ဂါဘရီရယ်

July 15, 2022

ဂါဘရီယယ်အတွက် ကွင်းလယ်ကစားသမား ၂ ဦးပါ အလိုက်ပေးကမ်းလှမ်းရန် ဂျူဗင်တပ်စ် စီစဉ်

ဂျူဗင်တပ်စ်အသင်းဟာ အာဆင်နယ်နောက်ခံလူ ဂါဘရီယယ်အတွက် ပြောင်းရွှေ့ကြေးအပြင် ကွင်းလယ်ကစားသမား နှစ်ယောက်ပါ အလိုက်ပေးကမ်းလှမ်းဖို့ စီစဉ်နေပါတယ်။

အဓိကနောက်ခံလူ ဒီလစ်က အသင်းပြောင်းဖို့ရှိတာကြောင့် သူ့နေရာမှာ အစားထိုးနိုင်ဖို့အတွက် အာဆင်နယ်က ဘရာဇီးနောက်ခံလူ ဂါဘရီယယ်ကို ပစ်မှတ်ထားလာတာပါ။

ဂါဘရီယယ်အတွက် ပြောင်းရွှေ့ကြေး ပေါင် ၂၅ သန်းနဲ့ ကွင်းလယ်လူ ရာဘီယူးကို အလိုက်ပေးမှာဖြစ်သလို နောက်ထပ်ကွင်းလယ်လူ အာသာ မယ်လိုကိုပါ တရာသီအငှားချဖို့ ဂျူဗင်တပ်စ်အသင်းက ပြင်ဆင်ထားတာပါ။

အာဆင်နယ်ဘက်ကတော့ အဓိကနောက်ခံလူ ဂါဘရီယယ်ကို ရောင်းချမှာမဟုတ်ကြောင်း ပြောဆိုထားပေမဲ့ ကွင်းလယ်လူ ၂ ဦး ရရှိမယ့်အခြေအနေက မက်လုံးတခု ဖြစ်လာနိုင်ပါတယ်။

အာဆင်နယ်ဟာ မနှစ်က ဇန်နဝါရီမှာကတည်းက ဘရာဇီးကွင်းလယ်လူ အာသာမယ်လိုကို အငှားခေါ်ယူဖို့ နီးစပ်ခဲ့ကြောင်း အေးဂျင့်ဖြစ်သူက အတည်ပြုထားပါတယ်။

5 months Ago

December 29, 2020

အာဆင်နယ်နောက်ခံလူ ဂါဘရီရယ် ကိုဗစ်-၁၉ ကူးစက်

အာဆင်နယ်နောက်ခံလူ ဂါဘရီရယ်ဟာ ကိုရိုနာဗိုင်းရပ်စ်ကူးစက်ခံထားရပြီး သီးသန့် ခွဲခြား နေထိုင်နေရပါတယ်။  ကစားသမားဟာ ရောဂါပိုးရှိသူနဲ့ ထိတွေ့မှု ရှိခဲ့ပြီး ကြိုတင်ကာကွယ်မှုအနေနဲ့ ခွဲခြား နေထိုင်နေရသူဖြစ်တယ်လို့ အသင်းဘက်က အတည်ပြုပါတယ်။ သူ့ရဲ့ကွာရန်တင်း အခြေအနေကြောင့် ကစားသမားဟာ ချဲလ်ဆီးအသင်းနဲ့ပွဲစဉ်ကို လွဲချော်ခဲ့သလို ဒီဇင်ဘာ ၂၉ ဘရိုက်တန်၊ ဇန်နဝါရီ ၂ ရက်ဝက်စ်ဘ ရွမ်းနဲ့ပွဲစဉ်တို့ကိုလည်း လွဲချော်မှာ ဖြစ်ပါတယ်။  “ပရီးမီးယားလိဂ်နဲ့ အစိုးရရဲ့ သတ်မှတ်ချက်တွေနဲ့အညီ ဂါဘရီရယ်ဟာ ခွဲခြား နေထိုင်နေပါတယ်။ အသင်းဘက်က သူ့ကို စောင်ကြည့်ထောက်ပံ့ပေးသွားမှာဖြစ်ပြီး သူဟာ အသင်းရဲ့ လာမယ့် ၂ ပွဲကိုလွဲချော်ရ  တော့မှာဖြစ်ပါတယ်” လို့ အာဆင်နယ်အသင်းဘက်က ထုတ်ပြန်ချက်မှာ ဖော်ပြပါတယ်။  ဘရာဇီးလ်ကစားသမားဂါဘရီရယ်အပြင် အာဆင်နယ်အသင်းနဲ့နောက်ထပ်ကစားသမား ၂ ဦးဖြစ်တဲ့ ဒေးဗစ်လူဝစ္စနဲ့ ဝီလီယမ်တို့ဟာလည်း အာဆင်နယ်အသင်းနဲ့ ၂၀၂၀ နောက်ဆုံးပွဲစဉ်ကို လွဲချော်ရမယ်လို့သိရပါတယ်။  သူတို့ ၂ ဦးစလုံးဟာ ဖျားနာမှုကြောင့် ချဲလ်ဆီးအသင်းနဲ့ပွဲစဉ်ကို လွဲချော်ခဲ့ရသူတွေဖြစ်ပြီး အခုချိန်အထိမသက်သာသေးဘူးလို့ အာဆင်နယ်အသင်းကပြောပါတယ်။ အသင်းရဲ့အစောပိုင်းထုတ်ပြန်ချက်မှာ ဒီကစားသမား ၂ ဦးရဲ့ ဆေးစစ်မှုမှာ ဗိုင်းရပ်စ် ကူးစက်ခံရခြင်း မရှိဘူးလို့ သိရပါတယ်။  ဘရာဇီးကစားသမားတွေနဲ့အတူ သောမတ်စ်ပါတေးဟာလည်း အသင်းရဲ့ဒဏ်ရာရ စာရင်းမှာ ရှိနေပါတယ်။  ပါတေးဟာ ဒီဇင်ဘာ ၆ ရက်နေ့ကတည်းက ဒဏ်ရာ ရရှိခဲ့တာဖြစ်ပြီး သူ့အခြေအနေကို နေ့စဉ်အနီးကပ်စောင့် ကြည့်စစ်ဆေးနေတယ်လို့အသင်းက ပြောပါတယ်။  ဗိုင်းရပ်စ်ကူးစက်ခံခဲ့ရတဲ့ ဂါဘရီရယ်ဟာ အာဆင်နယ်အသင်းအတွက် ပရီးမီးယားလိဂ်နဲ့ ယူရိုပါလိဂ် ၁၅ ပွဲကစားပေးထားပြီး ၂ ဂိုးသွင်းယူပေးထားသူလည်း ဖြစ်ပါတယ်။ 
2 years Ago
Up