ဂရပ်ဖတီ

October 31, 2017

ဒေါ်နယ်ထရမ့်နှင့် နေတန်ယာဟုတို့ အနမ်းပေးနေကြသည့် ဂရပ်ဖတီရုပ်ပုံ ထွက်ပေါ်

အစ္စရေးအနောက်ဘက်ကမ်း ဗက်သလီဟမ်နံရံပေါ်မှာ ဝန်ကြီးချုပ် နေတန်ယာဟုနဲ့ အမေရိကန်သမ္မတ ဒေါ်နယ်ထရမ့်တို့ အနမ်းပေးနေကြတဲ့ ဂရပ်ဖတီရုပ်ပုံတပုံ ထွက်ပေါ်လာခဲ့ပါတယ်။ ဒီပုံကို သြစတြေးလျနိုင်ငံ၊ မဲလ်ဘုန်းမြို့အခြေစိုက် ဂရပ်ဖတီ အနုပညာရှင်တဦးဖြစ်တဲ့ လုရ်ှဆပ်ခ်က ရေးဆွဲခဲ့တာဖြစ်တယ်လို့ ရိုက်တာသတင်းမှာ အောက်တိုဘာ ၃၀ ရက်နေ့က ဖော်ပြပါတယ်။ သူဟာ ကမ္ဘာ့ခေါင်းဆောင်တွေနဲ့ နာမည်ကြီး သရုပ်ဆောင် အနုပညာရှင်တွေရဲ့ ပုံတွေကို ရေးဆွဲရာမှာလည်း နာမည်ကြီးသူတဦး ဖြစ်ပါတယ်။ လုရ်ှဆပ်ခ်ဟာ ဒီပုံကို တညလုံး ရေးဆွဲခဲ့ရတာဖြစ်ပြီး “ဒီနံရံက သူကိုယ်တိုင်ပေးတဲ့ သတင်းစကားတခုပါပဲ” လို့ ပြောလိုက်ပါတယ်။ ပုံပေါ်မှာတော့ ထရမ့်နဲ့ နေတန်ယာဟုတို့ရဲ့ အပြန်အလှန် ပြောစကားတွေကို ထည့်သွင်း ရေးဆွဲပြထားခဲ့တာကို တွေ့ရပါတယ်။ “ဒီနံရံအတွက် ကျေးဇူးပါပဲ… ထရမ်ပီပမ့်ပ်ကင်းလေးရယ်” လို့ နေတန်ယာဟုရဲ့ ပြောစကားအဖြစ် ထည့်သွင်းရေးသားခဲ့ပြီး ထရမ့်ကတော့ “ဘီဘီ… ငါ့ရဲ့အချစ်တွေဟာ မင်းနဲ့ မင်းရဲ့နိုင်ငံအတွက် အမြဲတမ်း ပထမပါပဲကွယ်” လို့ ဖော်ပြထားခဲ့တာပါ။ လုရ်ှဆပ်ခ်က “ကျနော် ဒီစာသားတွေထဲမှာ ပါလက်စတိုင်းလွတ်မြောက်ရေး၊ ဒါမှမဟုတ် တိုက်ရိုက်ပြောစကားတခုခုကို မရေးချင်ပါဘူး။ အဲဒါက လူတွေ လျစ်လျူရှုလိုက်ကြမှာ” လို့ ပြောပါတယ်။ သူ့ရဲ့ ၂၀၁၆ ခုနှစ်က ရေးဆွဲခဲ့တဲ့ အမေရိကန် နာမည်ကြီးတွေဖြစ်တဲ့ ဟီလာရီကလင်တန်နဲ့ မယ်လ်နီယာထရမ့်တို့ရဲ့ အပေါ်ပိုင်းဗလာကျင်း ဂရပ်ဖတီ လက်ရာတွေဟာလည်း နာမည်ကြီးခဲ့ပါသေးတယ်။ ဒီ့အတွက် သူ့ရဲ့ အင်စတာဂရမ်အကောင့်ကို ပိတ်လိုက်ရသည်အထိ ဖြစ်သွားခဲ့ဖူးပြီး အများပြည်သူကြား ဝေဖန်မှုတွေလည်း ခံခဲ့ရတာ ဖြစ်ပါတယ်။
4 years Ago

