ချဲလ်ဆီ

August 12, 2022

နောက်ခံလူ ဖိုဖန်နာအတွက် ချဲလ်ဆီး၏ ကမ်းလှမ်းမှု မလုံလောက်ဟု ရော်ဂျာပြော

နောက်ခံလူ ဖိုဖန်နာအတွက် ချဲလ်ဆီးအသင်းရဲ့ကမ်းလှမ်းချက်တွေဟာ လုံလောက်မှုမရှိသေးကြောင်း လက်စတာနည်းပြ ရော်ဂျာက ပြောပါတယ်။

ချဲလ်ဆီးအသင်းဟာ လက်စတာမှာ ခြေစွမ်းပြနေတဲ့ ပြင်သစ်ဗဟိုနောက်ခံလူ ဖိုဖန်နာကို ခေါ်ယူဖို့ ကမ်းလှမ်းမှု နှစ်ကြိမ်ပြုလုပ်ခဲ့ပေမဲ့ အဆင်မပြေသေးတာပါ။

အသက် ၂၁ နှစ်ရှိ နောက်ခံလူဟာ ပြီးခဲ့တဲ့ မတ်လကမှ လက်စတာနဲ့  ၅ နှစ် စာချုပ် ချုပ်ဆိုထားတာပါ။

လက်စတာအသင်းဟာ ဖိုဖန်နာအတွက် စတာလင်ပေါင် သန်း ၈၀ အထိ သတ်မှတ်ထားပြီး ချဲလ်ဆီးဘက်က ဒုတိယအကြိမ်ကမ်းလှမ်းတဲ့ ပေါင် ၆၅ သန်းနဲ့ ဈေးမတည့်သေးဘဲ ဖြစ်နေရတာပါ။ 

ချဲလ်ဆီးရဲ့ကမ်းလှမ်းမှု ၂ ကြိမ်ကို နည်းပြရော်ဂျာကလည်း အတည်ပြုခဲ့ပြီး လိုချင်တဲ့ဈေး မရဘူးဆိုရင် ရောင်းချမှာမဟုတ်ကြောင်း ပြောပါတယ်။

လက်စတာဘက်ကတောင်းဆိုတဲ့ ပေါင်သန်း ၈၀ ဟာ နောက်ခံလူတယောက်အတွက် ကမ္ဘာ့စံချိန်တင် ပြောင်းရွှေ့ကြေးဖြစ်နေပြီး ချဲလ်ဆီးဘက်က ထပ်မံကမ်းလှမ်းမလားဆိုတာ မသိရသေးပါဘူး။ 

4 months Ago

December 6, 2020

ပရီးမီးယားလိဂ်ချန်ပီယံဆု ရေပန်းအစားဆုံးအဖြစ် ချဲလ်ဆီးကို ကလော့ပ်ရွေးချယ်

လက်ရှိအခြေအနေအရ ပရီးမီးယားလိဂ်ဖလားကို ရရှိဖို့ ရေပန်းအစားဆုံးအသင်းမှာ ချဲလ်ဆီးအသင်းဖြစ်တယ်လို့ လီဗာပူးနည်းပြ ယာဂန်ကလော့ပ်က ပြောပါတယ်။  ဒီနေ့မနက်အစောပိုင်းပွဲစဉ်မှာ လိဒ်ယူနိုက်တက်အသင်းကို ၃ ဂိုး ၁ ဂိုးနဲ့အနိုင်ရရှိခဲ့ပြီးနောက် ချဲလ်ဆီးအသင်းဟာ အမှတ်ပေးဇယားရဲ့ထိပ်ဆုံးကို ရောက်ရှိလာခဲ့ပြီး တနင်္ဂနွေ နေ့မှာ ကစားဖို့ရှိနေတဲ့ လီဗာပူးနဲ့ စပါးအသင်းတို့ကို ၁ မှတ်ဖြတ်ထားပါတယ်။  ချဲလ်ဆီးဟာ ချန်ပီယံဘွဲ့ကိုလုယူဖို့ အကြီးမားဆုံးခြိမ်းခြောက်မှုဖြစ်သလို လီဗာပူးအသင်းကလည်း ချန်ပီယံဆုကို ကာကွယ်ဖို့အာရုံစိုက်ထားဆဲဖြစ်တယ်လို့ ကလော့ပ်က ပြောပါတယ်။ “ကျနော်ပွဲတွေကို ကြည့်မိရင် စပါးအသင်းက တော်တော်လေးကောင်းတာကို တွေ့ရပါတယ်။ ဒါပေမဲ့ ကျနော့်အတွက်ချန်ပီယံဆုကို ရေပန်းအစားဆုံးအသင်းကတော့ ချဲလ်ဆီးပါပဲ။ သူတို့ဟာ လူစာရင်းတောင့်တင်းသလို ကစားသမားကောင်းတွေလည်း အများကြီးရှိပါတယ်။ သူတို့ကစားပုံကလည်း ကောင်းပါတယ်။ လက်ရှိအချိန်မှာ သူတို့အသင်းဟာ အကောင်းဆုံးပုံစံမှာရှိနေပြီး တစ်ပွဲနဲ့တစ်ပွဲမတူညီတဲ့ ပြိုင်ဘက်တွေကို အံ့သြသင့်ဖွယ်ရာအနိုင်ယူပြနေပါတယ်။ ဖိအားတွေရှိနေတာ မှန်ပေမယ့် ဒါဟာ ကိုယ်နဲ့ပဲ ဆိုင်ပါတယ်။ ကျနော်တို့အတွက်ဖိအားဆိုတာ ပွဲကိုအနိုင်ရဖို့ လိုအပ်တဲ့ဖိအားဖြစ်ပြီး လာမယ့်ဝုဗ်နဲ့ပွဲစဉ်မှာ အနိုင်ရလဒ်ရရှိအောင်ဆောင်ရွက်သွားပါမယ်။ ဒါဟာ ကျနော်တို့အတွက် ပစ်မှတ်ပဲဖြစ်ပါတယ်။ လာမယ့်ပွဲ၊ လာမယ့်ပြိုင်ဘက်နဲ့ပတ်သတ်ပြီးတော့ပဲ အပြည့်အဝအာရုံစိုက်ထားသင့်ပါတယ်။ အထူးသဖြင့်ပြိုင်ဘက်တွေရဲ့ အစောပိုင်းရလဒ်တွေ မဟုတ်ပါဘူး။” 
2 years Ago
More News
Up