ဂိုးပြတ်နိုင်ရန် မလွယ်

May 26, 2020

ဒေါ့မွန်ကို ပထမအကျော့ကလို ဂိုးပြတ်နိုင်ရန် မလွယ်ဟု ဘိုင်ယန်နည်းပြ သုံးသပ်

ဒေါ့မွန်အသင်းကို ပထမအကျော့ကလို ဂိုးပြတ်နိုင်ဖို့ မလွယ်ကူတော့ကြောင်း ဘိုင်ယန်မြူးနစ် နည်းပြ ဖလစ်ခ်က ပြောပါတယ်။ ဘိုင်ယန်နဲ့ ဒေါ့မွန်အသင်းတို့ဟာ ဒီကနေ့ည ၁၁ နာရီမှာ ဒေါ့မွန်ကွင်းမှာ ယှဉ်ပြိုင်ကြမှာပါ။ ပထမအကျော့ ဘိုင်ယန်မြူးနစ်ကွင်းမှာတုန်းက ဘိုင်ယန်က ၄ ဂိုး ဂိုးမရှိနဲ့ အနိုင်ရခဲ့တာပါ။  လက်ရှိအချိန်မှာတော့ ဒေါ့မွန်အသင်းက အကောင်းဆုံးခြေစွမ်းရရှိနေပြီး ကစားသမားကောင်း ၂ ဦးလည်း ခေါ်ယူအားဖြည့်ထားတယ်လို့ ဘိုင်ယန်နည်းပြက ပြောပါတယ်။  ဒေါ့မွန်အသင်းဟာ ပြီးခဲ့တဲ့ အပြောင်းအရွှေ့မှာ ဂျူဗင်တပ်စ် ကွင်းလယ်လူ အမ်မရီချန်ကို အငှားနဲ့ ခေါ်ယူထားသလို တိုက်စစ်မှူး ဟာလန်းကိုလည်း ခေါ်ယူထားတာ ဖြစ်ပါတယ်။  ဒေါ့မွန်နည်းပြ လူစီယန်ဖာကတော့ ရာသီအကြို ဂျာမန်စူပါဖလားမှာတုန်းက အိမ်ကွင်းမှာပဲ ၂ ဂိုး ဂိုးမရှိနဲ့ အနိုင်ရရှိခဲ့ဖူးတာကို ပြန်လည်ပြောပြသွားပြီး အဲဒီလိုရလဒ်ကောင်း ပြန်ရဖို့ ကြိုးပမ်းမှာ ဖြစ်တယ်လို့ ပြောသွားခဲ့ပါတယ်။
1 year Ago
Up