May 9, 2016

ထိုင်းဘူတာတွင် ဂရပ်ဖတီ လက်စွမ်းပြသည့် နိုင်ငံခြားသား ၂ ဦး ဝေဖန်မှုမြင့်တက် (ရုပ်သံ)

ထိုင်းနိုင်ငံ၊ ဘန်ကောက်မြို့၊ မြေအောက်ရထားဘူတာရုံတွင်းကို နိုင်ငံခြားသား ၂ ဦး ညအချိန်မှာ ၀င်ရောက်ပြီး ဂရပ်ဖတီလက်စွမ်းပြကာ ရမ်းကားဖျက်ဆီးခဲ့တဲ့အတွက် ထိုင်းပြည်သူတွေအကြားမှာ ဝေဖန်မှုတွေ မြင့်တက်လာခဲ့ပါတယ်။ ဒီရုပ်သံဗွီဒီယိုဖိုင်ကို The Grifters အမည်နဲ့ ဖေ့စ်ဘွတ်ခ် လူမှုကွန်ရက် စာမျက်နှာမှတဆင့် မျှဝေခဲ့ပြီးနောက်မှာ ဝေဖန်ပြစ်တင်မှုတွေ ပိုမိုမြင့်တက်လာခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။ ထိုင်းအင်တာနက်အသုံးပြုသူတွေက အဆိုပါ နိုင်ငံခြားသား ၂ ဦးအနေနဲ့ လက်ရှိ နိုင်ငံရဲ့ တည်ဆဲဥပဒေဆိုင်ရာ သဘောထားအပေါ် အလေးထားသင့်ပြီး ခုလို စည်းမျဉ်းချိုးဖောက်တာမျိုးတွေ မလုပ်သင့်ဘူးလို့ မှတ်ချက်ရေးခဲ့ကြပါတယ်။ ဘန်ကောက် မြေအောက်ရထားဘူတာရုံဟာ ၂၀၀၄ ခုနှစ်ကတည်းက စတင်ဖွင့်လှစ်ခဲ့ပြီး လှပတဲ့ဒီဇိုင်း အရောင်အသွေးတွေကြောင့် ဂရပ်ဖတီသမားတွေအတွက် မျက်စိကျစရာ ဖြစ်ခဲ့ပေမယ့် ထိုင်းရဲတွေရဲ့ စောင့်ကြပ်မှုတွေအောက်မှာ အနည်းစုသာ အောင်မြင်အောင် လုပ်နိုင်ခဲ့တယ်လို့ ရုပ်သံဗွီဒီယိုဖိုင်အညွှန်းမှာ ရေးခဲ့တာပါ။ ယူတာနဲ့ အီသာလို့ခေါ်တဲ့ အဲဒီ နိုင်ငံခြားသား ၂ ဦးဟာ မြေအောက်ရထားနံရံတွေပေါ်မှာ ဆေးခြယ်ဖို့ စိတ်အားထက်သန်စွာနဲ့ စွန့်စား သွားရောက်ခဲ့ကြတယ်လို့လည်း ဖော်ပြခဲ့တာပါ။ ရုပ်သံဗွီဒီယိုဖိုင်ထဲမှာ သူတို့ ၂ ဦးဟာ မြေအောက်ရထားဘူတာရုံ ခြံစည်းရိုးကို ကျော်တက်ကာ စွန့်စွန့်စားစား ၀င်ရောက်ခဲ့ကြပြီး ရထားနံရံတွေကို မှုတ်ဆေးဘူးတွေနဲ့ လက်စွမ်းပြခဲ့ကြကာ အပြင်ကို တိတ်တဆိတ်ပဲ ပြန်ထွက်သွားနိုင်ခဲ့ကြတာပါ။ အဲဒီရုပ်သံဖိုင်ဟာ အင်တာနက် စာမျက်နှာတွေပေါ် ပျံ့နှံ့ပြီးနောက်မှာတော့ ထိုင်း အင်တာနက် အသုံးပြုသူတွေဟာ မြေအောက်ရထားဘူတာရုံ တာဝန်ရှိသူတွေကိုလည်း ခုလို အချိန်မတော်မှာ နိုင်ငံခြားသား ၂ ဦး အလွယ်တကူ ၀င်ရောက်နိုင်ခဲ့တဲ့ လုံခြုံရေးဆိုင်ရာ အခြေအနေကို မေးခွန်းထုတ်လာခဲ့ကြပါတယ်။
6 years Ago
Up