ချဲလ်ဆီးအသင်

August 29, 2021

ချဲလ်ဆီးအသင်း ချန်ပီယံအရည်အသွေးပြသနိုင်ခဲ့ကြောင်း ဂယ်ရီနဗီးလ်သုံးသပ်

ချဲလ်ဆီးအသင်းဟာ လီဗာပူးနဲ့ ပွဲစဉ်မှာ ချန်ပီယံအရည်အသွေး ပြသနိုင်ခဲ့တယ်လို့ အင်္ဂလန် နောက်ခံလူဟောင်း ဂယ်ရီနဗီးလ်က ချီးကျူးပါတယ်။ 

လီဗာပူးနဲ့ တစ်ဂိုးစီ သရေကျခဲ့တဲ့ ချဲလ်ဆီးအသင်းဟာ ဒုတိယပိုင်းမှာ ၁ဝ ယောက် တည်းနဲ့ ကစားခဲ့ရပေမယ့် လီဗာပူးတိုက်စစ်ကို အကောင်းဆုံးခုခံပြီး အဝေးကွင်းမှာ သရေတစ်မှတ်ရယူနိုင်ခဲ့တာပါ။ 

ဂယ်ရီနဗီးလ်ကတော့ ချဲလ်ဆီးရဲ့ ခြေစွမ်းကို သဘောကျနေပြီး ချန်ပီယံ အရည်အသွေး ပြသနိုင်ခဲ့တာဖြစ်တယ်လို့ စကိုင်းစပေါ့နဲ့ သုံးသပ်ချက် အစီအစဉ်မှာ ချီးကျူးခဲ့တာပါ။ 

ဒုတိယပိုင်းမှာ ချဲလ်ဆီးက တည်တည်ငြိမ်ငြိမ်နဲ့ ကစားပြခဲ့ပြီး ပရီးမီးယား လိဂ်ချန်ပီယံမဖြစ်တာ ကြာပေမယ့်လည်း ချန်ပီယံအရည်အသွေး ပြသနိုင်ခဲ့တယ်လို့ နဗီးလ်က ပြောပါတယ်။ 

လီဗာပူးအနေနဲ့ကတော့ ချဲလ်ဆီးနဲ့ပွဲအပြီးမှာ သံသယဖြစ်စရာတွေနဲ့ ကွင်းထဲကနေ ထွက်ခွာကြလိမ့်မယ်လို့ နဗီးလ်က ပြောပါတယ်။ 

နဗီးလ်နဲ့အတူ သုံးသပ်တင်ဆက်ခဲ့တဲ့ ချဲလ်ဆီးတိုက်စစ်မှူးဟောင်း ဟက်ဆယ်ဘိန့်ခ်ကလည်း ချန်ပီယံဖြစ်ဖို့ ဘာတွေလိုအပ်သလဲဆိုတာ ချဲလ်ဆီးအသင်းပြသနိုင်ခဲ့ကြောင်း ချီးကျူးခဲ့ပါတယ်။ 

ချဲလ်ဆီးအသင်းဟာ ၂၀၁၆-၂၀၁၇ ရာသီနောက်ပိုင်းမှာ ပရီးမီးယားလိဂ်ချန်ပီယံဆုဖလားနဲ့ ဝေးကွာနေပေမယ့် ချန်ပီယံလိဂ်၊ယူရိုပါလိဂ်နဲ့ အက်ဖ်အေဖလားချန်ပီယံဆုဖလားတွေ ရယူနိုင်ခဲ့ပါတယ်။ 

5 months Ago

December 28, 2019

အာဆင်နယ်အသင်းကို အနိုင်ယူရန် ချဲလ်ဆီးအသင်းခေါင်းဆောင် တိုက်တွန်း

ဆောက်သမ်တန်နဲ့ပွဲက ရှုံးပွဲအတွက် အာဆင်နယ်အသင်းနဲ့ပွဲကို အနိုင်ယူပြီး တုံ့ပြန်ကြဖို့ ချဲလ်ဆီးအသင်းခေါင်းဆောင် အက်ဇ်ပီလီကွယ်တာက ပြောကြားလိုက်ပါတယ်။ ချဲလ်ဆီးအသင်းဟာ ပြီးခဲ့တဲ့ပွဲစဉ်မှာ ဆောက်သမ်တန်အသင်းကို အိမ်ကွင်းမှာ ၂ ဂိုးပြတ်နဲ့ ရှုံးနိမ့်ခဲ့တာဖြစ်ပါတယ်။  တနင်္ဂနွေနေ့မှာ အာဆင်နယ်အသင်းနဲ့ အီမရိတ်မှာ သွားရောက်ကစားရမယ့်ပွဲဟာ ချဲလ်ဆီး အသင်းအနေနဲ့ တုံ့ပြန်မှုတခု ပြန်လည်ပြုလုပ်ရမယ်လို့ အက်ဇ်ပီလီကွယ်တာက ဆိုပါတယ်။  အသင်းမှာ အရည်အသွေးရှိတဲ့ ကစားသမားတွေရှိပြီး အတွေ့အကြုံကောင်းတွေလည်း ရရှိခဲ့ ပြီးဖြစ်လို့ အာဆင်နယ်ကို အနိုင်ကစားပြီး ချန်ပီယံလိဂ်ဝင်ခွင့်အတွက် အမှတ်ဖြတ်နိုင်ဖို့ အက်ဇ်ပီလီကွာတာက အသင်းသားတွေကို တိုက်တွန်းသွားခဲ့ပါတယ်။
2 years Ago
Up