ဂရမ်မီဆု ဆန်ခါတင်စာရင်း

November 25, 2020

ဂရမ်မီဆု ဆန်ခါတင်စာရင်းတွင် ဘီယွန်းစေးက ဆု ၉ ဆုဖြင့် ထိပ်ဆုံးက ဦးဆောင်

လာမယ့် ၂၀၂၁ ခုနှစ် ဂရမ်မီဆု ဆန်ခါတင်စာရင်းတွေ ထွက်ရှိလာခဲ့ပြီဖြစ်ကာ အခုနှစ်မှာတော့ နာမည်ကြီးအဆိုတော်တယောက်ဖြစ်တဲ့ ဘီယွန်းစေးက ဆုအများဆုံးနဲ့ ထိပ်ဆုံးက ဦးဆောင်နေပါတယ်။ အသက် ၃၉ နှစ်အရွယ် အဆိုတော်ဟာ Black Lives Matter လှုပ်ရှားမှုအတွက် သီဆိုခဲ့တဲ့ Black Parade သီချင်းနဲ့ ဆု ၄ ဆုအပါအဝင် စုစုပေါင်းဆု ၉ ဆုနဲ့ ဆန်ခါတင်စာရင်းမှာ ပါဝင်လာခဲ့တာပါ။ သူ့နောက်မှာတော့ အဆိုတော် တေလာဆွစ်စ်က လော့ခ်ဒေါင်းကာလမှာ ထွက်ရှိခဲ့ပြီး စံချန်တင်အောင်မြင်မှုရရှိခဲ့တဲ့ Folklore တေးအယ်လ်ဘမ်နဲ့အတူ ဆန်ခါတင်စာရင်းထဲမှာ ဆု ၆ ဆုနဲ့ ပါဝင်ခဲ့ပြီး ဗြိတိန်အဆိုတော် ဒူအာလီပါကလည်း သူ့ရဲ့ ဒုတိယမြောက်တေးအယ်လ်ဘမ် Future Nostalgia နဲ့အတူ ဆန်ခါတင်ဆု ၆ ဆုနဲ့ ဒီစာရင်းထဲ ပါဝင်နေခဲ့တာ ဖြစ်ပါတယ်။ နောက်ထပ် ထူးခြားတာကတော့ Billboard 200 charts မှာ သီတင်းပတ် ၄ ပတ် ဆက်တိုက် နံပါတ် ၁ နေရာမှာရှိနေတဲ့ တေးအယ်လ်ဘမ် After Hours နဲ့ နာမည်ကြီးခဲ့တဲ့ ကနေဒါအဆိုတော် The Weekend က ဂရမ်မီဆု ဆန်ခါတင်စာရင်းမှာ ဆုတဆုမှ ပါမလာခဲ့တာပါပဲ။ မနှစ်က ဂရမ်မီဆုပေးပွဲမှာ ဆု ၅ ဆုနဲ့ အများဆုံးသိမ်းပိုက်သွားခဲ့ပြီး အသက်အငယ်ဆုံး ဆုရှင်အဖြစ် စံချိန်တင်ခဲ့တဲ့ အမေရိကန် အဆိုတော်ကောင်မလေး ဘီလီအိုင်းလစ်ရှ်ကတော့ အခုနှစ်မှာ ဆန်ခါတင်ဆု ၄ ဆုနဲ့ စာရင်းဝင်လာခဲ့တာပါ။ ၆၃ ကြိမ်မြောက်အဖြစ် ဂရမ်မီဆုပေးပွဲ အခမ်းအနားကိုတော့ လာမယ့် ၂၀၂၁ ခုနှစ်၊ ဇန်နဝါရီလ ၃၁ ရက်နေ့မှာ ကျင်းပသွားမှာဖြစ်ပြီး အမေရိကန်ရုပ်သံလိုင်း စီဘီအက်စ်ကနေ ထုတ်လွှင့်သွားမှာ ဖြစ်ပါတယ်။
1 year Ago
Up