ်ရှိ ဘောလုံးနည်းပြဆရာ ခို့စ်အေခ် တို့ပဲ ဖြစ်ကြပါတယ်။
နောင့်အဒွန်းလ်ဟာ မှောင်နဲ့မည်းမည်း ဂူကြီးထဲ အစာမစားဘဲ ရက်ပေါင်းရှည်ကြာ နေခဲ့ရပေမယ့် ညှိုးမှိုင်ဖျော့တော့ခြင်းမရှိဘဲ လူစိမ်း နိုင်ငံခြားသားနဲ့တွေ့စဉ် အကူအညီရဖို့ သူတို့အဖွဲ့ကိုယ်စား အင်္ဂလိပ်လို သွက်လက်ချက်ချာစွာ အပြန်အလှန် ပြောဆိုခဲ့တာကြောင့် လူအများရဲ့ စိတ်ဝင်စားခြင်းခံခဲ့ရပါတယ်။
သူ့အကြောင်းကို ပိုပြီးသိရှိရဖို့ သတင်းထောက်တွေက သူတက်နေတဲ့ ဘန့်ဝိန်းဖန်းကျောင်းကို သွားရောက်မေးမြန်းရာ အတန်းပိုင်ဆရာမ ခူးပိယရတ် ယွတ်ဆဝမ်နဲ့ ဘာသာရပ်ဆရာ ကျဖန်း ပန်ဦရတို့က နောင့်အဒွန်းလ် ခေါ် အဒွန်းလ် ဆာမ်အွန်ရဲ့ မိဘတွေက မြန်မာဘက်ခြမ်း မိုင်းဆတ်ခရိုင် နားကောင်းမူးရွာက ဝ တိုင်းရင်းသားလူမျိုးဖြစ်ပြီး ဆင်းရဲနွမ်းပါးသူတွေဖြစ်လို့ MaeSai Grace Church ခရစ်ယာန်ကျောင်းမှာ လာရောက်အပ်နှံ ထားတာလို့ ဆိုပါတယ်။
အဒွန်းလ်ဟာ သူတို့ကျောင်းကို အသက် ၇ နှစ်ရွယ် ပထမတန်းကတည်းက စတင်ရောက်ရှိလာပြီး ရိုးသားကြိုးစားသူဖြစ်ကာ အားကစားမှာရော ဂီတနဲ့ ပညာရေးမှာပါ ထူးချွန်ကြောင်း၊ အပြေးသန်ပြီး အားကစားပြိုင်ပွဲတွေမှာ ကျောင်းရဲ့ကိုယ်စားပြု ဆုဖလားတွေ ရယူပေးခဲ့သလို ဂစ်တာ၊ စန္ဒယား၊ ပီယာနိုတွေလည်း တီးခတ်တတ်ကြောင်း၊ ပညာရေးမှာလည်း ဂရိတ် ၃ ဒသမ ၉ (အမြင့်ဆုံးမှာ ဂရိတ် ၄) အမြဲရရှိကြောင်း၊ ကျောင်းကသင်ပေးတဲ့ အာဆီယံနိုင်ငံ ဘာသာရပ်လည်း သင်ယူတာကြောင့် ထိုင်း၊ မြန်မာ၊ တရုတ်၊ အင်္ဂလိပ် စတဲ့ ဘာသာ ၄ မျိုး ပြောဆိုနိုင်ကြောင်း၊ သူဟာ သူများနည်းတူ စက်ဘီးစီးချင်လို့ ပြိုင်ပွဲကရလာတဲ့ ဆုငွေလေးတွေ စုဆောင်းပြီး ကိုယ်ပိုင်ဝယ်ယူခဲ့တာလို့ ဆိုပါတယ်။
သူဟာ ပေါင်းသင်းဆက်ဆံရေးကောင်းလို့ လူချစ်လူခင်များကြောင်း၊ ဘောလုံးအဖွဲ့နဲ့ အတူ ဂူထဲပျောက်ဆုံးကြောင်း သတင်းကြားသိချိန် တကျောင်းလုံး စိတ်မကောင်းဖြစ်ကြပြီး သူ့အတွက် ဆုတောင်းပွဲတွေ လုပ်ခဲ့သလို အဒွန်းလ်ရရှိခဲ့တဲ့ ဆုဖလားတွေ၊ ဆုယူတဲ့ ဓာတ်ပုံတွေ၊ ကျောင်းတွင်းလှုပ်ရှားမှု ဓာတ်ပုံတွေနဲ့ ပြခန်းလေးတခုလုပ်ကာ ကျောင်းသားတွေရဲ့ ရင်ထဲက မက်ဆေ့ခ်ျတွေ ရေးသားခဲ့ကြကြောင်း၊ သူ့ကို ပြန်တွေ့ရတော့ တကျောင်းလုံး ဟေးကနဲ ပျော်ရွှင်စွာထခုန်ပြီး သူဂူထဲကနေ ဘေးကင်းစွာ ပြန်ထွက်လာမယ့်ရက်ကို စောင့်မျှော်နေကြတယ်လို့ ဆရာ/ဆရာမတွေက ပြောပါတယ်။
