ခြေစွမ်းမပြ

January 24, 2021

ခြေစွမ်းမပြနိုင်သေးသည့် ဝီလီယံနှင့်ပေပေကို ဆက်အားပေးကြရန် နည်းပြအာတီတာ တိုက်တွန်း

ခြေစွမ်းမပြနိုင်သေးတဲ့ ဝီလီယံနဲ့ နီကိုလပ်စ်ပေပေတို့ကို ဆက်လက်အားပေးကြဖို့ နည်းပြအာတီတာက တိုက်တွန်းလိုက်ပါတယ်။  ဝီလီယံနဲ့ ပေပေတို့ဟာ ဆောက်သမ်တန်ကို ရှုံးနိမ့်ခဲ့တဲ့ အက်ဖ်အေဖလားစတုတ္ထအဆင့်ပွဲစဉ်မှာ ပွဲထွက်ကစားခဲ့ပြီး အသင်းအတွက် အကျိုးပြုကစားနိုင်ခြင်းမရှိခဲ့တာပါ။ ပြီးခဲ့တဲ့ တတိယအဆင့်ပွဲစဉ်မှာတုန်းကလည်း နယူးကာဆယ်အသင်းကို အနိုင်ရခဲ့ပေမယ့် ပေပေနဲ့ ဝီလီယံတို့ကို လူစားလဲအပြီးမှ အသင်းရဲ့ခြေစွမ်း ကောင်းမွန်လာခဲ့တာဖြစ်ပါတယ်။  နည်းပြချုပ်အာတီတာကတော့ သူတို့ ၂ ဦးစလုံးဟာလည်း အကောင်းဆုံး ကြိုးစားကစားခဲ့ကြသူတွေဖြစ်ပြီး နောက်ဆုံးပေးပို့မှုတွေမှာ လွဲချော်ခဲ့ကြတာလို့ ပြောပါတယ်။  ဘောလုံးလောကမှာ အဆုံးသတ်ပေးပို့မှုတွေ၊ ကန်သွင်းချက်တွေက အခက်ခဲဆုံးဖြစ်ပြီး သူတို့ ၂ ဦးကို တက်နိုင်သမျှ ဆက်လက်အားပေးသွားကြဖို့လိုတယ်လို့ ဆိုပါတယ်။ အိုင်ဗရီကို့စ်တောင်ပံကစားသမား ပေပေဟာ ၂၀၁၉ ခုနှစ်က လိုင်လီကနေ စံချိန်တင်ပြောင်းရွှေ့ကြေးပေါင် ၇၂ သန်း နဲ့ ပြောင်းရွှေ့လာခဲ့တာပါ။ ပရီးမီးယားလိဂ် ၄၃ ပွဲမှာ ၇ ဂိုးသွင်း၊ ၆ ကြိမ်သာ ဂိုးဖန်တီးနိုင်ခဲ့ပါတယ်။ ဝီလီယံကတော့ အခုနှစ် ရာသီကမှ အလွတ်ပြောင်းရွှေ့ကြေးနဲ့ ချဲလ်ဆီးကနေ ပြောင်းရွှေ့လာခဲ့တာဖြစ်ပါတယ်။ 
9 months Ago
Up