ဂူဂဲလ်

A d v e r t i s e m e n t With Us

August 13, 2020

ဂူဂဲလ်၏ အန်းဒရိုက်စမတ်ဖုန်းများတွင် မြေငလျင်ထောက်လှမ်းနိုင်တော့မည်

ဂူဂဲလ်ရဲ့ အန်းဒရိုက် စမတ်ဖုန်းတွေဟာ သြဂုတ် ၁၁ ရက်ကစပြီး ကမ္ဘာတဝန်းက ငလျင်တွေကို ထောက်လှမ်းနိုင်တော့မှာ ဖြစ်ပါတယ်။ ငလျင်လှုပ်တာ မစခင် စက္ကန့်ပိုင်းအတွင်း လူတွေ ကိုယ့်ကိုယ်ကိုယ် ကာကွယ်နိုင်ဖို့ ငလျင်ဗဟိုချက်နဲ့ ဝေးတဲ့နေရာကလူတွေ အပျက်အစီးနဲ့ ဒဏ်ရာရတာ လျှော့ချဖို့ ရည်မှန်း ထုတ်လုပ်ထားတာပါ။ ဂျပန်၊ မက္ကဆီကိုနဲ့ အမေရိကန်နိုင်ငံ ကာလီဖိုးနီးယားပြည်နယ်တွေကတော့ သတိပေးချက်တွေ ထုတ်လွှင့်ဖို့ မြေပြင်အခြေစိုက် အာရုံခံစနစ်တွေကို သုံးနေနှင့်ပြီးပါပြီ။ စမတ်ဖုန်းတွေကို ငလျင်တိုင်းကိရိယာ အသေးစားအဖြစ် ပုံပြောင်းနိုင်တာဟာ အကြီးစား တိုးတက်မှုပဲလို့လည်း ငလျင်ပညာရှင်တွေက ပြောပါတယ်။ ကမ္ဘာတဝန်းမှာ စမတ်ဖုန်းနဲ့ တက်ဘလက် သန်း ၂၅၀၀ ကျော်ဟာ ဂူဂဲလ်ရဲ့ အန်ဒရိုက် လည်ပတ်မှုစနစ်ကို သုံးထားပါတယ်။ ဒါပေမဲ့ ဂူဂယ်ရဲ့ ပလေးဆားဗစ် ဆော့ဖ်ဝဲလ်ကို တားမြစ်ပိတ်ပင်ထားတဲ့ တရုတ်နိုင်ငံ အပါအဝင် ဒေသတချို့မှာတော့ ဒီစနစ်ကို သုံးလို့ ရမှာ မဟုတ်ပါဘူး။ ဂူဂဲလ်ဟာ သူ့စီမံကိန်းတွေကို အမေရိကန် အပါအဝင် ကမ္ဘာ့ဈေးကွက် တဝက်လောက်ကို ရထားတဲ့ အန်းဒရိုက်ရဲ့ ပြိုင်ဘက် အက်ပဲလ် နိုင်ငံတကာ ကော်ပိုရေးရှင်းနဲ့ မဆွေးနွေးရသေးဘူးလို့ ဂူဂဲလ်ရဲ့ ဆော့ဖ်ဝဲလ်အင်ဂျင်နီယာက ပြောပါတယ်။
7 months Ago

April 9, 2020

COVID-19 ကပ်ရောဂါဘေးကာလ မြန်မာပြည်သူများ၏ သွားလာမှု အခြေအနေ ဂူဂဲလ်ထုတ်ပြန်

COVID-19 ကပ်ရောဂါဘေးနဲ့ကြုံတွေ့ရင်ဆိုင်နေရတဲ့ကာလမှာ မြန်မာအပါအဝင် ကမ္ဘာ့နိုင်ငံအသီးသီးမှာ   ပြည်သူလူထုတွေရဲ့သွားလာမှု အခြေအနေတွေကို ဂူဂဲလ်ကနေ ထောက်လှမ်းပြီး အစီရင်ခံ ထုတ်ပြန်ပေးနေ ပါတယ်။ ဒီအထဲမှာ မြန်မာနိုင်ငံက ပြည်သူတွေရဲ့ သွားလာမှုတွေကို   ဖေဖော်ဝါရီလလယ်ပိုင်းကနေ မတ်လကုန်ပိုင်းအထိကို မှတ်တမ်းလုပ်ပြီး ထုတ်ပြန်ထားရာမှာ ကပ်ရောဂါဖြစ်နေတဲ့ကာလအတွင်း  မြန်မာပြည်သူလူထုတွေဟာ လက်လီအရောင်းဆိုင်တွေနဲ့ အပန်းဖြေရာနေရာတွေကိုသွားတာ၊ ဘူတာနဲ့ ကားဂိတ်လို နေရာတွေမှာ အသွားအလာ ကျဆင်းသွားတယ်လို့ဆိုပါတယ်။ ကုန်စုံဆိုင်နဲ့ ဆေးဆိုင်တွေကို သွားတာကတော့ မတ်လအစပိုင်းကနေ လကုန်ပိုင်းအထိ ပုံမြင့်တက်ခဲ့ပြီး လကုန်ခါနီးမှာ  ထိုးတက်သွားကာ မကြာမီ ပြန်ကျသွားတာ တွေ့ရပါတယ်။ ပုံမှန်အခြေအနေနဲ့ နှိုင်းယှဉ်ရင်တော့ လက်လီအရောင်းဆိုင်တွေနဲ့ အပန်းဖြေနေရာတွေကို သွားလာမှု ၄၁ ရာခိုင်နှုန်း၊ ကုန်စုံဆိုင်တွေနဲ့ ဆေးဆိုင်တွေကို သွားလာမှု ၂၉ ရာခိုင်နှုန်း၊ ပန်းခြံတွေကို သွားလာမှု ၁၉ ရာခိုင်နှုန်း၊ ဘတ်စ်ကားဂိတ်နဲ့ ဘူတာရုံတွေကို သွားလာမှု ၃၉ ရာခိုင်နှုန်း ကျဆင်းသွားတယ်လို့ ဆိုပါတယ်။ ဒါ့အပြင် အလုပ်လုပ်ကိုင်ရာနေရာတွေကို သွားလာမှုကတော့ ၁၀ ရာခိုင်နှုန်းသာ လျော့နည်းသွားပြီး နေအိမ်တွေမှာ နေထိုင်မှုကတော့ ၁၂ ရာခိုင်နှုန်းတိုးလာတယ်လို့ ဂူဂဲလ် အစီရင်ခံစာအရ သိရပါတယ်။ COVID-19 ဗိုင်းရပ်စ်ကူးစက်ပျံ့နှံ့မှု အခြေအနေကို  ကမ္ဘာ့ကပ်ရောဂါအဖြစ် မတ်လ ၁၁ ရက်နေ့မှာ ကမ္ဘာ့ကျန်းမာရေးအဖွဲ့ (WHO)က ကြေညာလိုက်ပြီးနောက် မြန်မာနိုင်ငံတဝန်း လူစုလူဝေးနေရာတွေကို သွားလာခြင်းမပြုကြဖို့နဲ့ တတ်နိုင်သလောက် နေအိမ်တွေမှာ နေကြဖို့ အစိုးရက ညွှန်ကြားထားတာ ဖြစ်ပါတယ်။
11 months Ago
Up