ထိုင်းသတင်းမီဒီယာတွေမှာ အကျယ်တဝံ့ ဖော်ပြခံနေရသူ ဂူထဲက နောက်ထပ် လူငယ်တဦးကတော့ အသက် ၂၅ နှစ်ရွယ်ရှိ သူတို့ရဲ့ ဘောလုံးနည်းပြဆရာ ခို့စ်အေခ် ခေါ် နိုင်းဧကဖုန်း ကျန်ထဝုန်းပဲ ဖြစ်ပါတယ်။
အသင်းထဲက လူငယ် ၁၂ ဦးလုံး ဂူထဲမှာ ဘာမှမဖြစ်အောင် ဘယ်လိုစောင့်ရှောက် နည်းပြခဲ့သလဲလို့ ကယ်ဆယ်ရေးအဖွဲ့က မေးမြန်းရာမှာ ခို့စ်အေခ်က သူဟာ သာသနာ့ဘောင်ထဲမှာ ၁ဝ နှစ်နေခဲ့ဖူးပြီး တရားထိုင်ဖူးတာကြောင့် အစာမစားဘဲ ရက်ပေါင်း ၇ဝ ထိ နေနိုင်တဲ့နည်းကို သိထားကြောင်း၊ အဲဒါကတော့ တရားထိုင်တာပဲဖြစ်လို့ ကလေးတွေကို တရားထိုင်စေခဲ့ကြောင်း၊ ဒါ့အပြင် ခန္ဓာကိုယ်ထဲက စွမ်းအင်တွေ မကုန်ဆုံးဖို့ အတတ်နိုင်ဆုံး ငြိမ်ငြိမ်လေးနေဖို့၊ အနွေးဓာတ်ရအောင် တဦးနဲ့တဦး ပူးကပ်စွာထိုင်ဖို့၊ ဂူထဲက ညစ်ပတ်တဲ့ ရေတွေထဲ ရောဂါပိုးတွေ ပါမှာစိုးလို့ အပေါ်ကကျလာတဲ့ ကျောက်စက်ရေတွေသာ သောက်သုံးစေခဲ့ကြောင်း၊ သူတို့ ဂူထဲမဝင်ခင် ကလေးတွေမှာ လက်နှိပ်ဓာတ်မီးကိုယ်စီ ပါလာပြီး ဓာတ်မီးကို ချွေတာတဲ့အနေနဲ့ တလုံးပြီးမှ တလုံးသာ အသုံးပြုစေခဲ့တယ်လို့ ဆိုပါတယ်။
သူတို့ရဲ့ကျန်းမာရေးကို ဆေးမှူးတွေ စစ်ဆေးရာမှာ ခို့စ်အေခ်က အားလုံးထဲမှာ အားအင်အချည့်နဲ့ဆုံးသူဖြစ်ပြီး ကလေးတွေ ပြောပြချက်အရ သူတို့ယူလာတဲ့ မုန့်တွေကို ခို့စ်အေခ်က လုံးဝမစားဘဲ ကလေးတွေပဲ ကျွေးခဲ့တာလို့ ဆိုပါတယ်။
တော်ဝင်ရေတပ်က ရိုက်ကူးခဲ့တဲ့ ဗွီဒီယိုဖိုင်ထဲမှာတော့ ခို့စ်အေခ်ဟာ အလွန်ချောင်ကျ ပိန်လှနေပြီး စကားလည်းမပြော၊ ကင်မရာကိုလည်း မကြည့်ဘဲ ညှိုးမှိုင်နေတာကို လူတွေ သတိထားမိကြပါတယ်။ အဲဒါနဲ့ ပတ်သက်ပြီး ထိုင်းတရားရေးဝန်ကြီးဌာန လက်ထောက်ဝန်ကြီး က ခို့စ်အေဟာ ကလေးတွေကို အကောင်းဆုံးစောင့်ရှောက်နိုင်တဲ့ ခေါင်းဆောင်ကောင်းဖြစ်လို့ ကလေးတွေ အပြင်ထွက်လာရင် သူအရင်ဆုံးပွေ့ဖက်ချင်သူဟာ နည်းပြခို့စ်အေခ် ဖြစ်ကြောင်း၊ ဒါပေမယ့် သူ့မျက်နှာ မရွှင်မပျဖြစ်နေတာကို ကြည့်ချင်းအားဖြင့် သူဟာ ကလေးတွေဂူထဲ ၀င်တာကို မတားဆီးမိလို့ နောင်တရနေဟန်ရှိကြောင်း၊ သူတို့ကြောင့် အားလုံးဒုက္ခရောက်ကြလို့ သူ့ကိုယ်သူ ခွင့်မလွှတ်နိုင်ဘဲ တစုံတခုဖြစ်သွားမှာ စိုးရိမ်ကြောင်း၊ ဒါကြောင့် နည်းပြခိုစ့်အေခ်ကို အပြစ်မယူဖို့၊ အားပေးစကားတွေ ပြောကြဖို့ ဒုဝန်ကြီးက သူ့ဖေ့စ်ဘွတ်ခ်မှာ ရေးသားတောင်းဆို လိုက်ပါတယ်။
