ချေးငွေ

May 14, 2022

ဘီးလင်းမြို့နယ်တွင် ချေးငွေသွားတောင်းသည့် ကုမ္ပဏီဝန်ထမ်း ၁ ဦး အသတ်ခံရ

မွန်ပြည်နယ်၊ ဘီးလင်းမြို့နယ်၊ ဒေါက်ရပ်ကျေးရွာအုပ်စု၊ ခဲမောက်ကျေးရွာမှာ ချေးငွေ သွားတောင်းတဲ့ ကုမ္ပဏီဝန်ထမ်းတယောက်  အသတ်ခံလိုက်ရတယ်လို့ ဒေသခံတွေထံက သိရပါတယ်။

သထုံမြို့ စထာပါနာချေးငွေကုမ္ပဏီဝန်ထမ်း ကိုအောင်သီဟဟာ မေလ ၁၂ ရက်နေ့က ခဲမောက်ကျေးရွာက လင်မယားနှစ်ယောက်ထံမှာ  ချေးငွေပြန်သွားတောင်းစဉ် အသတ်ခံလိုက်ရတာ ဖြစ်ပါတယ်။

ကိုအောင်သီဟကို သူ့အမျိုးသားက သတ်ဖြတ်လိုက်ကြောင်း  ချေးငွေယူထားသူရွာသားရဲ့ ဇနီးဖြစ်သူက  မေလ ၁၂ ရက် ည ၈ နာရီလောက်မှာ ကုမ္ပဏီထံ အကြောင်းကြားလာခဲ့ပါတယ်။

ဒါ့အပြင် ကိုအောင်သီဟရဲ့ ရုပ်လောင်းကို နေအိမ်နောက်ဘေးမှာ မြှုပ်နှံထားကြောင်းနဲ့  ပါရှိလာတဲ့ ငွေသားတချို့နဲ့ ဆိုင်ကယ်တစ်စီးကို လင်းမယား ၂ ဦး ယူဆောင် ထွက်ပြေးသွားပြီးလို့ ပြောပြလာတယ်လို့ဆိုတယ်။

ဒါကြောင့် မေလ ၁၃ ရက်မှာ အဆိုပါ အဆိုပါ လင်မယား ၂ ယောက် နေထိုင်တဲ့ ခဲမောက်ကျေးရွာ နေအိမ်ကို သက်ဆိုင်ရာ တာဝန်ရှိသူတွေက သွားရောက် ရှာဖွေစဉ် နေအိမ်နောက်ဘေးနဲ့ ပေ ၁၀၀ လောက်အကွာမှာ မြေမြှုပ်ထားတဲ့ ကိုအောင်သီဟ ရုပ်အလောင်းကို ရှာဖွေ တွေ့ရှိခဲ့ပါတယ်။

1 month Ago

April 14, 2022

ကိုဗစ်ထိန်းချုပ်ရေး ကန်ဒေါ်လာ သန်း ၇၀၀ ခန့်ထောက်ပံ့ရန် တရုတ်ဘဏ် ကမ်းလှမ်း

တရုတ်ဖွံ့ဖြိုးရေးဘဏ်ဟာ ကိုဗစ်-၁၉ ကပ်ဘေး ပြည်လုံးကျွတ်ဟန့်တားထိန်းချုပ်ရေး လုပ်ငန်းတွေကို ထောက်ပံ့ဖို့ ၂၀၂၂ ပထမ ၃ လပတ်ထဲမှာ အမေရိကန်ဒေါ်လာ ၆၉၁ ဒသမ ၂၄ သန်းနဲ့ ညီမျှတဲ့ တရုတ်ယွမ်ငွေ ၄ ဒသမ ၄ ဘီလီယံ အရေးပေါ် ချေးငွေအဖြစ် ပေးဖို့ ကမ်းလှမ်းလိုက်ပါတယ်။

ယာယီဆေးရုံတွေနဲ့ ရောဂါခြေချုပ်ဌာနတွေ ဆောက်လုပ်ရေးအတွက် ယွမ်ငွေ ၁ ဒသမ ၄ ဘီလီယံ၊ နေ့စဉ်လိုအပ်ချက်တွေ ပံ့ပိုးဖို့ ယွမ်ငွေ သန်း ၆၈၀၊ ကပ်ဘေးတိုက်ဖျက်ရေး အထောက်အပံ့တွေ ဝယ်ယူ သိုလှောင်ဖို့ ယွမ်ငွေ ၂ ဒသမ ၃၂ ဘီလီယံ ကမ်းလှမ်းထားတယ်လို့ ဘဏ်က ဧပြီ ၁၂ ရက်မှာ ပြောပါတယ်။

ဒီငွေတွေကို ဒေသန္တရ ကပ်ဘေး ဟန့်တားထိန်းချုပ်ရေး လုပ်ငန်းတွေ၊ စီးပွားရေးနဲ့ လူမှုရေးလုပ်ငန်းတွေ တိုးတက်ဖို့ အချိန်မီ ထိရောက်တဲ့ ဘဏ္ဍာရေး အထောက်အပံ့အဖြစ် ပံ့ပိုးပေးမယ်လို့ ဘဏ်က ပြောပါတယ်။

2 months Ago
More News
Up