ခြေစွမ်း

December 21, 2020

ပေါလ်စခိုးနှင့် ရွိုင်ကိန်းတို့လို ခြေစွမ်းမျိုး တွန်မီနေး ပြသဟု နဗီးလ်ချီးကျူး

တွန်မီနေးဟာ ပေါလ်စခိုးနဲ့ရွိုင်ကိန်းတို့လို ခြေစွမ်းပြသနိုင်ခဲ့တယ်လို့ ယူနိုက်တက်ဂန္ထဝင် နောက်ခံလူ ဂယ်ရီနဗီးလ်က ချီးကျူးလိုက်ပါတယ်။  ကွင်းလယ်လူ တွန်မီနေးဟာ မနေ့ညက ကစားသွားခဲ့တဲ့ လိဒ်ယူနိုက်တက်အသင်းနဲ့ ပွဲစဉ်မှာ အဖွင့်ဂိုး ၂ဂိုး ကိုပွဲအစ ၃ မိနစ်အတွင်းမှာပဲ သွင်းယူနိုင်ခဲ့ပါတယ်။  အဲဒီပွဲစဉ်ကို စကိုင်းစပေါ့ကနေ ရွိုင်ကိန်းနဲ့အတူ သုံးသပ်တင်ဆက်ခဲ့တဲ့ နဗီးလ်ကတော့ တွန်မီနေးဟာ ပေါလ်စခိုး နဲ့ ရွိုင်ကိန်းတို့ ကစားသမားအဖြစ် ပြောင်းလဲသွားတယ်လို့ ချီးကျူးခဲ့တာပါ။  တွန်မီနေးအနေနဲ့ တိုက်စစ်လိုက်ပါသွားတာက နည်းဗျူဟာကြောင့်လား၊ သူ့ရဲ့ ဆန္ဒကြောင့်လား မသိပေမဲ့ ကွင်းလယ် အဖျက်ကစားသမားတစ်ဦးက ဒီလို ဂိုးတက်သွင်းနိုင် လိမ့်မယ်လို့ မထင်ခဲ့ကြောင်း နဗီးလ်က ပြောပါတယ်။  ရွိုင်ကိန်းကတော့ နဗီးလ်ရဲ့ ချီးကျူးမှုကို သဘောတူပေမယ့်လည်း တွန်မီနေးက ပေါလ်စခိုးနဲ့ နိူင်းယှဉ်တာက ပိုပြီး မျှတလိမ့်မယ်လို့ မှတ်ချက်ပေးခဲ့ပါတယ်။ 
6 months Ago

November 30, 2020

ခြေစွမ်းပိုမိုကောင်းမွန်သည့်အသင်းဖြစ်လာပြီဟု မန်ယူနည်းပြဆိုးလ်ရှား ပြော

မန်ယူနိူက်အသင်းဟာ ခြေစွမ်း ပိုမိုကောင်းမွန်တဲ့အသင်းဖြစ်လာနေပြီလို့ နည်းပြဆိုးလ်ရှားက ပြောပါတယ်။  ဆောက်သမ်တန်အသင်းကို ၂ ဂိုး အရင်ပေးခဲ့ရပေမယ့် ၃ ဂိုး ပြန်လည်သွင်းယူနိုင်ခဲ့တဲ့ ပရီးမီးယားလိဂ်ပွဲစဉ်အပြီးမှာ အသင်းရဲ့ခြေစွမ်းနဲ့ ပတ်သက်လို့ နည်းပြဆိုးလ်ရှားက ချီးကျူးခဲ့တာပါ။  ခြေစွမ်းကောင်းမွန်အောင်ကစားနိုင်ခဲ့လို့ ၂ ဂိုးအရှုံးကနေ ၃ ဂိုး ပြန်သွင်းနိုင်ခဲ့တာဖြစ်ပြီး ဂုဏ်ယူစရာ ကောင်းတဲ့ရလဒ်ဖြစ်တယ်လို့ ဆိုးလ်ရှားကပြောပါတယ်။  လူစားဝင်ပြီး ၂ ဂိုးသွင်းခဲ့တဲ့ ကာဗာနီရဲ့စွမ်းဆောင်ရည်က အသင်းအတွက် အကျိုးသက် ရောက်မှုရှိစေခဲ့ပြီး ကာဗာနီဟာ ဂိုးဧရိယာရှေ့မှာ ချိန်သားကိုက် လှုပ်ရှားချင်တဲ့ တိုက်စစ်မှူး တစ်ဦးဖြစ်ပြီး ဂိုးရှေ့မှာ အမြဲတမ်းလူပ်ရှားလိုသူလို့ ချီးကျူးခဲ့ပါတယ်။  ဆောက်သမ်တန်နည်းပြ ဟက်ဆန်ကတော့ ကာဗာနီက ဂိုးပေါက်ရှေ့မှာ ထိန်းချုပ်ရခက်တဲ့ တိုက်စစ်မှူးဖြစ်တယ်လို့ ချီးကျူးခဲ့ပါတယ်။  အနိုင်မရခဲ့ပေမယ် ဦးဆောင်ဂိုး ၂ ဂိုး စသွင်းပြီး ပွဲကောင်းတစ်ပွဲကစားနိုင်ခဲ့တဲ့ အသင်းသားတွေအတွက် ဂုဏ်ယူတယ်လို့လည်း ဆောက်သမ်တန်နည်းပြက ပြောခဲ့ပါတယ်။
7 months Ago
More News
Up