ခို့စ်အေခ်ရဲ့ ကိုယ်ရေးရာဇ၀င်နဲ့ ပတ်သက်ပြီး သူကိုရင်ဘ၀က နေထိုင်ခဲ့ဖူးတဲ့ လမ်းပွန်း မြို့နယ် ဆောင်ဟင်ကျောင်းတိုက်က ကျောင်းထိုင်ဆရာတော် ဖရအထိကန်ဘွန်းဆုန်ကို ထိုင်းတီဗွီ NEWS 18 channel က ဆက်သွယ်မေးမြန်းရာမှာ ခို့စ်အေခ်မှာ မိဘမဲ့ကလေး တဦးဖြစ်ကြောင်း၊ ဘုန်းကြီးရဲ့ ထိုင်းလူမျိုး ဒကာတွေက မယ်ဆိုင်ကခေါ်လာတဲ့ ကိုရင်လေးတပါးကို ကျောင်းမှာ လာအပ်ထားခဲ့ကြောင်း၊ စာကြိုးစားပြီး ပထမကြီးတန်းကို အောင်မြင်ပြီးဖြစ်တယ်လို့ ဆိုပါတယ်။
သူဟာ ကျောင်းဝေယျာဝစ္စ ကျေပွန်တဲ့အပြင် ရပ်ထဲရွာထဲ အလှူအတန်း၊ ဘာသာရေးပွဲ တွေလည်း ဦးဆောင်ကျင်းပတတ်တာကြောင့် ကျေးရွာအုပ်စုတခုလုံးမှာ မသိသူမရှိကြောင်း၊ ကျောင်းတိုက်မှာ ၈ နှစ်နေသွားပြီး သာသနာ့ဘောင်မှာ ထာဝရမွေ့လျော်လိုပေမယ့် တနေတော့ မြန်မာနိုင်ငံ တာချီလိတ်မှာ ကျန်ခဲ့တဲ့ တဦးတည်း ဘွားအေဖြစ်သူမှာ နေမကောင်းလို့ အဘွားကို အလုပ်အကျွေးပြုဖို့ ရှင်လူထွက်သွားခဲ့ရတယ်လို့ ဆရာတော်က မိန့်ပါတယ်။
ခို့စ်အေခ် လူထွက်ပြီးတဲ့နောက် တာချီလိတ်တဘက်ကမ်း မယ်ဆိုင်မြို့မှာ အလုပ်လုပ် ကြောင်း၊ သူဟာ ဘောလုံးကန်ခြင်း၊ စက်ဘီးစီးခြင်း စတဲ့အားကစားမှာထူးချွန်လို့ ကလေးတွေ ရဲ့ ဘောလုံးနည်းပြ စေတနာ့ဝန်ထမ်းကျောင်းဆရာဖြစ်ခဲ့တာလို့ မယ်ဆိုင် ဖရထတ်လွယ်ဝေါ၀်း ကျောင်းတိုက်က ကျောင်းထိုင်ကိုယ်တော်က AMARIN TV သတင်းဌာနကို ပြောပါတယ်။
ဒါပေမယ့် ခို့စ်အေခ်မှာ ထိုင်းမှတ်ပုံတင်မရှိတာကြောင့် တခြားခရိုင်က အားကစားပြိုင်ပွဲ တွေမှာ ကလေးတွေနဲ့အတူလိုက်သွားရင် သွားလာရေးအခက်အခဲရှိကြောင်း၊ သူ့မိဘတွေဟာ သူ့ကိုထိုင်းမှာမွေးပြီး ဆုံးပါးသွားခဲ့ပေမယ့် မွေးစာရင်းမရှိလို့ ထိုင်းမှတ်ပုံတင်လျှောက်ထားလို့ မရကြောင်း၊ လောလောဆယ် သူက မြန်မာနိုင်ငံကူးလက်မှတ်ကိုပဲ ပြန်သုံးနေရတယ်လို့ ဆရာတော်က မိန့်ကြားသွားပါတယ်။
ခို့စ်အေခ်ရဲ့ အဘွားဖြစ်သူကို ထိုင်းချနယ်လ် ၃ သတင်းထောက်က တာချီလိတ်ထိ သွားရောက်တွေ့ဆုံမေးမြန်းရာမှာ မြေးဖြစ်သူ ဂူထဲပျောက်ဆုံးနေတဲ့ အကြောင်းကြားသိရလို့ နေ့တိုင်းစိတ်ပူစွာ ငိုကျွေးခဲ့ရကြောင်း၊ အသက်ကြီးပြီး လမ်းမလျှောက်နိုင်လို့ ဂူထိလည်း လာမစောင့်နိုင်ကြောင်း၊ သူတို့ကို ပြန်တွေ့ပြီ ဆိုတော့လည်း ၀မ်းသာလွန်းလို့ ငိုရပြန်တယ်လို့ ထိုင်း တီဗွီချန်နယ်လ် ၃ မှာ ဖော်ပြသွားပါတယ်။
3 years Ago
