ချောင်းဇင်းရွာ

May 28, 2021

ချောင်းဇင်းရွာ တိုက်ပွဲကြောင့် ဒေသခံများ တိမ်းရှောင်

စစ်ကိုင်းတိုင်း မြောင်မြို့နယ်၊ ချောင်းဇင်းကျေးရွာမှာ စစ်ကောင်စီရဲ့ တပ်တွေနဲ့ ပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပြီးနောက် အနီးပတ်ဝန်းကျင်ရွာက လူတွေ ထွက်ပြေး တိမ်းရှောင်နေရတယ်လို့ သိရပါတယ်။

စစ်ကောင်စီရဲ့ တပ်တွေနဲ့ ပြည်သူ့ကာကွယ်ရေးတပ်ဖွဲ့တို့ဟာ မေ ၂၆ ရက်က တိုက်ပွဲ ဖြစ်ခဲ့တာဖြစ်ပြီး ချောင်းဇင်းရွာအပါအဝင် အနီးနားက ရသစ်၊ ပေါက်ချောင်း၊ ရွာပုလဲ စတဲ့ ရွာတွေ က ဒေသခံတွေ နီးစပ်ရာ ထွက်ပြေးတိမ်းရှောင်ကြတာဖြစ်ပါတယ်။

“ဒီမနက်ပဲ စစ်ကား (၃) စီးနဲ့လာပြီး ပတ်ရှာနေတယ်။ လေကြောင်းကနေ ပျံဝဲပြတာတွေ လည်းရှိတယ်။ နောက်ပြီး မြစ်ထဲကနေ စစ်ရေယာဉ်တွေလည်း ရောက်နေတယ် ပြောသံကြား တယ်။ ပစ်တာခတ်တာတော့ မရှိသေးဘူး။” လို့ ဒေသခံတစ်ဦး က ပြောပါတယ်။

အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်တွေဟာ ချောင်းဇင်းရွာက ဘုန်းကြီး ကျောင်း နဲ့ စာသင်ကျောင်းတွေမှာ တပ်စွဲထားတယ်လို့ သိရပါတယ်။

6 months Ago
Up