ဂိုးသမား

February 17, 2022

ဂရိစတုတ္ထတန်းလိဂ်တွင် ဂိုးသမားတစ်ဦးက တစ်ပွဲတည်း သုံးဂိုးသွင်းယူ

ဂရိစတုတ္ထတန်းဘောလုံးလိဂ်ပွဲစဉ်တစ်ပွဲမှာ ဂိုးသမားတစ်ဦးက တစ်ပွဲတည်း သုံးဂိုးသွင်းယူနိုင်ခဲ့လို့ နာမည်ကြီးသွားပါတယ်။ 

ပြီးခဲ့တဲ့ ဖေဖော်ဝါရီ ၁၃ ရက်နေ့ ပွဲစဉ်မှာ ပက်လော့စ်မယ်လက်စ်အသင်းက အသက် ၃၇ နှစ်ရှိ ဂိုးသမားဗက်ဆယ်လီကွန်ဟာ ပြိုင်ဘက် အဲတော့စ် အသင်းကို ပင်နယ်တီတွေကနေတဆင့် အနိုင်ဂိုး ၃ ဂိုးသွင်းယူခဲ့တာပါ။ 

၃ ဂိုး ဂိုးမရှိနဲ့ အနိုင်ရခဲ့တဲ့ အဲဒီစတုတ္ထတန်း လိဂ်ပွဲစဉ်မှာ ဂိုးသမား ဗက်ဆယ်လီကွန်က ပင်နယ်တီတွေကနေတဆင့်  ပထမပိုင်းမှာ ၂ ဂိုး၊ ဒုတိယပိုင်းမှာ ၁ ဂိုးသွင်းယူခဲ့ပါတယ်။ 

ပင်နယ်တီသွင်းယူရာမှာ ချဲလ်ဆီးကွင်းလယ် ယော်ဂင်ညိုရဲ့ ကန်သွင်းပုံ နည်းနစ်အတိုင်း သွင်းခဲ့ပြီး ပြိုင်ဘက်ဂိုးသမားက နေရာယူပုံပါ လွဲမှားခဲ့ရပါတယ်။ 

ပွဲစဉ်တစ်ပွဲမှာ ဂိုးသမားတစ်ဦးက ၃ ဂိုး သွင်းယူနိုင်ခဲ့တာက ရှားပါးတဲ့ဖြစ်ရပ်ဖြစ်ပါတယ်။ ၁၉၉၉ ခုနှစ်မှာ ပါရာဂွေး နာမည်ကျော် ဂိုးသမား ချီလာဗက်တစ်ဦးသာ တစ်ပွဲတည်း ၃ ဂိုးသွင်းခဲ့ဖူးပါတယ်။ ဂိုးသမားချီ လာဗက်ဟာ ပင်နယ်တီနဲ့ ဖရီးကစ်ကန်သွင်းမှုတွေကောင်းမွန်ပြီး သူ့ရဲ့ဂိုးသမားဘဝမှာ သွင်းဂိုး ၆၇ ဂိုးအထိ သွင်းယူနိုင်ခဲ့ပါတယ်။ 

10 months Ago

November 17, 2021

အီရန်အမျိုးသမီးအသင်း ဂိုးသမားကို ကျား၊ မ စစ်ဆေးပေးရန် ဂျော်ဒန်အသင်း တောင်းဆို

အမျိုးသားတစ်ဦးလို ဖြစ်နေတဲ့ အီရန်အမျိုးသမီးဂိုးသမားကို ကျား၊ မ စစ်ဆေးပေးဖို့ ဂျောဒန်ဘောလုံးအဖွဲ့ချုပ်က တောင်းဆိုထားပါတယ်။ 

အီရန်နဲ့ ဂျော်ဒန်အမျိုးသမီးအသင်းတို့ဟာ ပြီးခဲ့တဲ့စက်တင်ဘာလက အာရှအမျိုးသမီးခြေစစ်ပွဲ ကစားခဲ့ပြီး အီရန်က ပင်နယ်တီအဆုံးအဖြတ်မှာ အနိုင်ရပြီး ခြေစစ်ပွဲ အောင်သွားခဲ့တာပါ။ 

ပင်နယ်တီအဆုံးအဖြတ်မှာ ပင်နယ်တီ ၂ ကြိမ်ကို ကာကွယ်ခဲ့တဲ့ အီရန်ဂိုးသမားဟာ အမျိုးသားတစ်ဦးပုံစံ ရှိတာကြောင့် ကျား၊ မ စစ်ဆေးပေးဖို့ ဂျော်ဒန်ဘက်က အာရှဘောလုံး အဖွဲ့ချုပ်ကို တောင်းဆိုခဲ့တာပါ။ 

အသက် ၃၂ နှစ်ရှိ အီရန်အမျိုးသမီးအသင်းဂိုးသမား ဇော့ရက်ချ် ကူဒီယာအီကို ကျား၊ မ စစ်ဆေးပေးဖို့ တောင်းဆိုတဲ့အပေါ် အီရန်အသင်းဆရာဝန်က စိုးရိမ်စရာမလိုကြောင်း မှတ်ချက်ပေးခဲ့ပြီး အီရန်အသင်းမန်နေဂျာကလည်း ရှုံးနိမ့်မှုအပေါ် ဆင်ခြေပေးနေတာဖြစ်တယ်လို့ ပြန်လည်တုံ့ပြန်ပါတယ်။ 

ဖီဖာဒုတိယဥက္ကဋ္ဌဟောင်းဖြစ်သူ ဂျော်ဒန်အိမ်ရှေ့မင်းသား အလီကတော့ အမျိုးသားဖြစ်နေမယ်ဆိုရင် အလွန်စိုးရိမ်စရာကောင်းပြီး အမြန်ဆုံးစစ်ဆေးပေးဖို့ တောင်းဆိုကြောင်း ပြောပါတယ်။ 

အာရှဘောလုံး အဖွဲ့ချုပ်ဘက်ကတော့ စုံစမ်းစစ်ဆေးနေဆဲဖြစ်ပြီး မှတ်ချက်တစ်စုံတစ်ရာ မပေးလိုကြောင်း ပြောထားပါတယ်။

1 year Ago
More News
Up